¹ Limbah tame nguang jukung, Yesus dimpah danau tuntang sampai melai kota-ayu kabuat. ² Tuntang, nampayah, ewen maimbit aka te ije uluh lumpuh je menter melai eka tiruh. Katika manampayah iman ewen, Yesus bapander dengan uluh je lumpuh jite," Kuatkan ateimuh, Anak-Kuh, dosam muh jadi kana ampun." ³ Limbah te, pire-pire ahli Taurat bapander huang atei," Uluh jituh mahujat!" ⁴ Tapi, Yesus mangatawan pikiran ewen, kua te," Kilen ikau mamikir je papa huang atei muh? ⁵ Je kueh kah je labih mangat, bapander,' Dosam muh kana ampun,' atawa bapander,' Hingkat lah tuntang mananjung lah'? ⁶ Tapi, supaya ikau tau mangatawan bahwa melai bumi tuh Anak kalunen barkuasa akan mangampun dosa." Limbah te,Yesus bapander dengan uluh lumpuh jituh," Hingkatlah, angkatlah ekam tiruh kau tuntang buli lah ikau!" ⁷ Palus, iye hingkat tuntang buli. ⁸ Tapi, katika uluh are nampayah hal jite, ewen manjadi takjub tuntang mamuliakan Hatalla je manenga kuasa kilau jite akan kalunen. ( Matius Mangumpul Pajak Maumba Yesus ) ⁹ Katika Yesus buhau bara hete,Iye manampayah ije uluh je kana tehau Matius metuh munduk melai eka pangumpul pajak.Balalu,Yesus bapander denga te,"Umbalah aku." Tuntang, Matius mendeng dan kea maumba Yesus. ¹⁰ Metuh saat Yesus munduk kuman melai huang huma jite, ture, are pangumpul pajak tuntang kea uluh badosa dumah, balalu munduk kuman hayak Yesus dengan murid-ayu. ¹¹ Tuntang, katika uluh farisi manampayah hal jite, ewen bapander dengan murid-murid-ayu," Kilen gurum muh kuman hayak kare pangumpul pajak tuntang uluh badosa?" ¹² Tapi, katika Yesus mahining hal jite,Iye bapander," Ewen je barigas dia perlu tabib, melainkan ewen je haban. ¹³ Tapi, buhaulah tuntang palajarilah narai arti jituh,' Aku handak belas kasihan, beken persembahan,' gawi aku dumah beken akan mantehau je bujur, melainkan uluh je badosa." ( Paisek tentang puasa ) ¹⁴ Limbah te, murid Yohanes dumah nguang Yesus tuntang mamisek," Kilen ikei dengan uluh farisi mangawi puasa, tapi murid-Muh dia puasa?" ¹⁵ Tuntang, Yesus bapander dengan ewen," Dinun kah kare pangiring panganten badukacita selama panganten hatue masih hayak-hayak dengan ewen? Tapi, akan sampai saat katika panganten hatue jite kana duan bara ewen, tuntang limbah te ewen akan puasa." ¹⁶ Jatun hege ije biti uluh pun je manumpang benang je taheta akan pakaian je jadi kupit,gawi tumpangan jite marabit pakaian je kupit tuntang malah hai rabit ah te. ¹⁷ Dengan kea, jatun hege uluh je manakar anggur taheta nguang huang kantong upak je jadi kupit. Amun kilau te, kantong upak jite akan barabit, tuntang anggur te akan batusuh, tuntang kantong upak jite akan lenyuh. Tapi, ewen maina anggur je taheta nguang kantong kulit je taheta hindai sahingga kadue-due tahaga." ( Yesus Mambangkit Tuntang Mampakeleh ) ¹⁸ Sementara jite Yesus mamander hal jituh akan ewen, ture, ije uluh pamimpin huma ibadah dumah tuntang manyembah-iye, tuntang bapander," Anak bawi-Kuh harun ih matei. Tapi, ikau dumah tuntang maina lengem-Muh nguang hunjun-iye, maka iye akan belum." ¹⁹ Balalu, Yesus hingkat tuntang maumba uluh jite, kilau te kea dengan murid-murid-Ayu. ²⁰ Tuntang, manampayahlah, ije uluh bawi je jadi mandarita pendarahan salama due belas nyelu manukep Yesus bara likut tuntang manjapang ujung jubah Yesus, ²¹ Gawi bawi jite bapander dengan arep ah kabuat," Amun aku manigung jubah Yesus bewei, aku akan keleh." ²² Tapi, Yesus mules tuntang manature bawi jite, balalu bapander," Kuatkanlah ateimuh,hei anak-Kuh, imanmuh jadi pakeleh ikau." Sakatika jite kea, kelehlah bawi jite. ²³ Katika Yesus sampai melai huma katua huma ibadah jite tuntang manampayah kare pahimun suling tuntang kumpulan uluh je manampa kahabut, ²⁴ Iye bapander dengan uluh jite," Buhaulah, gawi anak bawi jite dia matei, malainkan metuh tiruh." Tuntang, ewen mambaka Yesus. ²⁵ Tapi, katika uluh are jite jadi kana dari nyuhu balua, Yesus tame palus maimbing lengen anak jite, tuntang anak bawi jite pun palus hingkat. ²⁶ Baarita jite tasebar nguang uras daerah jite. ( Yesus Mampa keleh Due Uluh Je Babute ) ²⁷ Katika Yesus buhau bara hete, due uluh je babute manuntut Iye sambil mantehau iye," Masi ih lah ikei, Anak Daud." ²⁸ Limbah Iye maname huma jite, kadue uluh babute jite manguang-Iye tuntang mamisek dengan ewen," En ikau percaya amun aku tau manampa hal jite?" Ewen bapander denga te"I yuh Tuhan!" ²⁹ Limbah te, Yesus manjamah mata ewen,kua-Te," jadilah akam-Muh manurut imanmuh." ³⁰ Tuntang, tabukalah mata ewen. Yesus dengan tegas mampaingat ewen," Perhatikan lah, ela hege ije uluh pun je mangatawan hal jituh." ³¹ Tapi ,ewen balua tuntang manyampai barita auh Yesus nguang uras daerah jite. ( Yesus Mampakeleh Uluh Je Bisu ) ³² Limbas kadue uluh jite balua, Payahlah, uluh maimbit ije uluh bisu je kana rasuk roh papa akan Yesus. ³³ Salapas jite roh papa jite kana dari, uluh bisu jite pun bapander. Uluh are jite manjadi hengan tuntang bapander," Hal kilau tuh hindai puji gitan intu Israel." ³⁴ Tapi, uluh farisi bapander," iye mandari roh-roh papa dengan panguasa roh-roh papa." ( Are Hasil Panen Isut Pangawi ) ³⁵ Tuntang, Yesus buhau mangaliling uras kota dengan lewu sambil mangajar melai sinagoge-sinagoge ewen, tuntang mangabarkan Injil karajaan, hayak mampakeleh narai macam panyakit tuntang kapehe. ³⁶ Katika Yesus manampayahuluh are jite, Iye mangkeme masi dengan ewen gawi ewen uyuh tuntang halantar kilau domba tanpa tempu ah. ³⁷ Limbah te Iye bapander dengan murid-Ayu," Sabujur ah,hasil panen itah ware, tapi kawan pangawi ah te isut." ³⁸ Gawi jite, balaku dengan Tuhan je tempun panen, akan mangirim pangawi huang panen itah tuh."