¹ Bebehape ahi ndai situ, pas Yesus balek ke Kapernaum teaninglah men die lah di huma. ² Laju, rami jeme bekumpul di sane, sampai huma itu jadi penuh nian, laju katik lagi tempat, sampai di pintu huma kian penuh. Dan gawi Yesus di situ nyatekan firman ke jeme rami itu. ³ Laju die uhang jengok Die. Sambil ngundang jeme lumpuh yang diusung empat jeme. ⁴ Pas die uhang dektau agi bawe jeme yang lumpuh ke parak Yesus karne lah rami, die uhang laju buka atap huma Yesus. Pas lah dibukanye, laju dituhunkanlah tilam beklah lumpuh tadi ndai pucuk atap. ⁵ Laju Yesus nginak iman die uhang. Die ngomong nggok jeme lumpuh itu, hoy anak-Ku, duse-duse ngan sudeh diampuni. ⁶ Tapi ade beberape ahli taurat yang dudok di sane sambil bepikir dalam ati die uhang . ⁷ Ngape jeme ini ngomong mak itu? Die dang ngupat! siape yang pacak ngampuni duse-duse men dekde Allah diwek. ⁸ Yesus laju bepikir ndai rohnye men die uhang dang ngupat. Die ngumong nggok die uhang ngape kau bepikir mak itu dalam ati kamu? ⁹ Mane yang lebih mudah ngumongkan nggok jeme lumpuh itu, duse-duse ngan diampuni, ape ngumongkan tegak, angkat kasur ngan laju bejalanlah? ¹⁰ Tapi yakinlah men Anak manusie punye kuase di bumi untuk ngamponi duse-duse "Yesus ngumong nggok jeme lumpuh itu". ¹¹ "Aku ngumong nggok ngan, tegak, angkat kasur ngan, laju baleklah ke huma ngan" ¹² Jeme lumpuh itu laju betegak , ngampek kasurnye, terus pegi keluah , di depan segale jeme. die uhang tecengang dan memuliakan Allah. laju ngomong, kami lum pernah nginak yang mak ini. ¹³ Yesus pegi agi ke tepi danau dikarnekan segale jeme datang rami-rami nggok Die, laju Die ngajahi die uhang. ¹⁴ Laju Die lalu, Die nginak Lewi anak Alfeus dang dudok di badah pembayaran pajak, laju Yesus ngumong nggok die, "Milulah Aku" Lewi laju betegak langsung milui Die. ¹⁵ Sementara Yesus dudok makan di huma jeme Lewi itu, ade banyak pengumpul pajak nggok uhang beduse yang makan rembaan nggok Yesus dan meurid-Nye, karne di sane rami uhang yang milui Yesus. ¹⁶ Dikarenakan waktu ahli taurat ndai rombongan Farisi, nginak Yesus dang makan rembakan nggok jeme-jeme beduse. dan pengumpul-pengumpul pajak die uhang betanye nggok murid-Nye, "ngape Die makan rembakan nggok penageh pajak dan jeme-jeme beduse. ¹⁷ Laju Yesus nganengkan, Die ngumong nggok die uhang. "die uhang yang sehat dekde perlu dokter, tapi die uhang beidapan, Aku datang kange nak manggil uhang rami-rami tapi jeme-jeme beduse. ¹⁸ Murid-murid Yohanes nggok jeme-jeme Farisi dang bepuase, behape jeme datang trus betanye nggok Die, "ngape murid-murid Yohanes nggok murid-murid jeme Farisi bepuase tapi murid-murid kamu dekde bepuase? ¹⁹ Laju Yesus ngumong nggok die uhang "pacak ape jeme pengiring penganten bepuase sementare penganten jantan masih besame die uhang? selame penganten jantan masih bersame nggok die uhang, die uhang dek tau berpuase. ²⁰ Tapi ahi yang akan datang pengantin jantan diambek ndai die uhang, laju ahi itulah die uhang, nak berpuase. ²¹ Ngado jeme yang nambalkan pakaian yang kuyak nggok kain anyar. kalau ade yang nambalkan pakaian lame ke yang anyar laju kain yang anyar tadi pacak ngrusak kain yang la buhok dan kuyaknye laju tambah besak. ²² dan ngado sikok jeme yang nak nuangkan anggur anyar ke dalam kantong kulit yang lame. amun mak itu anggur itu pacak merobekkan kantong kulit jadi keduenye baik anggur dak tu kantongnye laju rusak, sebaleknye, anggur anyar disimpan pule dalam kantong kulit yang anyar. ²³ Di suatu ahi sabat, Yesus lalu di khume gandum sambil die uhang lalu di khume gandum, murid-murid mulai ngambeki bulir-bulir gandum. ²⁴ Laju jeme Farisi ngumong nggok Die, kinak, ngape Die uhang gawikan ape yang melanggar hukum di ahi sabat? ²⁵ Laju Die ngomong nggok die uhang, pernah dikde kamu tebace pedie yang digawikan Daud waktu die nggok pengikutnye dang kekurangan nggok kelapahan? ²⁶ makmane die masuk ke huma Allah dimasa Abyatar jadi imam besak, dan makan ruti persembahan yang cume pacak dimakan nggok para imam dan pule ngenjokan ruti nggok pengikutnye. ²⁷ Sudah itu Yesus ngumong nggok jeme Farisi itu "ahi sabat dibuat untuk manusie kanye manusie untuk ahi sabat. ²⁸ Jadi, anak manusie itu jelahlah Tuhan di pucuk ahi sabat"