¹ Akhirnya, balo posik,mi'k miti'k dan nasehat mu'k wah Punopo'k Yesus mah di'k jeh mu'k himo'k so'k mi'k tentakng makiah mu'k harus midiap dan ngado'k Bai Punopo'k bai'k , hijalah ngado'k lobiah agi'k. ² Sobab, mu'k tau'k pihitah-pihitah oniah di'k mi'k nyono'k kanu mu'k so'k kuasa Punopo'k Yesus. ³ Sobab, tia lah di'k Bai Punopo'k lua: mu'k ni ngudus*, bahwa mu'k harus oju'k kan wua mu'k so'k owa kocol; ⁴ bahwa mu'k masikng-masikng tau'k makiah nguasai wua mu'k todiap wah di'k bagas dan nihormatkan, ⁵ kai wah owa di'k punukng owa mah balo nyo di'k kai nginal Bai Punopo'k, ⁶ supaya yao'k odiah nyo di'k kai nginya'k dan lakar balo posik diapm wah hal tia.Aobab, Punopo'k adalah nimolas so'k sumua tia, mah di'k mi'k nyono'k hamis dan mi'k nginagtkan ngan bai'k-bai'k kanu mu'k. ⁷ Bai Punopo'k pau yah kai nya'k ngado'k kai kudus. ⁸ Han lah, osiah pun di'k nula'k na'k sio, melaikngkan nula'k Bai Punopo'k, di'k nyilu'k Roh Kudus-Diapm* kanu mu'k. ⁹ Namu'n, tentakng kaseh balo posi'k, mu'k kai nginya'k nyo nya'k nuliskan kanu mu'k karna mu'k todiap jeh ninyono'k Bai Punopo'k nya'k salekng ngaseh. ¹⁰ Bahkan, mu'k jeh hijangi kanu sumua posi'k di'k odiah no'k Makadonia. Akan tapi, Balo posi'k, mi'k mito'k mu'k ngan bai'k agar mu'k hijangi lobiah agi'k, ¹¹ dan buusahalah nya'k midiap ngan bai'k, uruslah balo urusan mu'k todiap, dan hijalah nfggan tongan mu'k todiap, mah di'k jeh mi'k hitah kanu mu'k, ¹² supaya mu'k dopit ngan bai'k no'k jowi balo mnyo luar dan kai kuha oniah-oniah. Punopo'k moni'k ¹³ Balo posi'k, mi'k kai tau'k mu'k kai tau'k tentakng balo nyo di'k jeh kobe'k agar mu'k kai buduka cita mah balo nyodi'k kai pu'k harapan. ¹⁴ Sobab, la'k yah pucaya'k bahwa Yesus jeh kobe'k dan bangkit so'k kobe'k, yah pucaya'k gi'k i bahwa Bai Punopo'k akan mulua balo nyo di'k kobe'k no'k wah Yesus busama-sama ngan Diapm. ¹⁵ Mi'k nyono'kj hal tia kanu mu'k ngan Firman Punopo'k, bahwa yah di'k gi'k midiap, di'k gi'k bayu sapai Punopo'k moni'k, kai akan tiatn so'k balo nyo di'k jeh kobe'k. ¹⁶ Punopo'k todiap akan mono'k so'k surga ngan seruan, caho so'k penghulu malaikat, dan ngan caho trompet Bai Punopo'k, dan balo nyo di'k kobe'k wah Kristus akan bangkit lobiah tiatn. ¹⁷ Kemudian, yah di'k agi'k midiap, di'k gi'k motia'k, akan ni ngokat busama-sama wah awatn-awatn ngan balo nyo nya'k budopit ngan Punopo'k no'k honyiatn, dan mahanlah yah akan selalu busama Punopo'k, ¹⁸ Karna han, hiburlah nyi'k ngan di'k laikng ngan balo punyono'k tia.