¹ Limbas jo, Yesus tulrak mba sapai nuk kota asal'E. Uras murid-murid umba Iyo. ² Metuh ondo sabat ahkan lromut, Yesus napara ngajar nuk Sinagoge, metuh aro ulrun jo ngonih e toko ngomo cangang mba mander, "Bara amoh iyo dinun ulras hal jo? Pintar harati inon jo kana tonga umba iyo e koro mujizat-mujizat koro ijo tonapa nuk lrongoi e? ³ Bokon'e Iyo jo tukang kaju, anak Maria, mba pahari Yakobus mba Yoses mba Yudas mba Simon? Bokon jo pahari-pahari bawi e jo toko nuk otoi umba ito?" Limbas, ilronyoho jo eyam manarima Iyo. ⁴ Limbas jo, Yesus mander ahkan indo, nuk amoh-amoh ulrun kana hormat jo ulrun nabi, suali jo unuk e bongoi, mba jo pahari bongoi, mba nuk lropo e jo bongoi." ⁵ Maka, Yesus eyam tou ahkan napa mujizat nuk anai, suali ngatang lrongoi e nuku diang metuh tongai mondam ilrokana sanyaka. ⁶ Mba iyo jo cangang ombai eyam kana parcaya indo. Limbas jo, Iyo tulrak ngaliling nukku lrowu-lrowu palus ngajar. ⁷ Limbas jo, Yesus manaah duo balras murid mba napara mangirim ilrobaduo-duo beti, metuh tanonga ahkan ilrokuasa mba diang roh-roh najis. ⁸ Limbas jo, Iyo maretah umba ilroahkan ilroeyam ngonin jo inon-inon nukku suang jalran e, suali tongkat, eyam tou ngonin roti, tas, duit jo toko suang potong kahang indo, ⁹ tapi tou ih hapa sandal asal ara hapa duo pakaian. ¹⁰ Limbas jo, Yesus mander ahkan indo, "Nukku amoh-amoh iko tame lropo, mocon e nuk anai sapai iko balrua bara suang anai. ¹¹ Metuh jo toko unuk eyam manarima iko mba eyam mangonih iko metuh iko tulrak. Ngarasih'e debu bara paammu ijo ahkan kesaksian ahkan indo." ¹² Limbas, ilromba mangesah ahkan ulrun-ulrun harus batobat. ¹³ Maka, ilromangabuho alro otu mb mangasak aro ulrun mondam jo hapa minyak-minyak ahkan ngapios indo. ¹⁴ Mba, Raja Herodes toko mangonih'E, hawi alran Yesus jadi kataan ulrun aro, limbas ulrun mander, "Yohanes, jo ngaponus umot kokat bara jo ulrun matoi, maka mujizat-mujizat jo bagawi nuk suang Iyo." ¹⁵ Tongai mander, "Iyo jo Elia." Limbas jo, tongai mander, "Iyo jo ulrun nabi, ijo bara kawan nabi." ¹⁶ Ahkan tapi, metuh Herodes mangonih hal jo, iyo mander, "Yohanes, limbas umot aku notok kuhung'E. Umot kana kokat'E!" ¹⁷ Jadi, Herodes bongoi jo tou nyuhu ulrun mba marintah ahkan nawan Yohanes, mba masung'e nuk suang panjara demi Herodias, oruh pahari jo bakas'e, Filipus, hawi Herodes jadi ngawin umba Herodias. ¹⁸ Hawi jo, Yohanes pira kali mander umba Herodes, "Eyam pios iko ngomin oruh paharimu." ¹⁹ Limbas jo, Herodias mangina iri taharep Yohanes metuh kani munu'e, tapi iyo eyam tou. ²⁰ Hawi, Herodes mikoh umba Yohanes umot iyo taai hawi Yohanes iyo jo ulrun pios mba ulrun suci, mba Herodes ngalindung'e. Metuh Herodes mangonih Yohanes, iyo manjadi bingung, tapi Herodes hanjak mangonih Yohanes. ²¹ Limbas, lromut ondo jo tepat,hawi Herodes pas ondo ulang tahun'e mangada parayaan-parayaan kuman ahkan kawan pejabat isung'e kawan perwira mba ketua-ketua Galilea. ²² Limbas anak bawi Herodias tame mba menari, iyo ngahanjak Herodes mba ullrun jo tuot umba'e, raja mander umba gadis jo, "Hyawot narai jo iko kani nain aku nonga ahkam'e." ²³ Mba, Herodes basupah umba'e, "Inon jo sanyawotmu mba aku, ahkan aku nonga ahkammu, biar sapai tongai bara karajaanku. ²⁴ Mba, gadis jo buhou mba pander umba inai'e, "Aku harus nyawot inon?" inai'E mutah, “Kuhung jo Yohanes Pembaptis.” ²⁵ Mba, metuh jo hino dengan jake-jake, gadis jo lromut umba raja mba mander, "Aku kani wayah ihi kia iko nonga akakku kuhung Yohanes Pembaptis diang talam." ²⁶ Limbas jo, raha manjadi puna sedih, tapi limbas supah mba ulrun-ulrun jo kuman umba'e, iyo eyam kani manolak gadis jo. ²⁷ Limbas, raja tarus mangirim ulrun algojo dengan maretah ahkan ngonih kuhung Yohanes, limbas