¹ Mba,Yesus tame hino unuk Sinagoge mba anai toko urun jo cacat lrongoi silrai ah. ² Ilro nganyak Yesus akan noto en ilro rih jo akan manyaka urun jo pas ondo sabat mangat ilro dinun nuduh ilro rih. ³ Jo,Yesus mara akan urun jo longoi ah cacat silrai jo, "Tombok anan betuk-betuk." ⁴ Limbas,Yesus mara akan ilro,"En tou berbuat baik atau berbuat jahat pas ondo sabat? Nyalamat tahasong en munu?" Tapi, ilro tonih. ⁵ Umot jo, Yesus napayah balikat ilro sambil basingi. Ilro rih puna sedih diang kamahang atoi ilro. Limbas jo,Yesus mara akan urun jo lrongoi ah cacat silrai jo,"Nonga rongommu." Jadi, urun jo nonga rongo ah, jadi lrongoi jo palrus barigas. ⁶ Hawi jo, urun-urun Farisi capat buno, jadi napara sakongkol umba urun-urun Herodian jo ngalawan ilro rih en kolro cara munu ilro rih. ⁷ Tapi, Yesus ngacu arop E bara murid-muridE ukan Danau, mba kakaren kanajoi urun bara wilayah Galilea nganyak ilro rih, mba bara Yudea, ⁸ bara Yerusalem, Idumea, daerah silra sungoi Yordan, mba hino bara sakitar Tirus mba Sidon, aro urun metuh ngonih uras jota napa Yesus, lromut akan ilro rih. ⁹ Hawi aro urun ijo, Yesus mander ahkan murid-muridE mangat nyiap ico arut akai, ahkan ilro eyam maksa ilro rih. ¹⁰ Awi Yesus jadi manyaka urun aro, maka urun aro jo polros panyakit tarus haseke mangat tuo doni ilro rih. ¹¹ Mba, metuh roh-roh jo eyam pios noto Yesus, ilro nunduk taharep ilro rih mba ngariak, "Ilro rih jo anak Hatalla!" ¹² Tapi,Yesus baja ilro ahkan mara iyai ilro rih. ¹³ Limbas, Yesus nukat unuk kolrong mba mangit urun-urun jo ilro rih kani ahkan umba ilro rih, ilro gin lromut ahkan ilro rih. ¹⁴ Ilro rih mensahkan duo balras urun sapai ilro dinun hayak mba ilro rih ilro rih tou nyuhu ilro ahkan ngotbah, ¹⁵ mba nonga kuasa ahkan ngambuho otu-otu. ¹⁶ Yesus mensah dou belas urun ijo: Simon(jo tanonga Yesus arai ah Petrus), ¹⁷ Yakobus, anak Zebedeus, mba Yohanes, paharin Yakobus (jo tanonga Yesus arai ah Boarneges, arti ah "Anak-Anak guruh"), ¹⁸ Andreas, Filipus, Bartolomeus, Matius, Tomas, Yakobus anak Alfeus, Tadeus, Simon urun Zelot, ¹⁹ mba Yudas Iskariot jo eyam satia umba ilro rih. ²⁰ Limbas, urun aro jo, urun haluli hakupul unuk anai sapai Yesus mba murid-murid jo hawi eyam sapet kuman roti. ²¹ Metuh karabat ilro rih ngonih hal ihi,ilro lromut ahkan ngonin Yesus haluli metuh ilro mander awi ilro rih jadi eyam waras hino. ²² Mba, ahli-ahli Taurat jo masuluh bara Yerusalem mander, "Ilro rih sanyarupang Beelzebul!" Ilro rih ngambuho otu hapa kuasa katua otu." ²³ Awi jo, Yesus naah ilro lromut akai jo, mba mara mahapan kolro jo, "En kolro tou otu ngambuho otu? ²⁴ Amun ico kerajaan basilar, silra ngalrawan arop bongoi,kerajaan jo eyam ulrih batahan. ²⁵ Mba, amun ico lropo basilra ngalrawan arop bongoi, lropo jijo eyam ahkan tou batahan. ²⁶ Amun otu kokat ngalrawan arop bongoi mba basilra-silra, ilro rih eyam ulrih batahan, tapi tamat nai riwayat ah. ²⁷ Eyam maro ico biti dang doun tame ukan lropo urun jo baas mba nako harta banda, suali ilro rih horu motong urun jo baas jo, maka harui ah tou ulrih noko lropo jo." ²⁸ Katuui Aku mander akamu, uras dosa nakinyam karunon tou kana ampun mba hinaan jo ilro mander. ²⁹ Ahkan tapi, iyai jo manghina Roh Kudus eyam ahkan ngampun,malah hawi dosa abadi." ³⁰ Hawi, ahli-ahli Taurat jo mander ilro rih sanyarupang roh najis. ³¹ Limbas jo, inai dolro pahari-pahari Yesus lromut umba tombok ukan luar lropo.ilro nyuhu urun nokuh ilro rih mba mangahau ilro rih. ³² Aro ulrun metuh munduk ngaliling Yesus mba ilro mander akan ilro rih "Noto, inai mu mba pahari-pahariMu toko unuk luar lagi ngurah Iko." ³³ Mba,Yesus mutah ilro mba mander, "Iyai inaiKu mba pahari-pahariKu?" ³⁴ Limbas jo, ilro rih noto urun-urun jo tuot ngaliling ilro rih mba mander, noto, horu ihi inaiKu mba pahari-pahariKu! ³⁵ Awi jo, iyai jo napa kanahuang Hatalla ahkan pahari bakas, mba pahari bawiKu, mba inaiKu."