Yohanes Honong Surkga 1 Setelah han, ku'k ngolo mitn jigitn tubuka'k no'k surkga, ngan caho atui, di'k ni ku'k ngopikng yung caho trompet ngan ku'k, kuatn, "Sima'k maih kotu'k ngan Ku'k ho'k ngayan nganu oniah di'k harus terjadi mosi'k tia." 2 Saat han gi'k, ku'k dikuasai Roh* ngan kolomaih sebuah tahta odiah no'k surkga ngan todiapnyo guhu'k no'k somu tahta han. 3 Ngan, diapm di'k guhu'k no'k somu tahta han, mah botuh permata yaspis ngan sardis; ngan odiah dawah no'k kelilikng tahta han, di'k kolo mah zamrud. 4 Di'k sekelilikng tahta han odiah du puhu'k pat tahta ngan no'k somu tahta-tahta han ku'k honong du puhu'k pat mutuh-mutuh, guhu'k, nginya'k jubah mopu'k ngan mahkota-mahkota emas odiah di'k no'k ba'k balo. 5 Ngan, so'k tahta han kuluar cilat pati'k ngan gugut caho dinia. Ngan, odiah Ju'k dian di'k pia'tn no'k joi tahta han, di'k hanti ju'k Roh Punopo'k. 6 Ngan, no'k joi tahta han gi'k dopit sesuatu mah lawuat kaca, mah kristal. No'k hopuat ngan sekelilikng tahta han odiah pat makhluk di'k punu'kng ngan motih di'k bagian joi dan kona ng. 7 Makhluk di'k punojih mah seekor singa, dan makhluk di'k kudu mah seekor lembu dahi, dan makhluk di'k kutohuah bujowi mah jowi na'k sio dan makhluk kupat mah seekor monua'kng bauh di'k ho'k mibir. 8 Kuumpat makhluk han masi'kng-masi'kng odiah nimp ohot di'k punu'kng ngan motih, bai'k soni'k sopo'k maupu'tn wah ng; hanu dan ngohupm, kuumpat makhluk han kai suah toga'k bujatoh, "Kudus, Kudus, Kudusmaih Baipunopo'k di'k Mahakuasa, di'k jeh odiah, di'k odiah, ngan di'k ho'k moni'k." 9 Ngan, setiap kali makhluk-makhluk han minyu'k kemuliaan, hormat, ngan nyono'k syukur nganu Diapm di'k guhu'k no'k somu tahta, di'k midiap koti-kotihan, 10 ku du puhu'k pat mutuh-mutuh han sujud no'k joi ng di'k guhu'k no'k somu tahta han, ngan menyembah Diapm di'k midiap sapai koti-kotihan, ngan cibir mahkota balo no'k joi tahta han pihi bujatoh, 11 Ya Baipunopo'k ngan punopo'k mi'k kapm layak himo'k kemuliaan, hormat, ngan kuasa karna Mu'k jeh menciptakan segala sesuatu ngan karna kehendak-Mu'k semua han odiah nganniciptakan.''