algojo jo tulrak mba manotok'e kuhung Yohanes nuk panjara. ²⁸ Limbas jo, iyo ngonin kuhung Yohanes nuk diang talam mba nonga'e kuhung Yohanes ahkan gadis jo, mba gadis jo nonga'e umba inai'e. ²⁹ Mba, limbas metuh murid-murid Yohanes mangonih'e ilrolromut mba ngonin biti Yohanes mba manginae nuk suang kubur. ³⁰ Limbas, kawan rasul hakupul umba dengan Yesus mba pamara umba’E inon jo umot ilronguai mba inon jo umot ilroajar. ³¹ Mba, Yesus mander umba indo, "Ayu buho ngau arop nokuh unuk jo benyem mba istirahat nyahulu." Hawi, toko aro ulrun jo lromut mba tulrak, mba kare kuman ilroeyam sapet. ³² Limbas jo, Yesus mba Murid-murid buho ngacu arop umba arut nokuh unuk jo benyem. ³³ Ahkan tapi, ulrun aro noto ilrotulrak mba kataan ilro mba ulrun aro jo nakoru homboh-homboh nakaro jalran diang bara uras kota, mba lromut nuk anai ngaholru Yesus mba kawan murid'E. ³⁴ Metuh Yesus tulrak nokuh salran danau, iyo noto kolro I aro ulrun, mba iyo ngomo ngasi umba ilrohawi ilrokolro domba jo eyam toko gembala. Maka,Yesus napara majar ilroaro hal. ³⁵ Metuh ondo napara ngalromi, murid-murid Yesus lromut umba Yesus mba mander, "Unuk hi unuk jo benyem mba jadi tohun ngalromi. ³⁶ Nyuhu'e ilrotulrak nokuh daerah sakaliling mba nokuh desa-desa supaya ilromolri aang jo tou kana ukun." ³⁷ Ahkan tapi Yesus mutah, “Noh jo nonga ilrokuman.” Mba ilromander umba'E "Haruskah ihkai tulrak mba molri roti lrekai duo lratus dinar mba tanonga'E ahkan ilrokuman?" ³⁸ Yesus mander umba indo, "Toko pira roti jo toku umba iko? Tulrak mba notoe! " Turus ilromangataai'e ilromander, “lrimo roti mba duo ocin." ³⁹ Limbas, Yesus marentah ilrouras ahkan ndo tou tuoot suang kumpulan-kumpulan nuk diang uru bahijau. ⁴⁰ Ulrun aro jo tuot bakumpulan, toko jo saratus ulrun mba toko jo lrimo puluh ulrun. ⁴¹ Limbas jo, Yesus ngomin lrimo roti mba duo ocin noto nuk langit Iyo mangucap syukur mba musit-musit roti jo, limbas, Iyo nonga’e mba murid-murid'E ahkai nyurung ahkan ulrun aro. Iyo kia mambagi-bagi duo ocin jo umba ulras ulrun. ⁴² Mba, ilroulras kuman sapai bosuh. ⁴³ Limbas, ilrongomin duo balras banjai jo tuwi mba tisai-tisai roti mba ocin. ⁴⁴ Mba, toko lrimo lribu jo bakas jo kuman roti. ⁴⁵ Limbas jo, Yesus turus marentah murid-murid'E jakat nokuh arut mba tulrak ngahoru'E nuk pohoi, nuk Betsaida, sapendehan Iyo manyuhu ulrun aro jo buho. ⁴⁶ Umot bapamitan umba indo, Iyo tulrak nokuh kolrong ahkan badoa. ⁴⁷ Metuh sanja ngalromi, arut unuk tohun danau, mba Yesus bongoi nuk darat. ⁴⁸ Mba, umot noto murid-murid'E ngawus umba susah payah hawi bahi ngamusik hakalrawan arah umba indo. Kilra-kilra pas jam jaga ngalromi ko opat, Yesus nokuh ilroumba nyalran nuk diang danau mba Iyo kani manyalran nakalro indo. ⁴⁹ Ahkan tapi metuh ilronoto Yesus Manyalran nuk diang danau, ilrosangka Iyo jo kambe, limbas jo ilrongariak, ⁵⁰ metuh ilroulras noto Yesus mba mikoh, ahkan tapi, Yesus turus pander umba indo, mba mander umba indo, "Tenang ih ihi aku! Ara mikoh.” ⁵¹ Limbas jo, Iyo nukat homboh ilronokuh arut, mba bahi jo manjadi tondo, mba ilrocangang. ⁵² Hawi, ilromasih eyam mangataai mangana mujizat lrimo roti jo metuh atoi ilromasih dikraskan. ⁵³ Mba, umot Yesus mba Murid-murid'E nokuh pohoi, ilromandarat nuk tana Ganesaret mba balabuh. ⁵⁴ Metuh, ilromuhun bara arut, ulrun-ulrun turus mangana Yesus, ⁵⁵ mba nakolru nokuh uras daerah jo mba napara ngomin ulrun-ulrun mondam nuk diang tilam, nuk amoh bewei ilromangonih mangana unuk Yesus. ⁵⁶ Maka, nuk amoh bewei Yesus tame nuk desa-desa, kota-kota, daerah-daerah nuk sakitar'e, ilromakalring ulrun-ulrun mondam nokuh unuk karami mba nyawot umba'e mangat ilrotou manjamah ujung jubah'E. Mba iyai bewei jo nuki Jubah'E manjadi barigas.