¹ Limbas, Yesus mander umba ilro, "Aku mamander sabujure akammu, toko tongai ulrun jo lagi tomok nuk otoi jo eyam ahkan matoi nyamah ilro noto kerajaan Hatalla lromut umba Kuasa.” ² Mba, jahawen ondo kemudian, Yesus mangit Petrus, Yakobus mba Yohanes limbas ngomin ilro bongoi nuk gunung jo katung. Yesus maubah tapai nuk taharep ilro ³ mba, pakaian-E manjadi cemerlang mba puna puhti. Maro toko tukang pamuhti kain nuk dunia tou mamuhtikan kolro jo. ⁴ Limbas jo, muncul nuk taharep ilro, Elia homboh umba Musa, mba ilro lagi bapander umba Yesus. ⁵ Limbas Petrus mander umba Yesus, "Rabi, puna tou ahkan ihkai toko nuk ahi. Ayu ito napa tolru kemah ico akam-Mu, ico ahkan Musa, mba ico ahkan Elia." ⁶ Hawi, Petrus maro taai harus manjawab inon metuh ilro uras mikoh. ⁷ Limbas jo, nyalrenga lromut awan nutup ilro, mba mangonih aang suara jo lromut bara awan jo, hiyoi-E "ihi anak-Ku jo terkasih. ngonih Iyo rih!". ⁸ Metuh jo kia, umot ilro noto nuk sakitar, ilro eyam lagi noto iyai pun jo umba suali Yesus. ⁹ Mba, sapendehan muhun bara gunung, Yesus nonga parentah umba ilro ahkan eyam mara iyaipun inon jo umot ilro noto, sapai anak kalronun kokat bara antara ulrun matoi. ¹⁰ Metuh jo, ilro namit perkataan jo ahkan ilro bongoi sambil mangisok-ngisok inon artie kokat bara papatoi jo. ¹¹ Limbas jo, ilro mangisok umba Yesus, "ombai kawan ahli Taurat bapander bahwa Elia harus lromut labih holru?" ¹² Limbas jo, Yesus mander umba ilro Elia memang lromut labih holru ahkan memulihkan segala jo aang. Mba, nokolro umba jo tatulis mangana Anak kalrunon bahwa Iyo harus mandarita aro hal mba kana hina? ¹³ Limbas, ahkan tapi Aku mander akammu bahwa Elia memang jadi lromut, mba indo mamperlakukan sasuai umba ino jo ilro kanahuang kolro jo tatulis mangana Iyo." ¹⁴ Limbas, metuh Yesus, Petrus, Yakobus, mba Yohanes, halrulri umba murid-murid ilro noto ngarumbung ulrun aro nuk sakaliling murid-murid jo, mba kawan ahli Taurat lagi badebat umba ilro. ¹⁵ Mba, turus umot uras ngarumbung ulrun jo noto Yesus, ilro manjadi takocit mba nakolro ahkan manyambut-E. ¹⁶ Limbas jo, Yesus mangisok umba ilro, "Inon jo jadi iko perdebatkan umba ahli-ahli taurat jo ?" ¹⁷ Ico beti ngarumbung jo manjawab Iyo, "Guru, aku ngomin anak bakasku akam-Mu hawi iyo sanyarupang roh jo napa'e bisu. ¹⁸ Satiap kali roh jo maguasai'e, iyo nyakah'e nuk tana mba iyo palrua busa bara baui'e, mba mengertakan nyipoi'e, limbas iyo manjadi kejang. Aku manyawot murid-murid-E mangabuho roh jo, tapi ilro eyam sanggup." ¹⁹ Mba, Yesus mutah indo mba mander, "hai generasi jo eyam bariman! Pira katahi hino Aku harus umba iko? Pira katahi hino Aku harus batahan dengammu? Ngomi anak jo akak-Ku!" ²⁰ Limbas jo, ilro ngomin anak jo umba Yesus mba metuh roh jo noto Yesus, iyo palrus mangguncang-guncangkan anak jo. Anak jo batahak nuk tana mba taguling-guling umba baui jo mampalrua busa. ²¹ Limbas, Yesus mangisok umba amai anak jo, "umot pira katahi hal ihi tajadi akai’e?" Jawab'e, "sejak masa koik. ²² Mba, roh jo umot racak nyakah'e nuk suang apui mba nuk suang danum ahkan mahancur'e. Ahkan tapi, amun iko dinun napa aang, ngasi ihkai." Mba dohop ihkai. ²³ Yesus bapander umba'e, "ngindoi iko dinun? Uras aang mungkin ahkan ilro jo percaya." ²⁴ Salrenga amai anak jo manangis mba berseru,"Aku percaya! dohop kaeyam parcayaanku". ²⁵ Metuh Yesus noto bahwa ulrun aro lromut bakarumung umba capat, Iyo mambentak roh