(Rencane Pembunohan Yesus) ¹ Ahi raye paskah dan ahi Raye ruti dekde beragi belangsung due ahi agi, imam-imam palak dan ahli-ahli Taurat dang nyakah care unjak nangkap Yesus nggokm tipu muslihat dan mbunuh-Nye. ² Di karnekan, dieuhang ngumong, "hala selama ahi raye mangke hala terjadi keributan diantare rakyat." ³ Sementare Yesus ade di betania, Dihumah simon si kusta, waktu dang cugok dimija makan. ⁴ Tapi, ade bebehape jeme yang ngumong nggok kesal sikok nggok yang lain, "Ngape boroskan, minyak wangi lok ini? ⁵ Di karnekan, minyak ini pacak dijual kebeh ndai 300 dinar dan pacak dienjokkan keseme miskin." Dan, dieuhang pule marahi betine itu. ⁶ Namun, Yesus ngumong, "Biarlah die. ngape ngan nyarekan die? die lah nggawikan perbuatan yang ilok bagi-Ku. ⁷ Dikarnekah ngan selalu mpunyai jeme miskin rembak ngan, dan kebile kian ngan galak, ngan pacak nggawikan perbuatan ilok dieuhang. Tapi, ngan dekde kan selalu mpunyai aku. ⁸ Betine inilah nggawikan ape yang die pacak. die mengurapi badan Ku lebeh dulu unjuk penguburan. ⁹ Aku ngumong ke ngan yang sebenarnye, dimane injil diberitakan di segale dunie, ape yang lah digawikan betine itu pule nak dieumongkan sebagai peringatan akan die. ¹⁰ Waktu Yudas Iskariot, salah suhang ndai kedue belas belas muri, pegi ke Imam-imam palak unjuk nyerahkan Yesus ke dieuhang. ¹¹ Waktu dieuhang agam dan bejanji ngenjok yudas duit. Karne itu, Yudas nyakah kesempatan yang ilok unjuk nyerahkan-Nye. ¹² Waktu ahi pertame ahi raye ruti dekde beragi, waktu dieuhang ngurbankan anak domba paskah murid-murid Yesus bertanye ke die, "Kemane kamu kehendaki kami unjuk pegi nyiapkan bagimu paskah? ¹³ laju Die ngajung due jeme mirid-Nye dan ngumong ke dieuhang "Pegilah ke kota, dan suhang jantan yang dang ngundang kendi behisi ayakh kan negahi ngan. Miluilah die, ¹⁴ dan kemane kian die masok, umongkan ke tuan humah, Guru ngumong :dimane tuangan bada aku pacak makan Paskah rembak murid-murid-Ku? ¹⁵ Laju, die nak nunjukkan ke ngan sebuah tuangn besak di lantai pucuk yang lah ade perabotan, dan siap sedia ijekelah perjamuan bagi dini disane. ¹⁶ Waktu, murid-murid pegi dan sampai dikota. Disane, dieuhang ndapati tepat lok yang Yesus umungkan dieuhang, laju dieuhang ngijekan paskah. ¹⁷ Waktu ahi malam, datanglah Yesus rembak kedue belas murid. ¹⁸ dan waktu dieuhang cugok dan makan, Yesus ngumong, "Aku ngumong yang sebenahnye ke ngan, salah suhang ndai antare kamu. yang dang makan rembak nggok aku. nak nghianati-Ku." ¹⁹ Dieuhang mulai dibuat sedih dan ngumang ke Die sikok demi sikok, " Pasti kanye aku kan?" ²⁰ Yesus ngumong ke dieuhang, "die jelahlah salah suhang ndai dua belas murid, jeme yang nyelupkan ruti rembak Aku kedalam mangkok. ²¹ Dikarnekan Anak Manusie nak pegi lok yang lok yang lah ditulis tentang Die, tapi celakalah jime yang oleh die anak manusie dikhianati! kan lebih ilok bagi jeme itu men die dekde pernah dilahirkan. ²² Waktu dieuhang dang makan, Yesus ngambek tuti, dan sesudeh memberkati, die mecah-mecahkannye dan ngenyokkannye ke dieuhang, laju ngumong, "Ambeklah, ini badan-Ku." ²³ dan, Die ngambek cawan, dan ngucap syukur. Die