Cuhat Kanu Jemaat no'k Efesus ¹ "kanu malekat jemaat no'k Efesus tulisngan: tia lah punyuno'k Diapm migitn ju'k cibita no'k tongan touh-Nge dan di'k bujalatn antara ju'k kojo'k dian mas han: ² Ku'k tau'k sumua kihija mu'k dan jerih payah mu'k dan ketekunan mu'k, makiah mu'k kai tahatn terhadap di'k jahat, dan mu'k nguji balo nyo di'k nyono'k diapm han Rasul .* Tapi subonar'ng datn tih kai rasul, dan dopit datn di'k palsu. ³ Mu'k pu'k kuapig ngan butahatn demi odat;n-Ku;k ngan kai nginal lopa. ⁴ Akan tetapi, Ku'k menegur mu'k karna mu'k ni toga'tn pongaseh mu'k di'k tojih. ⁵ Karna tia, siatlah so'k kiah mu'k hobu'k ngan butobat hoto kodi oniah di'k jeh mu'k hija tojih. Jika kai, Ku'k acapm moni'k nganumu'k, kecuali mu'k butobat. ⁶ Akan tetpi, tia di'k mu'k pu'k: mu'k godi'k pengodi-pengodi jalah punyinuat Nikolaus , di'k juga'k ku'k godi'k. ⁷ Diapm di'k pu'k kopi'kng adu ng ngopi'k oniah di'kni Roh nyono'k* nganu jemaat-jemaat. Nganu diapm di'k mona, Ku'k acapm minyu'k dua'k so'k bota Kehidupan di'k odiah no'k Taman Bai punopo'k ." Cuhat nganu Jemaat no'k Smirna ⁸ "Ngan, nganu malekat jemaat no'k Smirna tulisngalah: Tialah kusano'k so'k di'k Tojih ngan di'k Kumisi'kng, ngan jeh kobe'k ngan midiap agi'k: ⁹ Ku'k tau'k kususah ngan kumiske'tn mu'k, tetapi sesunguhnya mu'k kaya! Ku'k tau'k nerhemah(fitnah) di'k ninuju nganumu'k balo nyono'k mu'k nyo Yahudi, tetapi subonarkng kai, melainkan sinagoge Iblis. ¹⁰ Yo'k gola'k terhadap oniah di'k acapm mu'k derita. Kololah, seta'tn ho'k mora'kng kudukudu so'k da'tn nganu penjargha supaya mu'k ni nguji, ngan datn acapm nginapm punyoho'k selama'k simia onu. setialah sapai kobe'k, ngan Ku'k acapm ho'k minyu'k nganumu'k mahkota pumidiap. ¹¹ Diap di'k bukopigng adu do'k ngopignk oniah di'k ni Roh nyono'k nganu jemaat-jemaat. Nyo di'k mona kai acapm menderita nih kobe'k di'k ku du." Cuhat nganu Jemaat no'k Pergamus ¹² "Ngan, kanu malekat jemaat no'k pergamus tulis nganlah: Tialah punyono'k Diapm di'k pu'k poda'kng hojo'k bumotih du: ¹³ Ku'k tau'k no'k kiah mu'k motia'k, no'k aho'kng tahta Iblis odiah; tetapi mu'k bupigitn nganu oda'tn-Ku'k ngan kai menyangkal iman-Ku'k bahkan pada zaman Antipas, saksi-Ku'k di'k setia(apig) di'k nikome'k no'k antaramu'k, aho'kng Iblis motia'k. ¹⁴ Namun, Ku'k hahuahmu'k karna odiah kudukudu no'k antaramu'k di'k ngajah ajaran Bileam, di'k ngajar Balak nya'k ngono'k sandungan no'k joi balo nadi'k Israel*, nya'k dua'k pumakatn di'k nipersembahkan nganu berhala* ngan kodi dosa-dosa seksual. ¹⁵ Demikian gi'k i, odiah kukudu no'k antaramu'k di'k bupigitn nganu ajaran Nikolaus. ¹⁶ Karna han, butobatmaih! La'k kai, Ku'k acapm ho'k moni'k nganu mu'k ngan ho'k napa'k balo nya'k podakng so'k tukua'k-Ku'k. ¹⁷ Diapm di'k pu'k kopikng adu'ng ngopi'kng di'k ni Roh nyono'k nganu jemaat-jemaat. Nganu Diapm di'k mona, Ku'k acapm munyu'k manna* di'k ni nyukatn; ngan Ku'k acapm minyu'k nganudiapm nyi'k golo'k botuh mopu'k, ngan sebuah odatn bauh ninulis no'k botuh han, di'k kai osiahnyo putn tau'k kecuali nyo di'k himo'kng." Cuhat kanu Jemaat no'k Tiatira ¹⁸ "Ngan, nganu malekat jemaat no'k Tiatira tulisnganlah: Tialah kusano'k Na'k Punopo'k, di'k motih-Ng mah opi midiap ngan di'k no'k kojo'k-Ng nih kidiap mah tembaga di'k bujilau, ¹⁹ Ku'k tau'k pungodi-pungodimu'k, pinyu'k nganu imanmu'k, pelayananmu'k ngan kesabaranmu'k, ngan tubatn kihija-kihijamu'k di'k kumisikng di'k kale'k giah so'k tojih. ²⁰ Namun, Ku'k misia'kmu'k karna mu'k kai hitu dayua Izabel han, di'k ngaku'k sebagai nyo nabiah , ngajar ngan menyesatkan pelayanan-pelayanan-Ku'k supaya buzina(berzina) ngan dua'k pumakatn di'k nipersembahkan nganu berhala. ²¹ Ku'k jeh minyu'kdiapm waktu nya'k butobat, tapi diapm ngo'k butobat so'k zinanya. ²² Kolomaih, Ku'k ho'k nopuah diapm no'k somu aho'kng pumis pengodi ngan balo di'k berzina* nganhan ho'k Ku'knopuah nganu wah kesusahan di'k daeh, kecuali balo di'k butobat so'k perbuatan-perbuatan dayua han. ²³ Ngan, Ku'k ho'k kome'k balo nadi'khan ngan pukome'k; ngan semua jemaat acapm tau'k bahwa Ku'klah di'k nguji piker ngan owa nyo, ngan Ku'k ho'k minyu'k nganumu'k masi'kng-masi'kng nyinuat pungodimu'k. ²⁴ Namun, nganu mu'k di'k lai'k no'k Tiatira, di'k kdi ngajah ajaran tia, di'k gua'tn rahasia-rahasia Iblis, Ku'k nyono'k: kai Ku'k ho'k lota'k beban lai'k no'k somumu'k. ²⁵ Acapm tetapi, bupigi'tnlah nonuh nhanu oniah di'k jeh nimu'k pu'kng sapai Ku'k moni'k. ²⁶ Ngan, nganu nyo di'k mona ngan kodi pungodi-pungodi-Mu'k sa pai kumisi'kng, Ku'k ho'k minyu'k kuasa atas bangsa-bangsa, ²⁷ ngan balo acapm ho'k hitah bunuo-bunuo han nya'k sokut bosi, nih ngacuar bukepe'kng-kepe'kng mah tembikar tuka'kng hiyua'k , karna Ku'k ga'k jeh nihimo'k kuasa so'k Ma-Ku'k. ²⁸ Ngan, Ku'k acapm minyu'k nganu'ng cubita timur. ²⁹ Diapm di'k pu'k kopi'kng adu maih ngopi'kng oniah di'k ni Roh nyono'k nganu jemaat-jemaat."