Umat Allah Matn Nyanyian Bauh ¹ Kemudian, ku'k ngolo Na'k Domba tokit no'k Bukit Sion // , ngan di'k samah ngan -Diapm odiah suhatus pat puhu'k pat hibu kunan, di'k biatn odatn Ma-'Nge no'k dakiah balo. ² Ku'k ngopi'kng caho so'k surga mah gugut pi'kng di'k obia ngan mah yu'nge dinia di'k kohas, tetapi caho di'k niku'k ngopi'kng han mah yung balo ngajal kecapi di'k ningajal kecapi balo nyo. ³ Balo bunyanyi nyi'k nyanyian bauh no'k joi takhta ngan no'k joi kupat makhluk, sohoto no'k joi pumutuh*. Kai nyi'k kunan pun dopit bulajar nyanyian han sulai'kng kusuhatus pat puhu'k pat hibu nyodi'k jeh ni nebus so'k poyo'k tono'k. ⁴ Balo han adalah balo nyo di'k kai (menajiskan) diapm ngan balo dayua karna balo perjaka. // Balo adalah nyo-nyo di'k ngajah Na'k Domba kokiah pun diapm obu. Balo jeh ni nebus so'k antara n'k sio sebagai buo'k-buo'k punojih nya'k Baipunopo'k ngan Na'k Domba. ⁵ Kadiah lakar so'k tukua'k balo; balo kai tosat. Posatn so'k Tohuah Malekat ⁶ Ku'k ngolo malekat lai'kng no'k tudo'k-tudo'k honyiatn, matn Injil* kekal atau giah nya'k sano'k knu balo di'k motia'k no'k bumi ngan nganu sumua bangsa, suku, bahasa,ngan kaupm ⁷ ngan diapm nyono'k dengan caho di'k hogas, ''Gola'kkoh ngan Baipunopo'k ngan jilu'h maih kemuliaan nganu-Diapm karna waktu punyoho'k-Diapm jeh moni'k; sumah maih Diapm di'k mennciptakan honyiatn, bumi, lawuat, ngan sumua motih pi'kng.'' ⁸ 8Lalu, malekat di'k lai'kng, di'k ku du, nyinuat ngan inyatn, ''huhuah, jeh huhuah babel di'k daeh han karna diapm jeh moki sumua bangsa nyiniap anggur nafsu seksual'e di'k bejat.'' ⁹ Kemudian, malekat di'k lai'kng, di'k kutohuah, nyinuat ku du malekat sebelum han, dan nyono'k ngan caho kohas, '' La'k osiah saja'k nyumah binata'kng han ngan patung han, ngan himo'k nyi'k tana no'k dakiah atau no'k tongan'e ¹⁰ nyo han acapm nyiniap anggur (murka)Baipunopo'k, di'k di'k nguah ngan kukuat punu'kng no'k wah cawatn murka-Diapm, ngan diapm ho'k ninyiksa ngan opi dan bi' belerang no'k joi balo malekat kudus ngan no'k joi Na'k Domba. ¹¹ Ngan, asap siksaan balo sima'k sulama'k han. Balo kadiah waktu nya'k monai, bai'k hanu atau ngohupm, mahai'k gi'k balo di'k nyumah binata'kng han ngan patung'ng,atau osiah pun di'k himo'k tana odatn'e'.'' ¹² Tialah kuapik balo nyo di'k kudus di'k pongun pihitah Baipunopo'k ngan iman balo di'k pucaya'k ngan Yesus. ¹³ Lalu, ku'k ngopi'kng caho so'k surga inyatn, ''Tulis nganlah tia: Mulai tia, niberkatilah nyo di'k kobe'k, di'k kobe'k no'k wah Tuhatn. '' Bakai* inyatn, '' Oma'tn, supaya balo dopit monai so'k pulopa balo karna pungodi pubuat balo nyinuat balo.'' Bumi Nimanen ¹⁴ Lalu, Ku'k ngolo koyuh no'k homa di'k mopu'k ngan guhu'k no'k somu homa han nyi'k kunan nyo mah Na'k Sio*, ngiya'k mahkota omas no'k ba'k'-Ng ngan taja'k* di'k hojo'k no'k tongan-Diapm. ¹⁵ Lalu, malekat lai'kng kuluar so'k Bait Allah, dan makas ngan caho kohas nganu Diapm di'k guhu'k no'k somu homa, ''Nayun ngan sabit-Mu'k dan panenlah karna waktu nya'k manen jeh moni'k ngan panen no'k poyo'k tono'k jeh biyo'k.'' ¹⁶ Maka, Diapm di'k guhu'k no'k somu homa ngiyau sabit-Ng kanu somu poyo'k tono'k, ngan poyo'k tono'k pun nimanen. ¹⁷ kemudian, malekat lai'kng kuluar so'k Bait Allah di'k no'k surga, ngan diapm juga'k biatn sabitatau taja'k di'k hojo'k. ¹⁸ Dan, malekat lai'kng agi'k, di'k bukuasa so'k somu opi, kuluar so'k altar*. Diapm makas nyak caho kohas nganu malekat di'k migitn sabit di'k hojo'k han, ''Nayaungan taja'k mu'k di'k hojo'k han ngan pulualah buo'k anggur di'k ni ngungus so'k bota anggur no'k poyo'k tono'k.'' ¹⁹ maka, malekat han ngayau sabit'n kanu poyo'k tono'k ngan mulua balo pungisiat buo'k anggur so'k bota anggur di'k no'k bumi ngan nopuah nganu wah botuh kilangan // daeh murka Allah. ²⁰ Putihis buo'k anggur han nikodi no'k luar kota, ngan doyo'k ngaliar so'k alat putihis bo'k anggur han kira-kira sukomuh ngan paka'kng kuda // dan komuh sihibu nimm hatus stadia //