¹ Limbas, Yesus notah uhkan jijo mba buho nuk wilayah Yudea mba nuk pohoi sungoi Yordan. Mba, ulrun aro bakumpul mangarumbung Iyo hino. Mba, kolro kabiasaan-E, Iyo mangajar ilro. ² Limbas, ulrun-ulrun Farisi nokuh-E mba ahkan mancoba Iyo ilro bakisok, " narai jo kana bujur ico bosai mancerai olruh'e? ³ Yesus mutah indo, "narai jo Musa parintah ahkammu?" ⁴ Indo bapander, "Musa mangizin ico beti bosai napa surat cerai mba mancerai'e." ⁵ Ahkan tapi, Yesus bapander ahkan indo, "hawi kamahang atoimu, Musa manulis parintah ihi ahkammu. ⁶ Ahkan tapi, metuh taparan penciptaan, "Hatalla mancipta indo bakas mba bawi. ⁷ Hawi jijo, ico beti bakas ahkan notah amai mba inai'e. ⁸ Mba, kaduo'e ahkan manjadi ico daging. Dengan demikian, indo bokon hino duo, tapi ico daging. ⁹ Jadi, narai jo jadi Hatalla mahico, ara toko ulrun jo mamisah." ¹⁰ Limbas, nuk suang lropo, murid-murid-E ngisok hino umba-E mangana hal jijo. ¹¹ Mahka, Iyo bapander umba indo, "iyai bewe jo mancerai olruh'e mba kawin mba bokon, nguan zinah taharep olruh'e. ¹² Mba, amun olruh mancerai bosai'e, mba kawin jo bokon, iyo nguan zinah." ¹³ Mba, indo ngomin anak-anak koik ahkan Yesus mangat Iyo manuki anak-anak jijo, tapi murid-murid ningak indo. ¹⁴ Tapi, metuh Yesus noto'e, Iyo manjadi basingi mba bapander ahkan murid-murid-E, "biar anak-anak koik jijo lromut ahkan-Ku mba ara ngahalang-ngahalang indo hawi Karajaan Hatalla ionoh tepun ulrun-ulrun kolro indo. ¹⁵ Aku mander jo sabujur'e ahkanmu, iyai bewe jo eyam nyambut Karajaan Hatalla kolro ico beti anak, eyam ahkan tame nuk suang'e." ¹⁶ Limbas, Yesus ngahawon anak-anak jijo, Iyo mamberkat indo mba ngina lrongoi-E diang ilro. ¹⁷ Limbas, metuh Yesus lagi manyiap panyalrai, ‘ico beti takoru ahkan Iyo mba basujud nuk taharep-E mba baiksok, "Guru jo baik, narai jo harus aku tanapa ahkan dinun warisan bolrum jo abadi?" ¹⁸ Mba, Yesus bapander umba'e, 'ombai iko nyewut aku baik? Eyam toko ico beti bewei jo baik, suali Hatalla bongoi. ¹⁹ Iko mangataai parintah-parintah: "ara munu, ara berzinah, ara nahko, ara nonga kasaksian palsu, ara manipu, hormat amai mba inaimu." ²⁰ Limbas, ulrun jijo bapander ahkai-E, "Guru, aku jadi ngapatuh ulras jijo metuh aku lagi bio." ²¹ Tapi, Yesus ngatara ahkan ulrun jo bio jijo mba ngina kasih ahkai'e, mba bapander ahkai'e, "ico hal jo kurang bara ko. Buho mba jual ulras ihko ngina, mba nonga ahkan ulrun susah, mahka ihko ahkan memiliki harta nuk surga. Limbas, ahi mba nganyak Aku." ²² Tapi, pander jijo napa'e bahalri atoi mba iyo buho dengan sedih hawi iyo memiliki aro harta. ²³ Limbas, Yesus ngatara nuk sakaliling mba bapander ahkan murid-murid-E, "puna bahalri'e bagi ilro jo tahto ahkan tame karajaan Hatalla!" ²⁴ Murid-murid takocit mba perkataan-E. Ahkan tapi, Yesus bapander hino umba ilro, "hai anak-anak puna bahalri tame nuk karajaan Hatalla! ²⁵ Labih murah ico kungan unta tame nakalro lruang doih bara ulrun tahto tame karajaan Hatalla." ²⁶ Murid-murid samakin takocit mba bapander ico mba jo bohkon, "limbas jo, Iyo jo tou jo sanyalamat?" ²⁷ Yesus ngatara umba ilro mba bapander, "ahkan kalrunon jijo eyam mungkin, tapi eyam ahkan Hatalla. Hawi, ulras aang mungkin ahkan Hatalla." ²⁸ Petrus napara bapander ahkan Yesus, "noto, ikai notah ulras aang mba ngayak iko! ²⁹ Yesus Bapander, "Aku mander jo sabujur akammu, eyam toko ico beti bewei jo jadi nohtah lropo, atawa pahari-pahari bakas, atawa pahari-pahari