jo sambil pander umba’e, iko roh bisu mba badengen, Aku parintahkan iko balrua bara anak ihi mba ara patame'e hino!" ²⁶ Umot menjerit mangguncang-guncangkan anak jo umba hebat, maka roh jo balrua. Anak jo manjadi kolro ulrun mahtoi sahingga ulrun aro jo mander, "iyo matoi!" ²⁷ Ahkan tapi, Yesus namit lrongon anak jo mba mamonyunkan'e, maka anak jo tomok. ²⁸ Mba, metuh Yesus tame nuk suang lropo, murid-murid-E ngisok umba-E sacara pribadi, "ombai ihkai eyam tou ngambuho'e?" ²⁹ Mba, iyo mander umba indo, "jenis ihi eyam tou balrua suali hanya umba doa." ³⁰ Bara anai, Yesus mba murid-murid-E tulrak mba nakalro wilayah Galilea. Mba, iyo eyam kani toko ulrun jo taai. ³¹ Hawi, iyo lagi mangajar murid-murid-E mba pander umba ilro, "Anak kalrunon ahkan nyarah nuk lrongon kalrunon, mba ahkan munu-E. Mba, umot iyo kana punu, tolru ondo limbas iyo ahkan kokat." ³² Ahkan tapi, murid-murid eyam mangataai perkataan jo mba mikoh mangisok umba-E. ³³ Limbas, Yesus mba murid-murid-E hocok nuk Kapernaum. Mba, umot Yesus toko nuk suang lropo, Iyo mangisok umba ilro, "inon jo iko pander suang panyalaran?" ³⁴ Ahkan tapi, ilro benyem hawi suang panyalran ilro bardebat ico umba jo bokon mangana iyai jo hajo. ³⁵ Limbas jo, Yesus tuot mba manaah kaduo balras murid. Mba, Iyo pander umba ilro, "ngindoi ico beti kani manjadi jo holru, iyo harus manjadi jo pongo bara uras'e mba payanan bagi uras'e." ³⁶ Limbas, Yesus mangomin ico beti nakinyam koik mba manginae tomok nuk antara ilro. Mba, sambil ngahawon nakinyam jo, Iyo pander mba ilro, ³⁷ "Iyai bewei jo manyambut ico beti nakinyam koik kolro ihi suang arak-Ku, iyo manyambut Aku. Mba, iyai bewei jo manyambut Aku, bokon manyambut Aku, ahkan tapi Iyo jo mangutus Aku." ³⁸ Yohanes bapander umba Yesus, "Guru, ihkai noto ulrun ngabuho setan-setan suang aram-Mu, mba ihkai mahalangi'e hawi iyo eyam umba ito." ³⁹ Ahkan tapi, Yesus bapander, "ara mahalangi'e hawi eyam toko ulrun jo napa parbuatan ajaib suang arak-Ku, dinun pas metuh jo bewei manghujat Aku. ⁴⁰ Hawi, iyai jo eyam ngalrawan ito, toko nuk pihak ito. ⁴¹ Hawi, Aku mamander jo sabujur'e akammu, iyai bewei jo manonga secangkir danum hawi iko umba Kristus, eyam ahkan nihou upah'e." ⁴² "Mba iyai bewei jo manyasat ico beti bara nakinyam koik jo parcaya umba-Ku, jijo napa dosa, labih baik bagi'e amun sabuah batu kilangan jo hajo kana pohtong pas ujat'e limbas iyo pamatuk nuk suang laut. ⁴³ Mba amun lrongommu manyasat iko badosa, notok lrongommu jo. Labih baik bagimu tame unuk suang kabolrum umba lrongon buntung, baras pas dengan duo lrongon tame nuk neraka, nuk suang apui jo eyam ahkan puji padam, ⁴⁴ unuk jijo ulret'e eyam ahkan matoi mba apui'e eyam ahkan padam. ⁴⁵ Mba, amun paamu manyasat iko badosa, notok paamu jijo. Labih baik bagi iko tame unuk suang bolrum dengan paam buntung, bara pas dengan duo paa manyakah unuk suang neraka, ⁴⁶ unuk jijo ulret'e eyam ahkan matoi mba apui'e eyam ahkan padam. ⁴⁷ Mba, amun mahtammu manyasat iko, ngalruit mahtam mu jijo. Labih baik bagi iko tame nuk karajaan Hatalla dengan ico mahtam bara pas dengan duo mahtam manyakah unuk suang neraka, ⁴⁸ unuk jijo ulret'e eyam ahkan matoi mba apui'e eyam ahkan padam. ⁴⁹ Hawi, satiap ulrun ahkan tanonyu dengan apui. ⁵⁰ Tonyu jijo pios, tapi amun tonyu jijo nihou kamohit'e, nokolro iko ahkan napa'e mohit hino? Milikilah tonyu nuk suang iko bonyom mba badamaiih ico dengan jo bokon."