ngonjokkannye ke dieuhang, dan segale dieuhang minum ndai cawan itu. ²⁴ Laju, Yesus ngumong ke dieuhang, ndielah daha-ku, daha perjanjian, yang dicurahkan bagi jeme rami. ²⁵ Aku ngumongkan ke ngan yang sebenahnye, aku dekdekan minum agi hasil buah ndai pohon Anggur, sampai waktu di ahi aku minum anggur yang anyar didalam kerajaan Allah". ²⁶ Sesudeh Nyanyikan sikok lagu rohani, die uhang pun pegi ke Bukit Zaitun. (Murid-murid Yesus nak ninggalkan-Nye) ²⁷ Waktu, Yesus ngumong ke dieuhang, "Ngan galenye nak ninggalkan Aku, Karne ade tertulis, aku nak njagal gembala, dan domba itu kan hencai. Zakharia 13:7 ²⁸ Tapi sesudeh aku dibangkitka, Aku nak pegi ke Galilea ndalui ngan." ²⁹ Namun, Petrus ngumong ke Die, "sekalipun. segale dieuhang ninggalkan kamu, tapi aku dekde." ³⁰ Dan, Yesus ngumong ke Die, "Aku ngumong yang sebenahnye ke ngan, malam ini, sebelum ayam jagok bekokok due kali, kamu nak nyangkal Aku tige kali." ³¹ Tapi, Petrus bersikeras nimbal, sekalipun aku harus mati rembak kamu, aku dekdekan nyangkal Kamu! dan segale dieuhang ngumongkan hal yang same. ³² Laju, sampailah dieuhang di kada bername Getsemani dan diengumong ke murid-murid-Nye "Cugoklah di sini sementare Aku berdoa." ³³ dan, Die ngundang Petrus, dan Yakobus, dan Yohanes rembak-Die, dan mulai jadi Ngehi nian dan tetekan. ³⁴ Laju, Kate-Nye ke dieuhang, Jiwe-Ku sedih nian, sampai nak mati. Tetaplah tinggal disini dan bajage-jagelah. ³⁵ Mangke, sesudeh enjuh diket, Die besujud dipucuk tanah dan berdoah, amun, kaluh, saat itu berlalu ndai pade Die. ³⁶ Dan, die ngumong. "Abba, Bapang, segale setue kalu bagi-Mu. Ambelah cawan ini ndai Aku, namun kanye ape yang Aku kehendaki, melainkan apa yang Kamu kehendaki. ³⁷ Laju, Die datang agi dan mendapati murid-muridNya dang tidoh, dan Die ngumong ke Petrus, "Simon Ngape ngan tidoh? pacak dekde ngan bejage-jage selame sejam? ³⁸ Bejage, jagelah dan bedoa mangke ngan dekde titik ke dalam pencobaan. Roh memang penuhut tapi daging lemah." ³⁹ Dan agi, Die dan bedoa nggok ngumongkan umongan yan same. ⁴⁰ Dan agi, Die datang dan ndapati dieuhang dang tidoh karne dieuhang ngantuk nian, dan dieuhang dekde tau nak nimbali pedie ke Die. ⁴¹ Sesudeh itu, Yesus datang unjuk ketige kalinye dan ngumong ke dieuhang, "ngan maseh tidoh dan beistirahat? jadilah, saaatnye lah tibe. kinak anak manusie dienjokan ke dalam tangan jeme-jeme beduse. ⁴² Bangunlah pelah kite pegi. kinak, yang ngenjokan Aku lah marak." ⁴³ Gancang sesudeh itu, sementare Yesus masehngumong, Yudas, salah suhang ndai kedue belas murid, datang rembak jemi rami nggok pedang dan pentung, diutus oleh Imam-Imam palak, Ahli-ahli Taurat, dan tue-tue Bangsa Yahudi. ⁴⁴ Die yang nyerahkan lah ngenyok dieuhang setue tande, katenye, ''Jeme yang kan aku cium, Dielah jemenye. Tangkap Die dan kandang Die pegi dibawah pengawasan. ⁴⁵ Dan, waktu Yudas sampai, die gancang maraki Yesus dan ngumong, "Rabi!" Laju, die nyium Yesus. ⁴⁶ Laju, dieuhang ngecak Yesus dan nangkanye. ⁴⁷ Namun, salah sikok ndai dieuhang yang tegak, nyabut pedangnye dan njagai babu Imam Besak, laju netak Kupingnye. ⁴⁸ Dan Yesus ngumung ke