¹ Laju, Yesus lahi ndai sane dan sampai di dusun Die, dan murid-murid-Nye milui Die. ² Waktu ahi sabat la sampai, Yesus mulai mengajah di Sinagoge. dan, rami jeme yang nganingkan-Nye mehase tecengang, dan ngumong, " Ndai mane Die pudapatkan segale hal itu? hikmat ape yang dienjuk ke Die dan mukjizat-mukjizat lok itu digawikan nggok tangan-Nye? ³ Bukannye Die tukang kayu, anak Maria, dan sanak Yakobus dan Yoses dan Yudas dan Simon? Bukannye sanak-sanak betine-Nye ade di sini rembakkan nggok kite? Laju Die uhang tejegal dan nolak Die. ⁴ Laju, Yesus ngumong ke die uhang, di mane kian Nabi pasti dihormati jeme, kecuali di dusunye diwek dan di humanye diwek . ⁵ Mangke, Yesus dekde pacak ngadekan mukjizat di sane, kecuali mbatakkan tangan-Nya di pucuk bebehape jeme bidapan dan nyembohkan die uhang. ⁶ dan Die heran dikarenakan die uhang dekde percaye, laju Die pegi keliling ke dusun-dusun dan mengajah. ⁷ Laju, Yesus ngantau ke duabelas murid dan mulai ngajung die uhang bedue-due dan ngenjuk die uhang kuase dipucuk roh-roh najis. ⁸ Laju, Die ngenjuk perintah ke dieuhang mangke die uhang dekde ngundang ape-ape dalam perjalanan, cuma tungkat kian, tanpe roti, tanpe tas, tanpe duit dalam bebatan die uhang. ⁹ tapi makai sendal dan hala makai due baju. ¹⁰ dan Yesus ngumong ke die uhang, "di mane kian kamu masuki sikok huma, diamlah di sane sampai ngan keluah ndai situ. ¹¹ dan, mun ade bada, yang dekde nerime ngan dan dekde nganingkan ngan, waktu ngan pegi kebaske kudai debu ndai keting ngan make pacak jadi kesaksian ke die uhang. ¹² Laju, die uhang pule pegi dan mengatekan kalu jeme-jeme mesti betubat. ¹³ Ndai itu, die uhang ngusir setan dan ngarapi rami jeme beidapan nggok minyak wan nyembohkan die uhang. ¹⁴ Dan, raja Herodes sude nganingnye, dikarenakan name Yesus sude terkenal, dan jeme ngumong, "Yohanes pembaptis sude tegaak ndai antare jeme mati, mangke mukjizat-mukjizat itu begawi dalam Die". ¹⁵ Sepikhyak ngumong, "Die jelahla Elia."tapi sepikhyak ngumong, "Die jelahla sikok nabi, cak salah sikok ndai para nabi". ¹⁶ tapi, waktu Herodes nganing hal itu, die ngumong, "Yohanes yang sude aku tetak palenye, sude dibangunkan. (Yohanes Pembaptis Dibunuh) ¹⁷ Jela Herodes tulah diwek yang sude ngajung jeme, ngajung die untuk nangkap Yohanes, dan ngurungnye dalam bui untuk Herodias, bini sanak jantannye, Filifus, Karene Herodes sude ngawini Herodias. ¹⁸ Karne Yohanes bebehape kali ngumong ke Herodes, "dekde benah ngan ngambek bini sanak ngan. ¹⁹ karene itu, Herodias dendam nggok Yohanes dan nak mbunuhnye, tapi die dekde pacak. ²⁰ dikarenakan Herodes dekde behani nggok Yohanes sude die pacak mun Yohanes jelalah jeme benah wan jeme suci, dan Herodes lindungi die. Waktu Herodes nganingkan Yohanes, die laju bingung nian, tapi Herodes agam nganingkan Yohanes. ²¹ tapi sampailah ahi yang tepat, waktu Herodes ulang tahun, die ngadekan sikok pesta untuk pejabat-pejabat tingginya, perwira-perwiranya, dan pemimpin-pemimpin Galilea. ²² laju, waktu anak betine Herodias masok dan bejoget, die mbuat Herodes agam dan die uhang yang dudok rembak die. dan, raja ngumong ke gadis itu, "mintalah pedie kian yang ngan galak dan aku akan ngejokkannye ke ngan. dan Herodes bersumpah ke die, "ape kian yang ngan mintak ke aku, nak aku enjukkan ke ngan, bahkan sampai sepikhyak ndai kerajean-Ku". ²⁴ dan betine itu pegi dan ngumong ke umaknye, aku nak mintak appe?" umaknye nimbal, "palak Yohanes pembaptis". ²⁵ dan, waktu itu juge nggok gantang, betine itu marak ke raje dan ngumong, "sekarang juge aku galak ngan ngenjukkan ke aku palak Yohanes pembaptis di pucuk nampan," ²⁶ Karne itu, raja laju jadi sedeh nian, tapi dikarnekan sumpahnye dan jeme-jeme yang makan rembak die, die dekde galak nolak betine itu. ²⁷ Laju, raja gancang ngihim sikok jeme tukang