Segel no'k dakiah sehatus pat puhu'k pat hibu(144.000) ¹ Setelah han, ku'k ngolo pat malaekat tokit no'k pat penjuru bumi, sedan'kng nahatn kupat bahat poyo'k tono'k supaya kadiah di'k du'k sipuah no'k poyo'k lawuat, ataupun no'k balo bota koyuh. ² Kemudian, ku'k honong malekat lai'kng timual so'k aho'kng motih sohonuh pojapm, ngan matn segel so'k Baipunopo'k di'k midiap. Diapm inya'tn ngan caho di'k kohas nganu kupat malekat di'k ninyulu'k kuasa nya'k kiko'k poyo'k tono'k ngan lawuat atui, ³ Inyo'klah kiko'k poyo'k tono'k, lawuat, atau balo koyuh-koyuh sebelum mi'k mosi'k minyu'k tana segel no'k dakiah balo hamba Baipunopo'k iyah.'' ⁴ Ku'k ngopi'kng jumlah balo di'k nyegel kobia sahatus pat puhu'k pat(144.000) kunan. Balo sumua asal so'k setiap suku balo na'k Israel;* ⁵ so'k suku Yehuda Du bolas hibu(12.000) so'k suku Ruben Du bolas hibu(12.000)so'k suku Gad Du bolas hibu(12.000) ⁶ so'k suku Asyar Du bolas hibu(12.000) so'k suku Naftail Du bolas hibu(12.000) so'k suku Manasye Du bolas hibu (12.000) ⁷ so'k suku Simeon Du bolas hibu(12.000) so'k suku Lewi du bolas hibu(12.000) so'k suku Isakhar Du bolas hibu(12.000) ⁸ so;k suku Zebulon Du bolas hibu(12.000) so'k suku Yusuf Du bolas hibu(12.000) so'k suku Benyamin 12.000 di'k jeh nimoki tana. ⁹ setelah han ku'k ngolo, subona'hkng kukobia'ng daeh Na'ksio di'k kai dopit dibila jumlah'ng, so'k sumua neghar'a ngan suku ngan bangsa ngan bahasa, tokit no'k joi tahta ngan no'k joi Na'k Domba, nginya'k jubah mopu'k ngan da'tn-da'tn palem no'k tongan balo; ¹⁰ ngan balo inyatn ngan caho hogas, ''Keselamatan bagi Baipunopo'k mi'k di'k guhu'k no'k somu takhta, ngan bagi Na'k Domba.'' ¹¹ Ngan, sumua malekat di'k seda'kng tokit sekelili'kng takhta han ngan no'k sekelili'kng mutuh-mutuh,* ngan kupat makhluk han, balo sujud no'k joi takhta han ngan nyumah Baipunopo'k, ¹² ngan inyatn, ''Amin!* Pujian ngan kemuliaan ngan hikmat ngan ucapan syukur ngan kehormatan ngan kekuasaan, keperkasaan bagi Baipunopo'k diap sapai koti-koti han. Amin!'' ¹³ Kemudian, nyi'k(1) so'k pumutuh han inya'tn ngan bupisia'k kanuku'k, ''Osiahkoh balo di'k nginya'k jubah mopu'k tia ngan sokiah balo moni'k?'' ¹⁴ Maka, ku'k inyatn nganu'nge, Tua'tnku'k, kapm tau'kkoh.'' Lalu, diapm nyono'k kanuku'k, ''Balo adalah nyo-nyo di'k jeh kuluar so'k pujoho'k di'k daeh ngan ho'k ngumi'k jubah // balo ngan ngado'k mopu'k no'k wah doyo'k Na'k Domba. ¹⁵ Oleh karna han, balo tokit no'k joi takhta Baipunopo'k ngan ladetn Diapm hanu ngan ngohupm no'k bait-Diapm; ngan Diapm di'k guhu'k no'k somu takhta han ho'k motia'k no'k anthar'a balo. ¹⁶ Balo kai acapm bihia'k atau aus agi'k; ataupun motih sohonuh kai acapm ho'k konapm balo ataupun lotiap tori'k di' lai'kng. ¹⁷ sebab, Na'k Domba di'k no'k tudo'k-tudo'k takhta han ho'k jodi Gembala balo ngan ho'k nyinuat balo kanu motih pi'kng pumidiap; ngan Baipunopo'k ho'k koyap/ngapus sugala pi'kng motih so'k motih balo.''