¹ Limbas, hakupul ulrun-ulrun Farisi nokuh Yesus Homboh tongai ahli Taurat jo lromuk bara Yerusalem. ² Mba, indo noto tongai murid Yesus kuman roti dengan lrongon kotor, mba lrongo eyam pamenyau. ³ Hawi, ulrun-ulrun Farisi mba ulrun Yahudi eyam kuman amun tongon indo eyam pamenyau sampai nuk penang lrongo hawi kabiasaan tatu umbuh jo tanamik indo. ⁴ Mba, amun ulrun-ulrun Yahudi jijo lromut bara unuk umum, indo eyam ahkan kuman sajaham menyau lrongo. Toko aro kabiasaan bokon'e indo tanarima unuk ahkan tanamit koro pamenyau cawan-cawan, kendi-kendi, mba bejana-bejana tembaga. ⁵ Umot jo, ulrun-ulrun Farisi mba ahli-ahli Taurat ngisok Yesus, "ombai murid-murid-Mu eyam borum manumun kabiasaan tatu umbuh, tapi malah kuman roti dengan lrongo jo kotor ?" ⁶ Yesus mander ahkan indo, "Yesaya bapander dengan sabujur mangana iko jo munafik, kolro je tanulis: 'Bangsa ihi mahormat Aku dengan biwih indo, tapi atoi indo macu bara Aku. ⁷ Indo manyembah-Ku dengan sia-sia hawi mangajar ajaran parintah-parintah jo tanapa kalrunon.' ⁸ Sambil eyam paduli peteh Hatalla, iko kuat namit kabiasaan kalrunon. ⁹ Limbas, Yesus mander hino ahkan indo, "dengan kapitar iko ngambere parintah Hatalla sapai tou nahan kabiasaanmu bongoi. ¹⁰ Hawi, Musa bapander, 'Hormati amaimu mba inaimu'; mba, 'iyai bewei jo ngutuk amai'e, atawa inai'e halrus kana hukum matoi.' ¹¹ Tapi, iko mander ico biti jo mander ahkan amai'e atawa inai'e, 'narai jo kanguntung ahkan iko dinun bara ku iyo jo kurban, yo jo persembahan,' ¹² limbas, iko eyam hino mangijin iyo napa narai bewei ahkan amai'e atawa inai'e, ¹³ dengan konoi iko jadi ngambarang peteh Hatalla dengan kabiasaanmu jo jadi kana waris. Mba iko manapa aro hai jo kolro ihi." ¹⁴ limbas, Yesus naah uras ulrun aro mba mander ahkan indo, "ngonih Aku, iko uras, mba pamaham. ¹⁵ Eyam toko aang kia bara luar kalrunon jo tame suang beti e jo dinun mangotor'e, tapi hal-hal jo balrua bara kalrunon jo mangotor e." ¹⁶ "Amun ico beti ngina pinding ahkan ngonih, biar iyo ngonih!" ¹⁷ Limbas, metuh Yesus tame nuk lropo mba notah ulrun-ulrun jijo, murid-murid-E ngisok umba-E mangana parabasai jijo. ¹⁸ Mba, iyo mander ahkan indo, "Inon iko hino eyam mangerti? Eyam iko taai manganai narai bewei jo balra luar tame nuk suang kalrunon eyam ahkan mangotor'e? ¹⁹ Hawi, jo tame jijo eyam tame nuk suang atoi'e, tapi butui'e, mba limbas balrua nuk suang jamban." (Mba salanjut, Yesus manyata uras panginan Halal.) ²⁰ Limbas Iyo bapander, "narai jo balrua bara kalrunon jo mangotor'e. ²¹ Hawi, bara suang, bara atoi kalrunon, lromut pikiran-pikiran jahat, dosa-dosa seksual, panako, pamunu, ²² perzinaan, sarakah, kajahat naparik daya, hawa nafsu, atoi bahilri, fitnah, kasombong, mba kabareh. ²³ Uras jijo jahat lromut bara suang kalrunon. ²⁴ Bara unuk jijo, Yesus monyun mba buho nuk wilayah Tirus mba Sidon. Mba, Iyo tame nuk ico lropo mba eyam kani toko ulrun jo taai, tapi Iyo eyam tou luput bara perhatian. ²⁵ Salrenga sajadi mangonih mangana Yesus, ico ulrun bawi jo anak bawi'e sanyalrung roh jahat lromut mba sujud nuk paan Yesus. ²⁶ Bawi jijo yo noh ulrun Yunani, lahir nuk Siro-Fenisia. Iyo nyawot umba Yesus ahkan ngambuho setan jijo balrua bara anak'e. ²⁷ Limbas, Yesus bapander umba bawi jijo, "Biar anak-anak'e bosuh paling holru. Hawi, eyam pios ngomin roti tepun anak-anak mba nyakah e umba asu-asu." ²⁸ Ahkan tapi, bawi jijo mutah mba bapander umba Yesus, "bujur, Tuhan. Tapi, asu-asu jo toko nuk pinda meja mahi kuman remah-remah'e anak-anak jijo." ²⁹ Limbas, Yesus bapander umba bawi jijo, "hawi iko mander ihi, iko tou buho. Setan jijo jadi notah anakmu." ³⁰ Limbas, bawi jijo halrulri nuk lropo mba nambarung anak'e lagi naparing nuk uhkan tiruh, mba setan jijo jadi buho. ³¹ Limbas, Yesus balrua hino bara wilayah Tirus mba buho nakalro Sidon nokuh nuk danau Galilea, nuk wilayah Dekapolis. ³² Limbas, indo ngomin ahkan Yesus ico beti badengen jo bahlri bapander. Indo nyawot umba Yesus ahkan ngina lrongoi-E diang ulrun jijo. ³³ Limbas, Yesus ngonin ulrun jijo bongoi bara kupulan ulrun aro. Iyo patame barawai lrongoi-E nuk suang tahlringai ulrun jijo, mba sajadi ngaruca, Iyo manjamah jolra ulrun jijo. ³⁴ Limbas, Yesus ngatara nuk diang lrangit, Iyo narik tahasong mba bapander, "Efata!", arti'e "Tabukar!" ³⁵ Metuh jijo kia, tahlringai ulrun jijo tabuka, potong nuk jolra'e takuka, mba Iyo bapander dengan jelas. ³⁶ Limbas, Yesus ngambaja ilro mangesah kajadian jijo ahkan iyai bewei. Ahkan tapi, samakin Iyo ngambaja ilro, ilro jajuan mangesah'e. ³⁷ Ilro bujur-bujur cangang mba bapander, "Iyo jadi manapa ulras aang jo pios. Iyo malah napa ulrun badengen mangonih ulrun bisu bapander."