¹ Laju, waktu Yesus ninggalkan bait Allah, salah suhang murid-Nya ngumong ke Die " Guru, kinak alangkah iloknye batu-batu dan alangkah iloknye bangunan-bangunan ini". ² Dan, Yesus nimbali die, "damenye ngan nginak bangunan-bangunan yang megah ini ? ngadoh sikok batu kian yang nak tinggal di pucuk batu lainnya yang dekde nak dirobohkan". ³ Dan, sementare Yesus dang cugok di pucuk bukit Zaitun yang menghadap bait Allah, Petrus, dan Yakobus, dan Yohanes, dan Andreas betanye ke Yesussuhangan, ⁴ enjuk tahu kami, kebile hal-hal itu nak terjadi, dan pedia yang nak jadi tande mun kian segale itu nak gancang berakhir?" ⁵ Laju, Yesus mulai ngumong kedieuhang, "beati-atilah mangke ngado jeme yang nyesatkan ngan. ⁶ Rami jeme nak datang dalam nama-Ku ngumong, "Akulah Die". Dan, dieuhang nak nyesatkan jeme rami. ⁷ waktu ngan nganing tentang peperangan dan kate-kate tentang perang, ndalah ngehi. Hal-hal ini mesti terjadi, tapi akhir ndai segalenye lomkan tejadi. ⁸ dikarnekan, bangse nak bangkit melawan bangse, dan kerajaan melawan kerajaan. Tapi, gempa bumi dimacam-macam badah, nak ade kelapahan, ndielah pemulaan ndai hase sare melahirkan. ⁹ tapi, jagelah badan ngan. Dikarnekan, dieuhang nak ngenjukkan ngan ke pengadilan, dan ngan nak digebukki di sinagoge-sinagoge dan ngan nak tegak di adapan Sanhendrin dan raje-raje karne Aku, sebagai kesaksian unjok dieuhang. ¹⁰ Dan, Injil mesti lebih ndulu dikatekan ke segale bangsa. ¹¹ Dan, waktu dieuhang ngundang ngan dan ngenjukkan ngan, ndalah kuatir kudai nggok pedie yang mesti ngan umongkan, tapi umongkanlah pedie kian yang dikaruniakan ke ngan waktu itu karne kannye ngan yang ngumong, melainkan ROh Kudus. ¹² Dan, suhang sanak nak ngenjukkan sanaknye ke kematian, dan bapang ke anaknye, anak-anak nak bangkit melawan jeme tuenye dan mbunoh dieuhang. ¹³ Dan, kamu nak diluyei oleh segale jeme karne name-Ku, tapi, jeme yang tetap betahan sampai akhir nak diselamatkan. ¹⁴ Tapi, waktu ngan nginak pembinase keji tegak dibadah yang dekde semestinye (yang mbace kendaknye paham), dieuhang yang ade di Yudea mesti lahi ke gunung. ¹⁵ jeme yang berade kajang angkap ndalah tuhun ape masok kedalam huma unjok ngeluahkan pedie kian ndai dalam humanye. ¹⁶ Dan, jeme yang ade di ume, ndalah balik kebelakang unjok ngambek jubahnye. ¹⁷ Bebadelah dieuhang yang dang bunting dan dieuhang yang dang neteki kupe-kupenye diahi-ahi itu. ¹⁸ Bedoalah mangke hal-hal ini dekde terjadi dimusim dingin. ¹⁹ dikarnekan, diahi-ahi itu nak terjadi mase penderitean besak yang belum nian terjadi ndai permulaan penciptaan, yang Tuhan ciptakan sampai mak ini ahi, dan dekde nak terjadi agi. ²⁰ Dan, amun Tuhan dekde mempersingkat ahi-ahi itu, ngado suhang kian yang diselamatkan. Tapi, demi yang dipilih, yang leh Die pilih, Die nyingkat ahi-ahi itu. ²¹ Laju, amun ade jeme yang ngumong ke ngan, kinak Kristus ade di sini! ape kinak, Die ade di sane! ndalah cayei die. ²² dikarnekan, mesias-mesias palsu dan nabi-nabi palsu nak bangkit dan nunjokkan tande-tande dan keajaiban-keajaiban unjok nyesatkan, amun kalu, bahkan jeme-jeme pilihan. ²³ Waspadalah Aku lah ngenjuk tau segale ini ke ngan sebelumnye. ²⁴ tapi, di ahi-ahi itu, sudeh terjadi penderitaan besak, "mateahi nak jadi akap, dan bulan dekde nak bersinar. ²⁵ Bintang-bintang titekan ndai langit, dan kuase-kuase di langit nak digoncangkan. (Kedatangan Anak Manusie) ²⁶ Laju, dieuhang nak nginak Anak Manusie datang dalam awan-awan nggok kuase dan kemuliaan yang besak. ²⁷ Laju, Die nak ngutus malaikat-malaikat dn ngumpulkan yang dipilih ndai keempat arah mateangin, ndai ujung-ujung tumi sampai keujung-ujung langit. ²⁸ "Belajahlah ndai perumpamean pohon Ara: waktu dahan-dahannye lah lembut dan daun-daunnya keluah, laju ngan pacak bahwa musim angat lah parak. ²⁹ mak itu pule nggok ngan, pebile ngan nginak hal-hal ini terjadi, ketahuilah bahwe Die lah parak, di adapan lawan. ³⁰ Aku ngumongkan yang sebenarnye ke ngan, generasi ini dekde nak berlalu sampai segale ini terjadi. ³¹ Langit dan bumi nak berlalu tapi firman-Ku dekde kan nak berlalu. (Waspade Dan Berjage-jagelah) ³² "Tapi, tentang ahi ape jam itu, ngadoh suhang kian yang pacak,, dekde malaikat-malaikat di Surge, bahkan dekde pule Anak, bapang kian. ³³ Waspadalah, berjage-jagelah. Dikarnekan ngan dekde pacak kebile saatnya nak datang. ³⁴ Hal ini lok jeme yang dang nggawikan perjalanan. Waktu die ninggalkan huma dan ngenjuk kuase ke babu-babunye, nggok gawiannye diwek-diwek, dan pule nganjungkan tukang jage lawang unjok tetap berjage-jage. ³⁵ Karne itu, berjage-jagelah karne ngan dekde pacak kebile tuan huma itu nak datang, petang ahi, ape tengah dalu, ape mase ayam bekokok, ape pagi-pagi bute. ³⁶ ndalah sampai die tibe-tibe datang dan ndapati ngan dang tidoh. ³⁷ pedie yang Aku umongkan ke ngan ini, Aku umongkan ke segale jeme "bejage-jagelah!.