¹ Tia, Balo posi'k, tentakng waktu dan zaman diapm, kai perlu ninuliskan kanu mu'k. ² Sobab, mu'k todiap sangat omatn tau'k bahwa onu Punopo'k akan moni'k mah punoku libo ngihipm onu. ³ Libo balo nyo nyono'k, ''Damai dan aman,'' pukome'k akan moni'k atas balo nyo secara ngojuat, mah asa monapm dayua di'k buna'k, dan balo nyo kai akan dopit obu. ⁴ Namun, Balo posi'k , mu'k kai midiap wah ahokng piti'k singinga onu han akan kanu mu'k mah nyo punoku. ⁵ Mu'k sumua adalah balo nak tapa'k dan balo na'k nyowo'k. Yah kai buasal so'k ngohipm atau di'k piti'k. ⁶ Sobab han, yia'k lah yah bis mah balo nyo laikng, tapi boh lah yah totap bujaga dan waspada. ⁷ Nyo di'k bis, bis libo onu ngohipm dan nyo di'k obua'k, gi'k i obua'k libo onu ngohipm. ⁸ Namun, karna yah adalah balo na'k nywo'k, boh lah yah sadar, nginya'k bujuh zirah iman dan kaseh, dan nyinya'k ketopong ni harap akan kuselamatan. ⁹ Bai Punopo'k kai notapkan yah nya'k odu'k dohuh, tapi nya'k dopit kuselamatan so'k Punopo'k yah, Yesus Kristus, ¹⁰ Di'k jeh kobe'k nya'k yah supaya ya'h, ntah bujaga ataupun bis, dopit motia'k busama-Diapm. ¹¹ Karna han, kuatkanlah nyi'k ngan dan salikng ngado'k mokat, mah di'k sedakng mu'k hija tia. Nasehat Kumisikng dan Salapm ¹² Balo posi'k, mi'k mito'k mu'k nya'k hormat balo nyo di'k omatn kihija no'k antara mu'k, dan di'k mimpin mu'k wah Punopo'k, dan di'k hahuah mu'k. ¹³ Hargailah balo nyo saangat omatn wah kaseh karna kihijs bslo nyo. ¹⁴ mi'k nula'k mu'k, balo posi'k hahuahlah balo nyo di'k midiap bohiah, kuatkanlah balo nyo di'k bai'k oti, tuloknglah balo nyo di'k lomah, dan busabarlah ngan sumua nyo. ¹⁵ Hononglah supaya yo'k odiah nyo di'k molas di'k be'k ngan di'k be'k, melaikngkan selalu bu usaha hija di'k bai'k no'k antara mu'k dan nya'k sumua nyo. ¹⁶ Busukacitalah selalu! ¹⁷ Teruslah budoa! ¹⁸ Ngucap syukurlah wahsegala hal. Sobab, hanlah kehenda'k Bai Punopo'k nya'k mu'k no'k wah Yesus Kristus. ¹⁹ Yo'k mojapmkan Roh!* ²⁰ Yo'k honokng rendah balo nuduat!* ²¹ Namun, ujilah sumua sesuatu! pigitnlah oniah di'k bai'k! ²² Oju'k lah so'k sumua bentu'k di'k kai bagas! ²³ Semoga, Bai Punopo'k damai sejahtera todiap nguduskanmu'k sumua ngi. kir'a ngi roh, wua, dan wua mu'k nimelihara sumua ngi', tanpa cacat libo pumoni'k Punopo'k yah, Yesus Kristus. ²⁴ Diapm di'k pau mu'k adalah setia, Diapm pasti akan hijangi. ²⁵ Balo posi'k, budoalah gi'k i nya'k mi'k! ²⁶ Jilu'k lah salapm kanu sumua posi'k ngan ciupm kudus. ²⁷ Ku'k mito'k mu'k ngan sangat nya'k odatn Punopo'k, nya'k macakan cuhat tia kanu sumua posi'k no'k nyih, Yesus Kristus, nyertai mu'k.