Na'k Domba Muka'k Segel Punojih sapai kune'm ¹ Kemudian, ku'k hati'ng ketika Na'k Domba muka'k nyi'k so'k ju'k egel han, ngan ku'k ngopi'kng nyi'k so'k pat makhluk han nyono'k ngan caho di'k yung dinia, ''Boh!" ² Maka, ku'k ngolo nyi'k golo'k kuda mopu'k ngan diapm di'k guhu'k no'k somu'nge migitn nyi'k golo'k panah; ngan nyi'k golo'k mahkota niminyu'k nganudiapm, ngan diapm maju nya'k ho'k ngalahng ngan monang. ³ Ngan, ketika Na'k Domba han muka'k segel di'k ku du'ngu, ku'k ngopi'kng makhluk di'k ku du nyono'k, ''Boh!" ⁴ Maka, majulah nyi'k golo'k kuda lai'kng buwarna sio'k mah jilau opi, ngan diapm di'k guhu'k no'k somu,ng niminyu'k kuasa nya'k monu kedamaian so'k bumi sehinga na'ksio ho'k sali'kng kome'k, ngan nyi'k ngolo'k poda'kng di'k daeh niminyu'k nganudiapm. ⁵ Ngan, la'k Na'k Domba han muka'k segel di'k kutohuah, ku'k ngopi'kng makhluk di'k kutohuah nyono'k, ''Boh''Maka, ku'k ngolo nyi'k golo'k kuda mohupm ngan diapm di'k guhu'k no'k somu migitn nyi'k golo'k daci'kng no'k tongan'ngne. ⁶ Lalu, ku'k ngopi'kng yung odiah caho no'k tudo'k keupat makhluk han nyono'k, '' Nyi'k cupak gandum inya'k 1 dinar , ngan 3 cupak jelai inya'k 1 dinar, tetapi nyo'k me'k minya'ng ngan anggur'u!'' ⁷ Ngan, ketika Na'k domba han muka'k segel di'k ku umpat, ku'k ngopi'kng caho makhluk di'k kuumpat nyono'k, ''Boh'' ⁸ Maka, ku'k ngolo nyi'k golo'k kuda buwarna ijau mucat ngan diapm di'k guhu'k no'k somu'ng buwarna Maut ngan Hades nyinuatn. Ngan, kuasa niminyu'k nganu balo somu 1/4 bumi, nya'k kome'k nya'k podan'kng, tacah bihia'k, punyakit, ngan binata'kn-binata'kng buas no'k bumi. ⁹ Ketika Na'k Domba muka'k segel di'k kuhimih, ku'k ngolo no'k sigatn altar* jiwa-jiwa balo di'k ho'k ni kome'k karna firman atau jatoh Baipunopo'k ngan karna kesaksian di'k ho'k balo pertahankan. ¹⁰ Balo makas ngan caho hogas, ''Koti gi'k koh, Punopo'k di'k kudus ngan bonar'k, Mu'k ho'k nahatn mu'k so'k punosat ngan molas doyo'k mi'k nganu balo di'k monai no'k bumi?'' ¹¹ Ngan, nganu masi'kng-masi'kng jiwa han niminyu'k nyi'k mgolo'k jubah mopu'k ngan balo nipodo'k bahwa balo harus monai sutogal agi'k, hingga pupo'k pulua kayau-kayau pelayan ngan balo buposi'k di'k ho'k kabe'k mah balo jodi genap. ¹² Ngan, ku'k honong ketika Na'k Domba han muka'k segel di'k kunim, jodi lobuar poyo'k tono'k di'k dahsyat; motihsohonuh jodi mohupm mah kai'kng goni // di'k nimoki so'k buhuba'k ngan semua buhatn jodi mah doyo'k. ¹³ Ngan, binata'kng-binata'kng no'k hunyia'tn buhobu'k no'k bumi mah koyuh nunua'k guguar balo buo'kng di'k mutuh saat bugucah nibahat di'k salu'k kuat. ¹⁴ Ngan, tubuto'klah* hunyiatn pubasamah kitab di'k bugolua, ngan setiap dohi'k ngan pulau niminah so'k aho'knge. ¹⁵ Maka, balo haja no'k bumi, ngan nyo di'k daeh, ngan balo perwira,* ngan balo nyo kaya ngan bukuasa, ngan sumua kuli, ngan nyo bebas kosua'k no'k gua-gua ngan no'k antara balo botuh no'k dohi'k. ¹⁶ Balo inyatn nganu balo dohik ngan balo botuh karang han, ''Lobuarlah napo'k mi'k ngan sukatn ngan mi'k so'k joi Diapm di'k guhu'k no'k somu tahta, ngan so'k murka Na'k Domba! ¹⁷ Sebab, onu suba'k daeh nyak murka baloho'k moni'k ngan osiahkoh di'k dopit butaha'tn?''