dieuhang. "Apekah ngan datang. nggok pedang dan pentung unjuk nangkap Aku lok suhang perampok? ⁴⁹ Tiap ahi, Aku rembak nggok ngan di Bait Allah sambil ngajah, tapi kamu dekde nagkap Aku. Namun, hal ini tejadi mangke kitab suci pacak digenapi. ⁵⁰ Laju, Segale dieuhang ninggalkanNye dan melarikan badan . ⁵¹ Ade suhang bujang yang milui Yesus, cuma makai kain lenan di Badanbye dan, dieuhang nangkapnye, ⁵² Tapi die ninggalkan kain lenan itu dan melahikan nggok telanjang. ⁵³ Laju, dieuhang ngundang Yesus ke Imam besak. Dan, segale imam palak, dan tue-tue dan ahli-ahli Taurat bekumpul rembak. ⁵⁴ Dan, Petrus milui Yesus ndai jaah, Sampai ke halaman huma imam besak. Disane, die cugok rembak pare pengawal sambil bediang diparak api. ⁵⁵ Pare imam palak dan segale Mahkama Agame terus nyakah kesaksian unjuk melawan Yesus mangke dieuhang dieuhang pacak mbunuh-Nye, tapi dieuhang dekde dapatkan ape-ape. ⁵⁶ Dikarnekan tami jame ngenjokan kesaksian palsu unjuk melawan-Nye tap tapi kesaksian dieuhang dekde sesuai sikok nggok yang lain. ⁵⁷ Laju bebehape jem tegak dan ngnjok kesaksian palsu unjuk melawan Yesus, ujinye, ⁵⁸ Kami nganeng die ngumang, Aku nak merobohkan Bait Alah buatan tangan manusie, dan dalam tige ahi Aku nak mbangun yang lainnye, yang dekde dibuat nggok tangan. ⁵⁹ Namun, Unjuk hal lain pun kesaksian deuhang dekde sesuai sikot nggok yang lain. ⁶⁰ Laju, Imam besak tegak ditengah-tengah dieuhang dan betanye ke Yesus. "Ape kamu dekde ke jeme-jeme yang bersaksi ngelawan kamu? ⁶¹ Tapi, Die diam kian dan dekde nimbal. Imam besak betanye agi ke Yesus dan ngumong, "Ape kamu Mesias, Anak Allah yang terpuji? ⁶² Dan, Yesus Ngumong "Akulah Die, dan ngan kan nginak anak Manusie cugok disebelah kanan yang maha kuase dan datang rembak nggok aban-aban di langit. " ⁶³ Laju, Sambil ngihek jubahNye, Imam besak ngumongi, "Ngape kite maseh perlu saksi agi? ⁶⁴ Kamulah nganeng hujatan, ape keputusan ngan? dan segale dieuhang menghukum-Nye nggok hukuman. ⁶⁵ Bebehape jeme mulai meludai Die dan nutup muke-Nye dan ngguco Nye dan ngumong ke Die, Bernubuatlah! Pare pengawal nerime-Nye nggok nampah-Nye. ⁶⁶ Dan, sementare Petrus maseh ade dibawah halaman huma iman besak, salah suhang babu betine imam besak datang. ⁶⁷ dan, nginak Petrus dang bediang, babu itu ngasati dan ngumong, Kamu pule rembak Yesus, jeme Nazareth itu." ⁶⁸ Namun, Petrus nyangkal sambil ngumong, "Aku dekde tau dan dekde keluro ape yang kamu umongkan." Laju, die pegi ke lawang gerbang dan ayam jagok bekokok. ⁶⁹ Babu betine itu nginak Petrus sekali agi dan mulai ngumang agi ke Jeme-jeme yang beregak, "Jeme ini jelahlah salah sikok ndai dieuhang." ⁷⁰ tapi, Die nyangkal nye agi. dan, dekde lame ndai itu jeme-jeme yang betegak ngumang agi ke Petrus, "ngan pasti salah sikok ndai dieuhang karne ngan pule jeme Galilea. ⁷¹ Namun Die mulai ngutuk dan besumpah, "Aku dekde kenal jeme yang ngan umongkan! ⁷² Gancang, Ayam Jagok bakokok unjuk kedua kalinye dan Petrus tehingat amun ape yang lah Yesus umongkan ke die, "Sebelum ayam jagok bekokok unjuk kedue kali, ngan nak nyangkal Aku tige kali. laju, Petrus dekde tau nahan nangis.