(Hukum Alah dan Tradisi Manusia) ¹ Laju, bekumpulah jeme-jeme farisi nemui Yesus rembak nggok bebehape ahli taurat yang datang ndai Yerusalem. ² Dan, dieuhang nginak bebehape murid Yesus makan ruti nggok tangan najis. Jelalah tangan yang dekde dibasoh. ³ Dikarnekan, Jeme-jeme orang farisi dan segale jeme yahudi dekdekan makan amun tangan dieuhang dekde dibasoh sampai ke pergelangan tangan. karne Tradisi puyang yang die uhang kecak. ⁴ Dan, amun jeme-jeme Yahudi itu datang ndai badah umum, dieuhang dekde kan makan amun belum mbasoh tangan.Dan, ade banyak tradisi lainnye yang dieuhang terime unjuk dikecak, lok pembasuhan cawan-cawan, kendi-kendi dan bejana-bejana tembage. ⁵ laju, jeme-jeme dan ahli-ahli Taurat betanye ke Yesus. "Ngape murid-murid Kamu dekde idup menurut tradisi puyang, tapi malah makan ruti nggok tangan najis?" ⁶ Yesus ngumong ke dieuhang, "Yesaya bernubuat nggok benah tentang ngan yang munafik, lok yang tetulis: "Bangse ini menghormati aku nggok bibeh dieuhang tapi ati dieuhang jaoh ndai aku. ⁷ ngado gune die uhang nyembah aku karne ngajahkan ajahan perintah-perintah- yang dibuat oleh manusie. ⁸ Sambil dekde mbarekan perintah Allah, ngan ngecak kuat tradisi Manusie. ⁹ Laju, Yesus pule ngumong ke dieuhang ''Nggok cerdik ngan dekde nerima perintah Allah. sehingga pacak mempertahankan tradisi ngan diwek. ¹⁰ Dikarnekan Musa ngumong, 'Hormatilah bapang ngan umak ngan, dan siape kian yang nyumpahi bapang nye ape umaknye atau umaknye harus dihukum mati. ¹¹ Tapi ngan ngumong men suhang jeme ngumong ke bapangnye atau umaknye ape kian keuntungan yang nak ngan dapat ndai aku jelahlah kurban, jelahlah persembahan. ¹² Laju ngan dekde agi ngizinkan die gawikan ape kian unjuk bapang nye ape umaknye, ¹³ nggok makitu ngan lah mbatalkan Firman Allah nggok tradisi ngan yang lah tuhun menuhun dan ngan ngawikan banyak hal agi lok ini. ¹⁴ Laju, Yesus ngantau agi segale jeme dan ngumong ke dieuhang, "Anenglah Aku, ngan gale, dan pahamilah. ¹⁵ Ngado situe pandai luah manusie yang masok ke dalam badannye pacak menajiskannye, tapi hal-hal yang keluah ndai manusie lah uang menajiskanmye. ¹⁶ amun suhang punye kupeng unjuk nganeng, bialah di nganeng. ¹⁷ Laju waktu Yesus masok ke humah dan ninggalkan jeme-jeme itu. murid-muridnye betanye ke Die tentang perumpamean itu. ¹⁸ Dan, die ngumong ke dieuhang "Ape ngan pule dekdi terti? Ape ngan pacak amun ape kian yang ndai luah masok ke dalam manusie dekde kan menajiskannye? ¹⁹ Dikarnekan yang masok itu dekde masok ke dalam atinye tapi pehutnye, dan laju keluah ke dalam jamban. (nggok makitu Yesus ngumongkan amun segale makanan halal.) ²⁰ Laju die ngumong. "Pedie yang keluah ndai manusie yang lah menajiskannye. ²¹ Dikarnekan ndai dalam, ndai ati manusie. Muncul Pikiran-pikiran jahat, duse-duse seksual, pencurian, Pembunuhan ²² Perzinahan, keserakahan, Kejahatan, tipu daye, hawe nafsu, iri ati, fitnah, kesombongan dan kebangean. ²³ Segale hal yang jahat itu datang ndai dalam manusie. dan itu yang menajiskan." ²⁴ ndai badah itu, Yesus bangun dan pegi ke wilayah Tirus dan Sidon. dan die masok ke Sikok humah dan dekde galak ade suhang jeme kian yang pacak, tapi die dektau luput ndai perhatian. ²⁵ Gancang sesudeh nganeng tentang Yesus, suhang betine yang anak betinenye kerasukan roh najis datang dan sujud diketeng Yesus. ²⁶ Betine itu jelahlah jeme Yunani lahir di siro Fenisia. Die mohon ke Yesus unjuk ngusir setan itu keluah ndai anaknya. ²⁷ Laju, Yesus ngumong ke betine itu "Nengkelah anak-anak dikenyangkan lebih ndulu. dikarnekan dekde ilok ngambek ruti punye anak-anak dan nguntalkannye ke anjing-anjing." ²⁸ Tapi, betine itu nimbal dan ngamong ke Yesus "Benah, Tuhan. Tapi anjing-anjing yang ade dibawah mija kian makan remah-remah anak-anak itu. ²⁹ laju, Yesus ngumong ke betine itu "Karne ngan ngamongkan ini, ngan pacak pegi. Setan itu sudeh ninggalkan anak ngan. ³⁰ Laju, Betine itu balek ke humah dan tegah anaknye dang mulik di badah tidoh dan setan itu lan pegi. ³¹ Laju, Yesus keluah agi ndai wilayah tirus dan pegi melewati sidon menuju ke danau Galilea, di wilayah dekapolis ³² Laju, dieuhang ngundang ke Yesus suhang yang tuli yang sare ngumong. die uhang mohon ke Yesus unjuk mbatakan tangan-Nye pucuk jeme itu. ³³ Laju, Yesus ngundang jeme itu menyendiri ndai kumpulan jeme rami. Die masukan jahinye ke dalam cuping jeme itu. dan sudeh ngeluduh, die menjamah lidah jeme itu. ³⁴ Laju Yesus ngasat ke pucuk langit, die nahek napas panjang dan ngumong, "Efata!" artinye "Tebukalah!" ³⁵ Waktu itu, kuping jeme itu tebuka. Kebatan di lidahnye telepas, dan die ngumong nggok jelas. ³⁶ Dan, Yesus dekde ngajung dieuhang nyeritekan kejadian itu ke sape kian, Tapi, dieuhang makin nyampaikannye. Dieuhang tambah ngenjuk taukannye. ³⁷ Dieuhang takjub nian dan ngumong. "die lah ngawikan segale setue nggok ilok. die bahkan mbuat jeme tuli nganeng dan jeme bisu ngamong."