¹ "Ela manghakimi supaya ikau dia kana hakim. ² Gawi dengan mahakim je ikau inguna akan mahakim, ikau akan kana hakim, tuntang dengan ukuran je ikau mahapa akan maukur akan kana ukur akam te. ³ Tuntang, mbuhen ikau manampayah rutik kayu melai mata paharim muh, tapi dia katawan balok je tege intu matam muh kabuat? ⁴ Atawa, kilen ampi tau ikau bapander denganpaharim muh,' Nduem ih aku mampalua bara matam muh,' tapi payah, tege balok melai matam muh kabuat? ⁵ Hei, uluh munafik, palua lah helu balok jite bara matam muh, tuntang limbah te ikau akan manapayah dengan jelas akan mampalua rutik kayu bara mata paharim muh. ⁶ Ela manenga ramu je Kudus akan Asu, ela kea manjakah mutiaram nguang taharep bawui supaya ewen dia manijak jite dengan pain ewen tuntang haluli mangkarap ikau." ( Laku ih,Ngau ih, Tuntang Ngatok Ih ) ⁷ "Laku ih, tuntang hal jite akan inenga akam mu. Ngau ih, tuntang ikau akan mandinu. Ngatok ih,tuntang hal jite akan kana buka akam mu. ⁸ Gawi, satiap uluh je balaku, iye akan manarima, tuntang uluh je mangau akan mandinu, tuntang kea akan iye je mangatok akan kana buka. ⁹ Atawa, eweh kah bara antara ikau, tuntang amun anak ayu balaku roti iye manenga batu akan anak ayu te? ¹⁰ Atawa, amun anak ayu balaku lauk, iye dia akan manenga handipe akan anak ayu te, beken? ¹¹ Jadi, amun ikau je jahat tawan kilen ampi manenga anak-anakmuh je bahalap, salabih hindai Bapamuh je melai surga, Iye akan manenga je bahalap akan ewen je balaku denga-Te." ( Hukum Je Sulak Tamparan ) ¹² "Gawi jite, uras je ikau handak uluh manguan akam muh, limbah te kea ikau manguan akan ewen gawi jite lah isin Hukum Taurat tuntang kitab kare nabi." ( Jalan Manuju Pambelum ) ¹³ "Tame ih nyuru gerbang je kurik gawi kahain gerbang tuntang kahain jalan je manuju nguang kahapus, tuntang hege are uluh je tame manyuru hete. ¹⁴ Gawi, kurik ih gerbang tuntang sasak jalan je manuju akan pambelum, tuntang isut uluh je manyupa jalan te." ( Mapaingat Tentang Nabi-Nabi Palsu ) ¹⁵ "Namun, bajaga-jaga ih tahadap nabi-nabi palsu je dumah akam muh dengan bapakaian domba, tapi sabujur ah ewen iye te sarigala-sarigala je basiak. ¹⁶ Bara bua te lah ikau akan mangasene ewen. Tau kah uluh mangumpul bua-bua anggur bara parak uru je baduhi tuntang bua-bua ara bara kare taluh imbul je baduhi te? ¹⁷ Limbah te kea, satiap batang kayu je bahalap mahasilkan bua je bahalap, tapi batang kayu je dia bahalap mahasilkan bua je dia bahalap. ¹⁸ Batang kayu je bahalap dia mungkin mahasilkan bua je dia bahalap, tuntang batang kayu je dia bahalap dia mungkin mahasilkan bua je bahalap. ¹⁹ Satiap batang kayu je dia mahasilkan bua je bahalap akan kana teweng tuntang kana kanan nguang huang apui. ²⁰ Jadi, bara bua-bua te ikau akan mangasene ewen. ²¹ Dia uras uluh je bapander dengan kuh,' Tuhan, Tuhan,' akan tame nguang huang karajaan Surga, malainkan iye je manampa kahandak Bapa kuh je melai surga. ²² Huang andau te, are uluh akan hamauh dengan-Kuh,' Tuhan, Tuhan, beken kah ikei barnubuat huang aram-Muh, tuntang mampadari roh-roh papa huang aram-Muh, tuntang manguan are mukjizat huang aram-Muh? ' ²³ Balalu, aku akan mayakinkan akan ewen,' Aku dia puji mangasene ikau! Nihau lah ikau bara aku, ikau je mangawi kasala!"' ( Manyeneh Tuntang Mangawi ) ²⁴ "Gawi jite, uras uluh je mahining auh kuh tuh tuntang mangawi akan manjadi kilau uluh je bijaksana je mambangun huma ayu melai hunjun batu. ²⁵ Balalu, muhun ih andau ujan tuntang dumah banjir, tuntang kea riwut mahimun huma jite, tuntang huma jite dia baderep gawi impendeng intu hunjun batu. ²⁶ Tuntang, satiap uluh je mahining auh kuh jituh tuntang dia mangawi akan manjadi kilau uluh mameh je manbangun huma ayu melai hunjun pasir. ²⁷ Balalu, muhun ih ujan tuntang dumah ih banjir, tuntang riwut mahimun huma jite, tuntang kea huma jite baduruh, tuntang tutu hai karugi ayu te." ²⁸ Katika Yesus jadi mamander hal-hal jite, uluh are hengan dengan pangajaran-Ayu, ²⁹ Gawi Iye mangajar ewen sabagai uluh je bakuasa, tuntang dia kilau ahli-ahli Taurat ewen.