¹ Metuh ondo-ondo jo, metuh rombongan nayo ulrun hakupul mba eyam maro narai-narai kana ulrun, Yesus ngahau murid-murid-E mba pander umba ilro, ² "Aku ngasi umba ulrun aro jo gawi ilro jadi homboh umba-Ku katahi tolru ondo, mba eyam maro narai-narai kana ulrun. ³ Mba, amun Aku nyuhu ilro bulri nokuh lropo ilro suang keadaan balrou, ilro tou tolras suang jalran gawi tongai bara ilro lromut bara macu." ⁴ Mba, murid-murid-E mutah ilro Rih, "bara amoh ulrun ico beti tou ngaposuh ilro mba roti unuk benyem kalrihi?" ⁵ Umot jo, Yesus ngisok ilro, "pira roti jo toko umba iko?" Ilro mutah, "uju roti". ⁶ Umot jo, Yesus nyuhu ulrun alro jo tuot diang tanah, mba ngomin uju roti jo, mba manyewut syukur, mba Ilro musit-musit'e, mba nongae umba murid-murid-E ahkan manyurung'e umba ulrun aro. Ilro pun manyurunge ahkan ulrun aro. ⁷ Mba, murid-murid kia toko isut ocin koik. Sajadi manyewut syukur diange, Yesus nyuhu murid-murid-E ahkan mambagi kia ocin-ocin jo umba ulrun aro. ⁸ Ulrun aro jo kuman nyamah bosuh, mba ilro ngupul totok panginan jo toko tisai jo uju banjai tuwi. ⁹ Toko anggare opat lribu ulrun jo kuman. Umot jo, Yesus nyuhu ilro buho. ¹⁰ Limbas jo Yesus nyalrenga tame arut nomboh murid-murid-E mba sapai nuk daerah Dalmanuta. ¹¹ Mba ulrun-ulrun Farisi lromut mba napara badebat umba Yesus, sambil nyawot Yesus nakarah tanda bara Surga, ahkan mancoba-E. ¹² Sajadi Yesus menghela nahasong panjang suang Roh-E, Iyo pander, "ombai generasi ihi ngurah tanda? Aku mara jo sabujur'e umbako, maro ico tanda jo ahkan tanonga umba generasi ihi." ¹³ Umot jo, Yesus notah ilro, tame halrulri nuk suang arut, mba tulrak nuk pohoi. ¹⁴ Murid-murid talringo ngonin roti, mba baya toko putung silrai roti unuk suang arut. ¹⁵ Mba Yesus mameteh umba ilro, "bajaga-jaga babua-buah taharep ragi ulrun-ulrun Farisi mba ragi Herodes." ¹⁶ Limbas jo, ilro napara mamikir-mikir ico umba jo bokon gawi ilro eyam maro roti. ¹⁷ Mba sajadi ngataan mangana itu, Yesus pander umba ilro, "ombai iko bapander mangana iko jo eyam maro roti? Inon iko jaham kia ngataai atawa mangerti? Inon atoimu kanamahang? ¹⁸ Inon iko toko ngina mata, tapi eyam noto? Mba, toko ngina talringa, tapi eyam ngonih? Eyam mangatkah iko, ¹⁹ metuh Aku musit-musit lrimo roti ahkan lrimo lribu ulrun, pira karoi banjai jo baisi tuwi umba totok-totok panginan jo kangupulmu?" Ilro mutah, "duo balras banjai." ²⁰ "Mba, metuh uju roti ahkan opat lribu ulrun, pira banjai jo tuwi umba totok-totok panginan jo kangupulmu?" Ilro mutah, "uju banjai." ²¹ Limbas jo, Iyo bapander umba ilro, "inon iko masih jaham mangerti?" ²² Umot jo, Yesus mba murid-murid-E hocoh nuk Betsaida. Mba, tongai ulrun ngonih ulrun babute mba nyawot umba Yesus akai namite. ²³ Yesus mahi namit lrongon ulrun jo babute jo mba ngomin yo balrua desa. Limbas jo, Yesus ngaruca matan ulrun jo mba nikas lrongoi"e diang Iyo. Iyo ngisok umbae, "Inon iko noto aang?" ²⁴ Limbas jo, ulrun jo nakara nuk diang mba bapander, "Aku noto ulrun-ulrun, tapi ilro kolro pohon-pohon jo lagi nyalran." ²⁵ Umot jo, Yesus nikas lrongoi-E hino diang matan ulrun jijo lagi, limbas ulrun jo muka matae, panotoe barigas, mba iyo mahi tou noto umba jelas. ²⁶ Limbas jo, Yesus nyuhu bulri nuk lropoe mba bapander, "ara tame nuk suang desa." ²⁷ Umot jijo, Yesus buho, homboh murid-murid-E unuk desa-desa nuk Kaisarea Filipi. Mba, nuk tohun jalran, Yesus ngisok umba kawan murid mba bapander umba ilro, "hiyon ulrun-ulrun, iyai Aku ihi?" ²⁸ Ilro mutah, "Yohanes Pembaptis, jo bokon mara Elia, mba jo bokone salah ico bara nabi-nabi." ²⁹ Umot jo, Yesus ngisok umba ilro, "ngindoi, menurutmu, iyai Aku ihi?". Petrus mutah-E, "Iko Iyonoh Kristus." ³⁰ Mba, Yesus mampaingat ilro ara mara ahkan iyai bewei mangana arop-E. ³¹ Umot jo, Yesus napara ngajar murid-murid-E amun anak kalrunon jo harus menderita alro aang mba kana yam tarima gawin ketua-ketua Yahudi, imam-iman kepala, mba ahli-ahli Taurat, mba kana punu, mba sajadi tolru ondo kokat halruri. ³² Mba, Yesus mara mangana ihi secara tabuka. Hawi jo, Petrus manarik Yesus nuk balrikat mba napara ningak-E. ³³ Tapi, sambil nolreh mba noto murid-murid-E, Yesus ningak Petrus mba bapander, "Buho bara-Ku, hai otu! Hawi, iko eyam mikir perkara-perkara Hatalla, tapi mikir perkara-perkara kalrunon." ³⁴ Sajadi jo, Yesus manaah ulrun aro, kia murid-murid-E, mba bapander umba ilro, "amun ico beti ulrun kani nganyak Aku, iyo harus manyakal arop'e bongoi, mba nanggung salib'e. umot jo nganyak Aku. ³⁵ Hawi, iyai bewei jo kani nyalamat tahasonge akan kehilangannya. Akan tapi, iyai bewei jo niho tahasong'e demi Aku mba Injil akan nyalamat'e. ³⁶ Hawi, narai untung'e ico beti ulrun nganduon saluruh dunia, tapi niho tahasonge? ³⁷ Narai jo tou ulrun ico beti nonga ahkan nowus tahasonge? ³⁸ Hawi, iyai bewei minya hawi Aku mba peteh-Ku nuk generasi jo eyam setia mba berdosa ihi, maka Anak Kalrunon kia jo akan minya mangakui ulrun jo metuh Iyo lromut suang Kemuliaan amai-E homboh umba malaikat-malaikat jo Kudus."