bawi, atawa inai, atawa amai, atawai anak-anak, atawa umo-umo'e hawi aku mba hawi injil, ³⁰ Jo pas wayah ihi eyam ahkan narima saratus kali lipet--lropo-lropo, mba pahari-pahari bakas, mba pahari-pahari bawi, mba inai-inai, mba anak-anak, mba umo-umo, dengan penganiayaan; mba pas wayah jo ahkan lromut, bolrum ahkan abadi. ³¹ Ahkan tapi, aro ulrun jo holru ahkan manjadi jo pongo, mba jo pongo manjadi holru." ³² Ilro lagi suang panyalrai nuhkat nuk Yerusalem mba Yesus nyalran nuk baun ilro. Mba, indo ngomo cangang, sapandehan ulrun-ulrun jo manganyak-E jadi mikoh. Mba, Yesus halrulri ngomin serta duo balras murid-E, Iyo napara manyapai indo narai jo ahkan tajadi ahkai-E, ³³ hiyoi-E, "nohto, ihto lagi nukat nuk Yerusalem mba anak kalrunon ahkan manyarah ahkan imam-imam katua mba ahli-ahli taurat. Indo ahkan ngahuku-E sapai mahtoi mba ahkan nyarah-E ahkan ulrun-ulrun bohkon Yahudi. ³⁴ Indo ahkan mahina-E, mba mangaruca-E, mba ngajar-E, mba munu-E. Ahkan tapi, sajadi tolru ondo, Iyo ahkan kokat." ³⁵ Limbas, Yakobus mba Yohanes, anak-anak Zebedeus, lromut umba Yesus mba bapander, "guru, ihkai kani iko manapa bagi ihkai narai bewei jo ihkai nyawot." ³⁶ Limbas, Yesus bapander umba ilro, "narai jo iko kani ahkan aku napa akammu?" ³⁷ Ilro bapander ahkai-E, "izin ico beti bara ihkai tuot nuk silra Katou-Mu." ³⁸ Ahkan tapi, Yesus bapander umba ilro, "ihko eyam kataai narai jo ihko nyawot. Sanggup ihko ngorih bara cawan jo harus ku ngorih atawa nuk baptis dengan baptisan jo baptis ahkan-Ku?" ³⁹ Ilro bapander ahkai-E, "ihkai sanggup!" Limbas, Yesus bapander umba indo, cawan jo Aku ngorih memang ihko ngorih, mba ihko mba baptisan jo kana baptis umba-Ku. ⁴⁰ Ahkan tapi, unuk tuok nuk kasilra katouk-Ku atawa kasilra kamuroi-Ku eyam hak-Ku ahkan nonga-E, tapi unuk jijo ahkan ilro jadi sanyiap." ⁴¹ Mangonih jijo, sapuluh murid bohkon manjadi singi umba Yakobus mba Yohanes. ⁴² Limbas,Yesus manaah ilro mba bapander umba ilro, "iko taai hawi ilro jo kana anggap kolro Pamarintah ulrun-ulrun bohkon Yahudi berbuat seolah-olah bakuasa diang ilro. Mba, katung-katung ilro mahapan kakuasaan-E diang indo. ⁴³ Tapi, eyam saharus-E nuk atara iko. Sabalik'e, iyai bewei jo kani manjadi hajo nuk atara iko, harus manjadi palayanmu, ⁴⁴ mba iyai bewei jo kani manjadi jo kaholru nuk atara iko, harus manjadi palayan bara uras'e. ⁴⁵ Hawi, Anak kalrunon kia lromut bohkon ahkan dilayani, tapi ahkan melayani, mba ahkan manonga tahasong'e sebagai tebusan bagi aro ulrun." ⁴⁶ Limbas, ilro sapai nuk Yerikho. Metuh Yesus notah Yerikho homboh dengan murid-murid-E mba ulrun aro, ico beti Pengemis babute arai Bartimeus, anak Timeus, lagi tuot nuk salran jalran. ⁴⁷ Metuh iyo mangonih hawi toko Yesus bara Nazaret, iyo kia napara manaah mba bapander, "Yesus, anak Daud, ngasie aku!" ⁴⁸ Mba, aro ulrun maningak'e mba manyuhu benyem. Tapi, iyo jajuan ngariak, "Anak Daud, ngasie aku!" ⁴⁹ Limbas, mba Yesus tondo mba bapander, "naah iyo." Mba, indo kia manaah ulrun jo babute jijo mba bapander ahkai'e, kuat atoimu tomok, iyo manaahmu napa ahkammu?" ⁵⁰ Sambil ngalapas jubbah-E, ulrun babute jijo tomok mba lromut umba Yesus. ⁵¹ Mba, Yesus bapander ahkai'e, "narai jo iko kani ahkan aku napa akammu?" Ulrun babute jijo mutah, "Rabi, biar ih aku napayah." ⁵² Limbas, Yesus bapander ahkai'e, "Buho. Imanmu jadi menyembuhkanmu." Wayah jijo kia, iyo mandinun halruri tapayah'e, mba iyo manganyak Yesus katahi jalran.