(Jeme ndai Gadara diluputkan ndai Setan) ¹ Tibelah dieuhang di seberang Danau, di daerah jeme-jeme Gadara. ² Waktu itu Yesus tuhun ndai perahu, nggok gincang jeme ndai Kuburan yang kesurupan setan negahi Yesus. ³ Die tinggal di dalam Kuburan. Ngado jeme yang pacak Ngebatnye agi sekalipun makai rantai. ⁴ Dikarnekan die lah neman di kebat nggok belenggunye. Ngado suhang jeme kian yang cukup kuat unjok nundokanye. ⁵ Tiap siang dan malam melaho di makam dan bukit-bukit dan melukei badannye diwek makai batu. ⁶ waktu jeme itu nginak Yesus ndai jaoh, die belahi dan besujud di adapan Yesus. ⁷ Laju, sambil melaho nggok suare nyaring die Ngumung "Pedie urusan antare aku nggok Kamu, Yesus, Anak Allah yang maha tinggi. Aku mohon ke Kamu demi Allah. ndaalah Nyikse aku!" ⁸ Dikarnekan Yesuslah ngumong nggok die. "Ngeluahlah ndai jeme ini, woi setan!'. ⁹ Laju Yesus betanye nggok jeme itu, sape name ngan? die nimbal, "Nameku Legion karne kami rami. ¹⁰ Die kerap nian mintak nggok Yesus mangke dekde ngusir die uhang ndai daera itu. ¹¹ Disane ade kabanan besak babi dang makan di parak bukit. ¹² laju, setan itu mohon ke Yesus dan ngumong, "Ajunglah kami ke babi-babi itu mangke kami masok ke dalemnye". ¹³ Yesus mewujudkannye dikarnekan itu, setan itu pegi dan merasuki babi-babi kabanan yang bejumlah kire-kire due ribu itu belahi ke tepi jurang sampai ke danau, laju tebehak di dalam danau. ¹⁴ Laju, Penjage-penjage babi itu melahikan diri dan ngenjuk tau nye ke kota dan ke dusun. dan jeme-jeme ngeluah untuk nginak pedie yang lah tejadi. ¹⁵ Laju Jeme-jeme itu datang ke Yesus dan nginak die yang tadi ni kesurupan setan, yang punye legion, dang cugok dan sude bebaju, dan die lah sihat, dan dieuhang pun laju ngehi. ¹⁶ laju, dieuhang yang nyaksike kejadian itu Nagatekan nggok jeme-jeme makmane hal itu tejadi nggok jeme yang kesurupan setan dan tentang babi-babi itu. ¹⁷ Karne itu, Jeme-jeme mulai Ngajung Yesus mangke ninggalke daerah die uhang. ¹⁸ Laju waktu Yesus dang naek Perahu, jeme yang tadinye Kesurupan setan itu memohon mangke die pacak rembak nggok Yesus. ¹⁹ Tapi, Yesus dekde ngizinkannye, melainkan ngumung ke die, "Baleklah ke sanak ngan. katekan nggok dieuhang segale hal yang lah Tuhan gawikan Ke ngan dan bahwe Tuhan kasihan ke ngan. ²⁰ Lalu, jeme itu pegi dan mulai ngatekan ke jeme-jeme di dekapolis tentang segale hal yang lah Yesus gawikan ke die dan segale jeme jadi heran. ²¹ Waktu Yesus Nyebrang agi makai Perahu ke sebrang, Jeme Rami bekumpul di paraknye, dan die ade di tepi danau. ²² Laju, Suhang jeme pemimpin Sinagoge yang namenye Yairus datang dan sesude nginak Yesus, die besujud di keting-Nye. ²³ dan, die memohon dengan sungguh ke Yesus, ujinye, "Anak betineku yang maseh kecek lah nak mati. Datang dan batakkan tangan Mu Pucuknye mangke die pacak disembohkan dan idup. ²⁴ Laju Yesus Pegi rembak nggok Yairus. Ade jeme Rami nan yang milui Yesus dan Mengerumuni-Nye. ²⁵ Dan ade suhang betine yang pendarahan selame due belas tahun. ²⁶ Die lah neman ige sare oleh banyak tabib, dan sudeh ngeluahke segale yang die punye, tapi dekde ade gunenye dan keadaannye malah tambah sare. ²⁷ sesude nganing tentang Yesus, betine itu ndatangi Yesus ndai buri ditengah-tengah kerumunan jeme dan ngecak jubah Nye. ²⁸ Betine itu ngumung "Men aku pacak Ngecak jubah-Nye kian, aku pacak semboh. ²⁹ Waktu itu pule pendaharannye bedak dan die mehasekan men badannye lah semboh ndai bidapannya. ³⁰ Yesus langsung pacak ndai badan-Nye diwek men adekuase yang lah ngeluah ndai-Nye. Die bebalik di antare kerumunan itu dan ngumung "Sape yang Ngecak jubah-Ku? ³¹ laju murid-murid Yesus ngumung ke die, "Engan nginak kerumunan jeme yang mendesak-desak-Mu dan kamu ngumung, sape yang ngecak Aku?" ³² Laju, Yesus ngasati sekeliling unjok nginak sape yang lah gawekannye. ³³ Namun, Sudeh pacak diepe yang lah tejadi di badannye, betine itu jadi kengehian dan gemetah. die datang den bersujud di adapan Yesus sambil ngenjuk tau Yesus segale kebenahennye. ³⁴ Laju Yesus ngumung ke betine itu, "Anak Ku, Iman mu lah yang menyelamatkan ngan pegilah dalam damai sejahtera dan sembohlah ndai bidapan ngan." ³⁵ Sementare Yesus Maseh ngumung, datenglah bebehape jeme ndai humah pemimpin sinagoge yang ngumung, ''Anakmu lah mati. Ngape masih ganggu Guru? ³⁶ Tapi, Yesus dekde galak nganingkan pedie yang lah diumungkan, Die ngumong ke pemimpin sinagoge itu, "ndalah ngehi, Pecaye kian." ³⁷ Laju, Yesus dekde ngizinkan suhang jeme pun milui Die, Kecuali Petrus dan Yohanes, dan sanak Yakobus. ³⁸ Laju, die uhang sampai di humah kepala Sinagoge itu, dan die nginak keributan, dan jeme-jeme nyembulung-nyembulung. ³⁹ Laju waktu Yesus masok, die ngumung nggok dieuhang, ngape ngan ribut, dan nangis? Anak itu dekde mati, tapi dang tidoh. ⁴⁰ Tapi dieuhang nawekan Yesus. Laju die ngajung dieuhang keluah gale dan die ngajak bapang nggok umak anak itu, wan jeme-jeme yang rembak Die, laju masuk ke Ruangan badah anak kecek itu berade. ⁴¹ Laju, dikecak-Nye tangan anak kecik itu dan Die ngumung ke die, "Talita Kum!" (Artinya, "betine kecek, Aku ngumung nggok kamu, betegaklah. ⁴² Anak betine itu langsung tegak dan mulai bejalan-jalan, dikarnekan die berumur due belas Tahun, dan segale jeme mehase sangat tecengang. ⁴³ Laju, Yesus ngenjuk perintah yang kehas ke jeme tue anak itu mangke ndalah ade suhang jeme kian yang pacak hal ini, ngomongkan ke dieuhang mangke anak itu di enjok makan.