Cuhat nganu Jemaat no'k Sardis ¹ "Ngan, nganu malekat jemaat no'k Sardis tulisnganlah: Tialah punyono'k Diapm di'k pu'k ju'k Roh* Bai Punopo'k ngan ju'k cubita han: Ku'k tau pungodi-pungodimu'k. nyo nyono'k bahwa mu'k midiap, tetapi subonark mu'k kobe'k. ² Waspadamaih, ngan kuatmaih hal-hal di'k bayu odiah, di'k hamperhk kobe'k, karna Ku'k guatn dopit pukihijamu'k di'k sempurna wah puhonong Bai Punopo'k. ³ Karna han, siatmaih di'k jeh mu'k himo'k ngan ngopi'kng, taatimaih han ngan butobatlah! La'k mu'k kai waspada, Ku'k ho'k moni'k mah nyo punoku ngan mu'k kai giah tau'k japm kudu Ku'k ho'k moni'k nganumu'k. ⁴ Acapm tetapi, mu'k pu'k kobia nyo no'k Sardis di'k guatn nyome'k aduah balo; ngan balo ho'k bujalatn buhoto-Ku'k nginya'k aduah mopu'k karna balo layak. ⁵ Nyo di'k mona acapm nginya'k aduah mopu'k ngan Ku'k kai ho'k ngapus odatn so'k Kitab pumidiap. Ku'k acapm ngaku'k odatn no'k joi Ma-Ku'k ngan no'k joi malekat-malekat-Diapm. ⁶ Diapm di'k pu'k kopi'kng adumaih ngopi'kng oniah di'k Roh nyono'k nganu jemaat-jemaat." Cuhat nganu Jemaat no'k Filadelfia ⁷ Ngan, nganu malekat jemaat no'k Filadelfia nulis: Tialah jatoh so'k Di'k Kudus ngan Di'k Bonark, di'k migitn kunci Daud,* di'k muka'k ngan kai osiah pun dopit nitiapm; di'k nitiap ngan kai osiah pun dopit muka'kng: ⁸ Ku'k tau'k pungodi-pungodimu'k. Kolomaih, Ku'k jeh muka'k jigitn nyakmu'k, di'k kai osiah pun dopit nitiapm karna kukuatmu'k cikng, tetapi mu'k jeh menaati firman-Ku'k ngan kai menyangkal odatn-Ku'k. ⁹ Kololah, Ku'k ho'k moki anggota sinagoge Iblis han, di'k ngaku'k mah nyo Yahudi, tetapi subonar'k kai, selai'kng nilakar, Ku'k ho'k moki balo monik ngan sujud no'k kojo'k Mu'k, dan moki balo tau'k bahwa Ku'k nyilu'kmu'k. ¹⁰ Karna mu'k jeh kidiap firman ketekunan-Ku'k, Ku'k ho'k memeliharamu'k so'k masa kesusahan di'k aca'pm moni'k koni selurhu'hk dunia, nyak nguji balo di'k motia'k no'k bumi. ¹¹ Ku'k segera moni'k. tigitnmaih onia'h di'k Mu'k pu'k supaya kai osiah pun ho'k monu mahkotamu'k. ¹² Diapm mona, Ku'k ho'k nyodi tia Penyangga Bait Suci Punopo'k-Ku'k, ngan diapm kai ho'k obu so'k aho'kng han; ngan Ku'k ho'k nulis kanu ng oda'tn Punopo'k-Ku'k ngan odat'n kota Punopo'k-Ku'k, yaitu Yerusalem bauh , di'k han mono'k so'k surga, so'k Punopo'k-Ku'k, ngan odatn-Ku'k di'k bauh. ¹³ Diapm di'k pu'k kopi'kng adumaih ngopikng oniah di'k ni Roh nyono'k nganu jemaat-jemaat." Cuhat nganu jemaat no'k Laodikia ¹⁴ Ngan, nganu malekat jemaat no'k Loadikia tulismaih: Tialah punyono'k Sang Amin , saksi di'k apik ngan bonark, tojih so'k segala ciptaan Punopo'k: ¹⁵ Ku'k tau'k pungodi-pungodimu'k, bahwa mu'k kai colap ataupun lotiap. Alangkah bai'kngi jika mu'k colap nhgan lotiap. ¹⁶ Jodi, karna mu'k cibacolap, kai lotiap ataupun colap, Ku'k ho'k nguahkanmu'k so'k tukua'k-Ku'k. ¹⁷ Karna mu'k nyono'k, 'Ku'k kaya, bulobiah, ngan kai kekurangan oniah-oniah,' ngan kai tau'k bahwa sesubonarkng mu'k sengsara, malang, misketn, bokap, ngan lanyau. ¹⁸ Ku'k menasehatimu'k nya'k mihih so'k-ku'k emas, di'k dimurnikan nya'k opi supaya mu'k jodi kaya, ngan balo aduah mopu'k supaya mu'k dopit nginya'kng sehingga asa mongin karna pulanymu'k kai ho'k kolo, ngan milik salap no'k motihmu'k supaya dopit honong. ¹⁹ Balo di'k kukasihi, Ku'knegur ngan ku'khajar; karna han, relangan maih owamu'k ngan butobatlah! ²⁰ Kololah! Ku'k tokitno'k joi mitn ngan mengetuk. Jika odiah nyo ngopikng caho-Ku'k ngan muka'k mitn, Ku'k ho'k tamo'k nganudiapm ngan dua'k busama, ngan diapm samah-Ku'k. ²¹ diapm di'k mona, Ku'k ho'k ngijetndiapm guhu'k samah-Ku'k no'k tahta-Ku'k, samah mah Ku'k jeh mona ngan guhu'k samah Ma-Ku'k no'k tahta-Ng. ²² Diap di'k bukopi'kng adumaih ngopi'kng oniah di'k ninyono'k Roh nganu jemaat-jemaat."