¹ Katika Yesus muhun bara bukit jite, kumpulan uluh are umba iye. ² Tuntang, ture,uluh je haban kusta dumah aka te, tuntang sujud melai taharep iye, tuntang bapander, Tuan, amun Ikau handak, Ikau tau menahirkan aku." ³ Tuntang Yesus manjuluk lenge te palus manjamah iye, kua te, Aku handak, tahirlah. Metuh te kea, kana tahir lah kusta uluh jite. ⁴ Tuntang, Yesus bapander denga te," Nantuani lah, ela ikau mangesah narai-narai akan eweh bewei, tapi buhau lah, nantuani arep muh akan imam, tuntang parsembahankan lah parsembahan je irentah Musa kilau kasaksian akan ewen." ( Ije Uluh Palayan Perwira Romawi Kana Pakeleh ) ⁵ Katika Yesus tame kapernaum, ije uluh perwira dumah nguang-iye, mamohon denga-te, ⁶ Tuntang bapander," Tuan, hamba kuh metuh menter gawi lumpuh melai huma, tutu mandarita." ⁷ Tuntang, Yesus bapander denga te," Aku akan dumah tuntang mampakeleh iye." ⁸ Tapi, perwira jite manumbah tuntang bapander," Tuan, aku dia layak akan Ikau tame nguang penda sapau kuh, tapi mander ih auh kutak bewei tuntang hamba kuh akan kana pakeleh. ⁹ Gawi, aku kea iye te uluh je tege melai penda kakuasaan, dengan tentara melai penda kuh. Tuntang, aku bapander dengan je ije,' Buhau lah,' iye pun buhau, tuntang dengan je beken,' Dumah lah,' tuntang kea ewen pun dumah, tuntang dengan hamba ayungkuh,' Nguan jituh,' tuntang iye pun manguan jite," ¹⁰ Katika Yesus mahining hal jite, iye kagum tuntang bapander dengan uluh je maumba iye te," Aku mamander je sabujur ah akam muh, Aku hindai hasupa imam sahai jite melai kakare uluh Israel. ¹¹ Aku mamander akam muh bahwa are uluh je akan dumah bara timur dengan barat, tuntang munduk kuman dengan Abraham, Ishak, dengan Yakub huang karajaan Surga, ¹² Tapi anak karajaan jite akan inganan nguang huang kakaput je paling kaput. Melai kanih tege ratapan tuntang auh ngirut kasinga. ¹³ Tuntang, Yesus bapander dengan perwira jite," Buhau lah, nalua ih je terjadi dengam muh kilau je ikau percaya." Tuntang, metuh saat jite kea, hamba-ayu te kana pakeleh. ( Empu Petrus Tuntang Uluh Are Kana Pakeleh ) ¹⁴ Katika Yesus sampai huma Petrus, Iye manampayah empu petrus metuh menter tuntang haban. ¹⁵ Balalu, Yesus manjamah lengen empu petrus jite tuntang kea lasut biti palus nihau. Limbah te, iye hingkat tuntang malayani Yesus. ¹⁶ Katika andau handak hamalem, ewen maimbit aka te are uluh je karasukan Roh jahat, tuntang Iye mampadari roh-roh jite dengan ije auh, tuntang mampakeleh uras uluh je haban pehe, ¹⁷ Akan ingenaplah narai je imander gawi Nabi Yesaya:" Iyelah je manduan kalemahan itah tuntang mananggung panyakit-panyakit itah." ( Manjadi Umba Yesus ) ¹⁸ Metuh tuh, katika Yesus nampayah uluh are kaliling iye, Iye manenga prentah akan mules nguang silan. ¹⁹ Limbah te, ije uluh alhi Taurat dumah tuntang bapander denga te," Guru,aku akan maumba ikau nguang kueh bewei Ikau miar." ²⁰ Tuntang, Yesus bapander denga te kea," Karen rubah mahaga liang tuntang burung-burung melai langit mahaga saranga. Tapi, Anak kalunen dia mahaga eka akan maina kuluk-ayu." ²¹ Ije bara kare murid bapander denga te," Tuhan, nyuhulah aku akan labih helu tulak tuntang mangubur Bapa kuh." ²² Tapi, Yesus bapander denga te kea," Umba ih aku, tuntang nalua ih uluh matei mangubur uluh matei ewen kabuat." ( Yesus Mamparanai Galombang Hai ) ²³ Tuntang, katika Yesus lumpat nguang jukung, murid-murid-ayu maumba Iye. ²⁴ Tuntang, nampayahlah, tege galombang hai melai danau sahingga jukung jite tatutup galombang. Tapi, Yesus masih tiruh. ²⁵ Tuntang, murid-murid ah te manguang Yesus tuntang mampisik-iye, kua te," Tuhan nyalamat ikei! itah metuh binasa!" ²⁶ Tuntang kea, Iye bapander dengan ewen, kilen ikau mikeh, hei ikau je kurang bariman?Balalu, Iye mendeng tuntang menghardik riwut dengan danau jite, tuntang manjadi ranai tutu. ²⁷ Maka, uluh jite hengan tuntang bapander," Uluh macam narai kah Iye tuh, bahkan riwut dengan danau pun tunduk denga-Ayu?" ( Due Uluh Gadara Karasukan Roh Papa ) ²⁸ Katika Yesus sampai silan danau, melai daerah uluh Gadara, due uluh je karasukan roh papa menyupa-iye. Ewen balua bara kuburan dengan tutu ganas sahingga jatun hege uluh je tau manyuru jalan jite. ²⁹ Tuntang, manampayah, ewen mangombak, kua te," Narai urusa ikau dengan ikei, hei Anak Hatalla? En kah ikau dumah akan manyiksa ikei sahindai saat ah?" ³⁰ Tuntang, kejau isut bara ewen tege sekawanan hai bawui je metuh mangau pangina. ³¹ Setan jite balaku denga te tuntang bapander," Amun ikau handak mandari ikei, nyuhu lah ikei pindah nguang karen bawui jite." ³² Tuntang kea, Yesus bapander dengan ewen," Buhaulah!" Balalu, ewen balua tuntang tame nguang eka bawui awang te. Limbah te, uras karen bawui jite pun nangkeru bara tiwing danau tuntang matei melai huang danum. ³³ Uluh je mamanyak kawan bawui jite buhau hadari, tuntang tame nguang huang kota, tuntang mangesah uras ah te, termasuk narai je terjadi dengan uluh je kana rasuk setan jite. ³⁴ Tuntang, nampayahlah, uras kota balua akan supa dengan Yesus. Katika nampayah Yesus, ewen balaku supaya Yesus malihi wilayah ewen.