mbunuh yang diajung untuk ngundang palak Yohanes, laju tukang mbunuh itu pegi dan netak palak Yohanes di bui. ²⁸ Laju die ngundang palak Yohanes di pucuk nampan dan ngenjukkannye ke betine itu, dan betine itu ngenjukkan ke umaknye. ²⁹ dan waktu murid-murid Yohanes nganingnye, die uhang marak dan ngambek badan Yohanes dan batakkannye dalam makam. ³⁰ Laju, rasul-rasul ngumpul rembak wan Yesus ngenjuk tau ke die dame kian yang lah sude die uhang gawikan dan dame kian yang lah sude die uhang ajahkan. ³¹ dan Yesus ngumong ke die uhang, "pehlah njaoh ke bada yang ngadoh jeme dan istirahat negal. dikarenakan rami jeme datang dan pegi, unjuk makan kian die uhang dekde sempat. ³² Laju, Yesus dan murid-murid-Nye pergi njauhkan diri makai perahu ke bada yang ngadoh jeme. ³³ tapi, jeme rami nginak die uhang pegi dan pacak nggok die uhang. Dan, jeme rami itu belahi rembakan lalui bakal dahat ndai segale kota, dan sampai di sane ndului Yesus dan paran muridNye. ³⁴ Waktu Yesus pegi ke tepi danau, Die nginak alangkah rami jeme, dan Die mehase kesian ke die uhang lok domba yang ngado tian, laju Yesus mengajahi die uhang tentang banyak hal. ³⁵ Waktu ahi lah nak dalu, murid-murid marak ke Yesus dan ngumong, "Bada ini bada sepi dan lah dalu. ³⁶ Ajunglah die uhang pegi ke daerah sekitar dan dusun-dusun mangke die uhang pacak belanje sesuatu unjuk dimakan". ³⁷ Tapi Yesus nimbal, "kamu uhanglah yang ngenjuk die uhang makan, " dan die uhang ngumong ke die, "haruskah kami pegi dan belanje ruti seharge 200 dinar dan ngenjukkannye unjok die uhang makan?" ³⁸ Yesus ngumong ke die uhang, "ade behape ruti yang ngan punye? pegi dan kinaklah ! " sude die uhang pacak, die uhang ngumong, "lime ruti dan due ikan". ³⁹ Laju, Yesus ngajungkan die uhang galenye mangke cagok dalam kelompok-kelompok di pucuk humput ijau. ⁴⁰ Jeme rami itu duduk bekelompok, ade yang seratus jeme dan ade yang lime puluh jeme. ⁴¹ Sude ndai itu Yesus ngambek lime ruti dan due ikan itu, nginak ke langit, Die mengucap syukur dan mecah-mecahkan ruti itu, laju Die ngenjukkannye ke murid-murid-Nye mangke ngidangkannye ke jeme rami, Die pule mbagi-mbagi due ikan itu ke segale jeme. ⁴² Dan, die uhang makan sampai bengkayangan. ⁴³ Laju, die uhang ngambek 12 sangkek yang penuh nggok sise-sise ruti dan ikan. ⁴⁴ Dan, ade lime ribu uhang jantan yang makan ruti. ⁴⁵ Laju, Yesus gincang ngajungkan murid-murid-Nye naik ke perahu dan pegi ndului Die ke seberang, ke Betsaida. Sementare Die ngajung jeme rami itu pegi. ⁴⁶ Sude pamitan nggok die uhang, Die pegi ke bukit unjuk bedoa. ⁴⁷ Waktu nak dalu, perahu berade di tengah danau, dan Yesus suhangan di dahat. ⁴⁸ dan sude nginak murid-murid-Nye ndayung nggok sare nian di karenakan angin betiup dekde searah nggok die uhang. kire-kire cak jam 3 suboh, Yesus maraki die uhang nggok bejalan di pucuk danau dan die nak bejalan meliwati die uhang. ⁴⁹ tapi waktu die uhang nginak Yesus bejalan di pucuk danau, disangke die uhang kalau Die tu jelalah hantu laju die uhang melaho. ⁵¹ Laju, Die naik rembak die uhang ke perahu, dan angin laju diam, dan die uhang kagum nian. ⁵² dikarenakan, die uhang masih belum paham tentang mukjizat lime ruti itu dikarenakan ati die uhang masih begal. ⁵³ dan, sude Yesus dan murid-murid-Nye nyebrang, die uhang ndahat di tanah Genesaret dan berlabuh. ⁵⁴ Waktu die uhang tuhun ndai perahu, jeme-jeme gancang kenal nggok Yesus. ⁵⁵ dan belahi ke segale daerah itu dan mulai ngundang jeme-jeme bidapan di pucuk lamat, kemane kian die uhang nganing di mane Yesus berade. ⁵⁶ Laju, kemanepun Yesus masuk ke dusun-dusun, ape kota-kota, ape daerah-daerah di sekitarnye, die uhang malikkan jeme-jeme bidapan di bada rami dan memohon kepada-Nye mangke die uhang pacak ngecak ujung jubah-Nye kian. dan siape kian yang ngacak jubah-Nye pacak semboh.