¹ Sino hino, Yesus ngajar unuk salran danau. Ulrun alro ngarumbung Yesus sapai ilro tuot unuk suang arut unuk danau jo. ² Yesus ngajar ilro jo ijo kakalron parabasai. Suang pangajaran ai-E, ilro rih mander ahkan ilro, ³ "Ngonih ah! Toko ulrun ico biti manawur. ⁴ Pas ilro rih metuh manawur, tongai bibit jo manjatu unuk salran jalan, kawan bulrung jo rumut nutuk sambil kumai ah. ⁵ Tongai ah manjatu unuk diang batu jo eyam alro tana.bibit jo capat nyuruh hawi tana ah eyam timbon. ⁶ Metuh matan ondo napara barasut, kamburan jo papui hawi eyam malro uhat ah,kamburan jo jadi tojah. ⁷ Tongai ah manjatu unuk betuk ruwut duhi. Jadi, ruwut duhi jo nyuruh sambil ngahapit bibit jo sapai matoi, jadi bibit jo eyam tou mua. ⁸ Tapi, toko kia jo manjatu unuk tana jo pios jo tou mua, nyulruh, mba batambah hajo, sapai tou nonga tolru pulruh kali lipet, jahawen pulruh kali lipet, bahkan tou sapi salratus kali lipet. ⁹ Yesus bapander, "Iyai jo toko ngina talringai ahkan ngonih,biar ilro rih ngonih!" ¹⁰ Pas Yesus bongoi ah, ulrun jo ngalrumbung ilro rih, umba kawan duo balras murid, ngisok ilro rih parabasai-parabasai ji jo. ¹¹ Limbas ilro rih mutah auh indo, "Rahasia Karajaan Hatalla jadi nonga ku akam. Tapi ahkan ulrun bokon pamander suang parabasai-parabasai, ¹² mangat, biar ilrotou noto, ilro noto tapi eyam ilro kataai; biarpun ilro tou ngonih, ilro ngonih tapi eyam mamaham ah, mangat ilro eyam tou batobat mba kana ampun." ¹³ Limbas Yesus mander akan indo, "Eyam kah iko ngerti parabasai ihi? Bakoro tou iko ngerti paribnasai ji jo? ¹⁴ Panawur jo manawur peteh Hatalla. ¹⁵ Ilroji jo, ulrun-ulrun jo batahak unuk salran jalran unuk peteh Hatalla jo tanawur. Pas ilrongonih, otu capat ngarambet peteh Hatalla ahkan indo. ¹⁶ Konoi kia, ilrojo tanawur unuk tana jo babatu, ulrun-ulrun ngonih peteh Hatalla sarenga narimaah bara atoi jo sanang. ¹⁷ Tapi, ilroeyam bauhat unuk bitin ro tapi sanjulru ih. Limbas, metuh lromut jo bahari mba siksaan hawi peteh Hatalla jo, inso sarengan batahak. ¹⁸ Tongai, batahak unuk lrowut jo baduhi. Ilro rih jo ulrun-ulrun ngonih peteh Hatalla. ¹⁹ Tapi ilrokuatir dunia, mba kana huang ilroahkan kakalro harta, ahkan kakanin-kanin ro unuk peteh Hatalla mba ngahapit sapai ilro rih jo eyam ngahasil bua. ²⁰ Tapi, ilrojo tongai tanabur unuk tana jo pios, sapai tou nonga hasil jo tou mua, sbagian tou sapai tolru pulruh kali lipet, jahawen pulruh kali lipet, bahkan tou sapi saratus kali lipet. ²¹ Umot jo, Yesus mander ahkan indo, "En ilrongonin sumbu akan ngina unuk pinda katang mun yam ngina nuk pinda mu tiruh? Mun iyam sumbu jo kangina unuk diang paan sumbu? ²² Hawi, eyam malro sanyuhuk jo ahkan pamander. Limbas jo, eyam malro rahasia hawi jo hal pamara. ²³ Amun toko ulrun ngina tahringai ahkan ngonih, ayu ih yo ngonih!" ²⁴ Limbas, Yesus mander ahkan ilro, "Naliti ah narai jo kangonihmu. ukuran jo kana hapam, ahkan kana mangukur, unuk jo ahkan ukur akammu mba toko hino ahkan tanambah ahkam. ²⁵ Hawi iyai toko ngina, ilro rih ahkan tanonga hino, tapi iyai jo eyam malro, narai sino jo toko unuk ilro rih ahkan kangonin bara ilro rih." ²⁶ Limbas jo, Yesus mander, "Karajaan Hatalla koro ulrun manawur bibit diang tana. ²⁷ Panawur jo monyun hondo mba ngalromi bibit jo palrua tangkoi mba nyulruh. Panawur jo eyam taai kajadian ah. ²⁸ Bua jo ngahasil unuk tana jo bongoi e. Taparai tongkai limbas jo bewak jo, pas bulir gandum unuk suang bulir jo. ²⁹ Metuh bewak-bewak gandum jo mosak, ulrun jo sarenga notok hawi hocok ondo e ngambua." ³⁰ Limbas jo, Yesus bapander, "Bara narai ihto ngambanding karajaan Hatalla? Parabasai narai jo noto ito ngambanding e? ³¹ Karajaan Hatalla jo koro bewak sawi jo tanawur unuk diang tana, biar jo bewak jo paling koik bara uras bewak jo toko unuk dunia, ³² tapi pas tanawur, bewak jo ahkan nyulruh mba tambah hajo uras kamburan jo toko unuk kabun jo, mba palrua pating-pating hajo sapai bulrung-bulrung jo toko unuk diang tou napa kasalran unuk ilronyingo e." ³³ Mba mahapan alro parabasai koro jo, Yesus manyapai peteh Hatalla ahkan indo, sasuai jo tou ilrongonih. ³⁴ Ilro rih puji pander ahkan ilroparabasai, tapi Ilro rih manjelas ahkan murid-murid E. ³⁵ Mba, metuh ondo jijo, metuh sanja Yesus mander ahkan murid-murid ah, "Ayu ito buhou nokuh pohoi danau." ³⁶ Pas notah ulrun alro jijo, ilrongonin Yesus hayak ilrolrupat nuk arut uhkan Yesus toko. Mba, arut-arut jo bokon umba ilro rih. ³⁷ Limbas, toko bahiu topan jo puna hebat mba galombang hajo nahopas arut sapai kangutep hawin danum. ³⁸ Tapi, Yesus toko unuk kamulri kapal tiruh diang batal. Maka, ilrongamonyun ilro rih mba mander ahkai e, "Guru, eyam paduli ko mun itu opah matoi?" ³⁹ Limbas jo, Yesus monyun ngarahang bahiu, mander ahkan laut, "Tonih! Tenang ih!" Maka, bahin jo puna tenang. ⁴⁰ Limbas, ilro rih mander ahkan indo, "Ombai ihko mikoh? En iko jaham ngina iman?" ⁴¹ Ilro puna mikoh mba bapander ico umba jo bokon, "Iyai ilro rih ihi? Sapai bahiu balrowut mba laut jo uras patuh umba ilro rih !"