(Yesus nyembohkan di akhi Sabat) ¹ Dan Yesus masok agi ke Sinagoge, di sane die tegah nggok suhang jeme yang tangannya lumpuh sepikhyak. ² Dieuhang ngasati Yesus mangke pacak nginak apekah die nak sembohkan jeme di akhi sabat mangke dieuhang pacak nyalahkan Die. ³ Laju, Yesus ngomong nggok jeme yang tangannye lumpuh sepinyak tadi, " Tegaklah di tengah-tengah". ⁴ dan Yesus ngomong ke dieuhang, "Tau dekde bebuat baek ape berbuat jahat di akhi Sabat? Selamatkan nyawe ape nak mbunoh?" tapi dieuhang diam. ⁵ Sude tu, Yesus nginak sekitar die sambil Rugat. Die sedeh nian karne die uhang dekde nganing kate. Laju Yesus ngomong pule nggok jeme yang tangannye lumpuh sepinkhyak tadi. "Emaikan tangan ngan, laju jeme itu, negenjukkan tangannye, dan tangannye pacak semboh. ⁶ Ndai itu, Jeme-jeme Farisi pegi, Trus setolongan nggok jeme-jeme Herodian yang melawan Die mangke pacak mikirke bakmane care mbunoh-Nye. ⁷ laju, Yesus njaohkan diri dan murid-murid Nya ke Danau, dan rami jeme ndai Galilea milui Die, ndai Yudea, ⁸ Ndai Yerusalem Idumea, seberang ayikh Yordan, dan pul ndai parak Tirus dan Sidon, Rami jeme nganing segale yang Yesus gawikan datang ke Die. ⁹ dikarnekan jeme lah rami, ngumonglah Yesus Nggok murid-murid-Nye mangke mbuat sikok perahu unjok Die, Make die dekde tegimpit. ¹⁰ dikarenakan Yesus sude nyembohkan rami jeme, laju datanglah le gale jeme yang beidapan ke Die sampai galak begimpit-gimpitan make pacak Ngecakan Die. ¹¹ Dan, waktu Iblis nginak Yesus, dieuhang campak di adapan Yesus, laju melaho "Engkaulah anak Allah". ¹² Tapi Yesus dekde ngajung die uhang Nyeritekan siape Yesus yang sebenahnye. ¹³ Laju, naeklah Yesus ke pucuk bukit. Die ngajaki jeme yang die ihaki unjok rembak nggok Die, dan dieuhang datang ke Die. ¹⁴ Die lah netapke 12 belas jeme untuk ngancei Die. make pacak di ajungNya ngatekan Injil. ¹⁵ dan di enjuk kepacakan unjuk ngusir setan-setan. ¹⁶ Jeme 12 yang lah di antau tadi ialah: Simon yang enjukiNye name Petrus. ¹⁷ Yakobus Anak Zebedeus, dan Yohanes sanak Yakobus, due jeme tadi di enjukNye name Boanerges, yang artinye anak-anak Guruh. ¹⁸ Andreas, Bartolomeus, Matius, Tomas, Yakobus, anak Alfeus, Tadeus, Simon jame Zelot. ¹⁹ dan Yudas Iskariot, yang lah Njualkan Yesus. ²⁰ Laju, masoklah Yesus ke sikok huma' Laju datanglah lagi jeme rami ngumpul di sane, laju Yesus dan murid-murid dak tau lagi nak makan ruti. ²¹ waktu keluargaNye nganing hal ini, die uhang nak ngajak Yesus balek dikarnekan uji dieuhang Yesus tu lah Gile. ²² Dan Ahli-ahli Taurat yang datang ndai Yerusalem ngumong, "Die kesurupan Beelzebul dan " Die ngusir setan makai kuase setan. ²³ Laju, Yesus ngantau dieuhang datang ke Die. laju ngomong nggok dieuhang makai perumpamean, "cakmane iblis pacak Ngusir Iblis". ²⁴ Mun sikok kerajaan tepecah-pecah melawan badannye diwek, kerajaan itu dekde pacak bertahan. ²⁵ Dan, kalu sikok humah tepecah-pecah melawan badannye diwek, huma itu dekde pacak bertahan. ²⁶ mun iblis tegak melawan badannye diwek dan terpecah-pecah, die dekde pacak bertahan, tapi bedaklah riwayatnye. ²⁷ Ngado suhang kian jeme pacak masok ke humah jeme hibat dan ngambek hartenye, mun die dekde ngebat kudai jeme hibat itu, empai die pacak ngambek harte ndai humahnye." ²⁸ Aku ngomong yang sebenahnye ke ngan: segale duse anak manusie pacak diampuni ndai segale kate yang dieuhang umongkan. ²⁹ tapi, siape yang menghujat Roh Kudus dekde akan pernah diampuni, melainkan buduse dikarnekan duse kekal." ³⁰ Dikarnekan ahli-ahli Taurat itu Ngumong, "Die kesurupan setan". ³¹ Laju, umak ngok sanak-sanak Yesus datang dan tegak di luah huma Yesus die uhang ngajung jeme mangke ngantau Die. ³² Rami jeme dang duduk di parak Yesus mengelilingi die, Laju dieuhang Ngumong Ke Die. "Kinak, umak-Mu nggok sanak-sanak-Mu ade di luah, Nyakahi Kamu." ³³ Uji Yesus ke dieuhang, "Sipe umak-Ku nggok sanak-Ku?" ³⁴ Laju, Die Nginak jeme rami yang duduk Ngelilingi Die dan Ngumong kinaklah "Ini die umak-Ku Nggok sanak-Ku!. ³⁵ Dikarnekan, siape kian yang Nggawikan kendak Allah jelalah sanak jantan-Ku, dan sanak betine-Ku, Nggok umak-Ku.