¹ Hocok noh ilro unuk pohoi danau, nuk daerah ulrun-ulrun Gadara. ² Umot jo Yesus masuluh bara arut, nyalenga toko ulrun bara kuburan jo sanyarupang Roh jahat nokuh Yesus. ³ Iyo mocon unuk suang kuburan-kuburan. Maro ico beti jo sanggup motong yo hino, sapai mba ratai. ⁴ Gawi, yo jadi racak kana potong umba pasung, tapi iyo matot ratai mba matot pasunge. Maro ico beti jo ulih ngalinok yo. ⁵ Sinong ondo mba sohit iyo ngariak nuk kuburan mba korong-korong mba ngaporos arope umba batu. ⁶ Metuh ulrun jo noto Yesus bara macu, iyo nakoru mba sujud nuk taharep Yesus. ⁷ Umot jo sambil ngariak umba suara nyaring hiyoi pander, "Narai urusanMu mba aku, Yesus anak Hatalla jo mahakatung? Aku nyowot bara iko diang aran Hatalla ara ko ngapolros aku!" ⁸ Gawi jo, Yesus jadi mander akai, "Balrua bara ulrun ihi, hai roh jahat!" ⁹ Umot jo, Yesus ngisok arai e jo, iyai aramu?" Mba iyo mutah, araku Legion gawi ikai aro." ¹⁰ Iyo baulang kali nyawot mba Yesus mangat eyam ngambuho ilro bara ajo. ¹¹ Unuk anai toko kupulan kawan urak honong kuman doni Korong. ¹² Umot jo, roh-roh jahat jo nyawot umba Yesus mba pander, "Nyuhu ikai tame nuk suang urak-urak jo." ¹³ Yesus manumun auh e jo. Gawi jo roh-roh jahat jo tulak mba name nuk urak-urak. Kupulan jo kira a duo lribu karoi ejo nakoru nuk salran ruak sapai suang danau mba matoi buseng. ¹⁴ Limbas jo, kawan panjaga urak jo ngambuho arop mba marae nuk kota mba nuk lowu. Mba ulrun-ulrun ahkan noto narai jo jadi manjadi. ¹⁵ Umot jo, ulrun-ulrun jo nokuh Yesus mba noto iyo jo enih sanyarupang roh jahat,jo tepun legion, honong tuot, jadi bapakayan mba iyo halulri waras. Mba ilro manjadi mikoh. ¹⁶ Umot jo ilro jo noto kajadian jo, ngesah ahkan ulrun-ulrun bakoro jo tou manjadi umba ulrun jo sanyarupang roh jahat mba mangan urak-urak jo. ¹⁷ Gawi jo,ultun-ulrun napara nyawot Yesus notah daerah ilro. ¹⁸ Umot jo, metuh Yesus kani jakat arut, ulrun jo sanyarupang roh jahat jo enih, nyawot akai tou umba Yesus. ¹⁹ Tapi, Yesus eyam numun aoha malah yo pander umba ae, "Buli umba kaluargamu. Mara ahkan ilro uras, narai jo jadi kanguan Tuhan akamu. Bahwa Hatalla manyayang iko." ²⁰ Umot jo, ulrun jo tulak mba napara ngesah ahkan ulrun-ulrun nuk Dekapolis mangana uras jo jadi Yesus nguan akai mba uras ulrun manjadi cangang. ²¹ Metuh Yesus ngapohoi hino nokuh pohoi hapa arut, aro arut ulrun doni. Iyo mba Iyo toko nuk saran danau. ²² Umot jo, toko katua Sinagoge araie Yairus lromut mba sajadi noto Yesus, Iyo sujud nuk paal-E. ²³ Mba, iyo nyawot dohop tou umba Yesus, hiyoi, "Anak bawiKu jo koik manyo matoi lromut mba nikas lrongem munuk diange akai tou barigas mba borum." ²⁴ Limbas jo, Yesus tulak humba Yairus toko konoi karon ulrun jo nganyak Yesus mba ngarumbung Yo. ²⁵ Mba, toko run bawi jo pandarahan duo balras toun katahi. ²⁶ Iyo jadi pira kali kana saka gawin aro tabib mba jadi parua uras narai jo toko umba iyo, tapi maro gunai malah nambah kaparah-e. ²⁷ Sajadi ngonih mangana Yesus Yesus, bawi jo noku Yesus bara lrikut nuk tohun-tohun karumbung ulrun mba uki jubah'E. ²⁸ Hiyon bawi jo, "Asal ku nuki jubah'E, aku barigas." ²⁹ Metuh jo kia pandarahan’e jo tondo mba iyo ngome beti barigas bara panyakit yo. ³⁰ Yesus ngataai bara arop'E bongoi toko kuasa joa balrua bara Iyo. Iyo noto lrikut nuk karumbung jo mba pander: "Iyai jo nuki jubahKu?" ³¹ Hiyon murid-murid Yesus umba Iyo. Iko noto karumbung ulrun haseke. Iko mba pander iyai je nuki-Ku?" ³² Limbas jo, Yesus noto Sakaliling ahkan noto iyai jo nguan jo. ³³ Tapi, limbas jo ngataan narai jo jadi manjadi umba arope, bawi jo manjadi mikoh mba nocot. Iyo lromut mba sujud taharep Yesus mba mara umba Yesus uras kabujure. ³⁴ Umot jo, Yesus pander umba bawi jo, "Anak-Ku, Imanmu jo jadi nyalamat iko. Tulak suang damai sejahtera mba barigas bara panyakitmu.” ³⁵ Metuh Yesus honong pander, lromut tongai ulrun bara lropo katua Sinagoge jo pander, "Anakmu jadi matoi, ambai nulro nganderoh guru, ³⁶ tapi Yesus eyam kani ngonih narai auh'e. Iyo pander mba katua Sinagoge jo, "Ara mikoh, parcaya ie." ³⁷ Umot jo, Yesus eyam nyuhu biar ico beti ulrun nganyak Iyo suali Petrus, Yakobus, mba Yohanes, paharian Yakobus. ³⁸ Umot jo ilro hocok lropo katua Sinagoge jo, mba Iyo noto kasabak, mba ulrun-ulrun manangis kia maratap umba suara nyaring. ³⁹ Umot jo, metuh Yesus tame, Iyo pander umba ilro, "Ombai sabak mba manangis? Anak jo eyam matoi, tapi honong tiruh." ⁴⁰ Tapi ilro mangatao Yesus. Tapi, Iyo nyuhu ilro uras balrua mba Iyo ngonin amai mba inai anak inyam jo mba ulrun-ulrun jo humba Iyo, umot jo tame ruangan unuk anak inyam jo. ⁴¹ Umot jo tanamit'E lrongon anak inyam jo mba Iyo pander "Talita Kum!" (Artie, "Gadis koik, Aku pander umba iko, Kokat!") ⁴² Anak bawi jo salrengan tomok mba napara nyalran-nyalran, gawi umur'e duo balras toun, mba alro ngomo salrenga tacangang. ⁴³ Umot jo, Yesus nongan parintah tegas umba ulrun bakas anak inyam jo ara sapai ico beti ulrun ngataan mangana ihi mba mara umba ilro nonga anak inyam jo kuman.