Yesus di Tula di Kota Asal nya ¹ Pas Yesus pencet dari sian dan balik ka banua asal-Nya,lalu bala murid-Nya nie pan maumpat ae nya jam. ² Pas waktu hari sabat,Yesus mulai mangajar aem di Sinagoge. Jadi bala urang banayknya ninganya nie marasa maha tahaheran,lalu bapanir,” dari muna Inya mandapat bala samua jolu inyan tae kira?hikmat jolu apa dikonyu ka inya nie dan mujizat macam apanya Inya jawat pakai tangannya nie? ³ bukainya Inya tukang kayu,anak maria,dahan samadikan Yakobus agan Yoses Yudas gan Simon ? dahan bukainya bala samadikan batinanya ada’an disini agan kita ? ‘’ Ongka, siakpan tasanuk dan manulak Yesus. ⁴ Lalu Yesus bapanir agak siak, ‘’ dimuna-muna yang namanya nabi nie pasti dihormatae kecuali di tompat asalnya siku, disanak familinya siku, dan di rumahnya siku.’’ ⁵ jadi Yesus tae intah subaknya ma’ada’an mujizat disian, kecuali malota’an tangan-Nya dipucu bala urang sakit manjadi sombuh. ⁶ urang Yesus heran obae katidak pacayaan bala syak. Lalu Yesus tulak lagi bakalilik ka laman – laman dan mangajar. ⁷ Lopas inyan Yesus mangumae ka dua bolas murid-Nya dan labuh mautus siak dua orang, dahan ngonyuae bala siak kuasa pakall manulak bala roh jahat. ⁸ Ongkas Yesus mangonyu parintah pakae siak intah mambawa apa-apa dalam pajalatan, kacuali baya tungkah, bial ada roti, tas, uang dalam tali pingak siak, ⁹ tapi baya makal sanal dengan sabuti pakaian jaem. sombuh. ¹⁰ Lalu Yesus bapanir agan siak’an ‘’ dimuna saja hunit mamansu ae rumah badiaptam disian sampai hunit kaluar dari sian. ¹¹ Tapi amun bila ada tompat-Nya intah mandingaan dan manarima hunit, pas hunit pulang kibasan tam dobu dari kaki kolae pakai sabuah bukti akae siak’an’’ ¹² lalu, tulak aem  siak’an tae mamaniran kabala mansia akae batobat. ¹³ lopas inyan , siak’an tae mausir banyak setat gan maurap’ae banyak urang gorik kapodihan agan minyak, lalu manjadi baik/ sombuh. ¹⁴ Rupanya raja herodes nie udah tahu’aem, oleh nama Yesus nie udah terkenal jadi bala mensia nie bapanir, ‘’ Yohanes pembaptis’’ udah hidup aem dari bala mensia yang mati, inya’ aem bala mujizat nan bagawi didalap inya. ¹⁵ Namun sabagian urang nie malah bapanir, ‘’ inya’an Elia’’ sabagian lagi bapanir, ‘’ inya’an maha nabi, salah siku dari nabi’’. ¹⁶ Tapi, bukae’an nya dengan Herodes pas ningaa hal inyan tae, Herodes bapanir, ‘’ Yohanes inya holuan tae aku totak kapalanya udah hidup aem !” Yohanes Pambaptis di Bunuh ¹⁷ memang pan Herodes nya udah manyuruh gan mamarintahan akae manangkap Yohanes, dan mamansu’annya ka panjara demi Herodes. ¹⁸ Obae Yohanes nie baropa kali aem bapanir ka Herodes, ‘’ tidak bonar kolae nguti bini samadikan siku nie’’. ¹⁹ Maka dari inyan Herodes manyimpat donamp ka Yohanes dan honak manbunuhnya, tapi intahnya subaa. ²⁰ Karna Herodes nie golak agan Yohanes pas inya tahu bahwa Yohanes nie urang bonar dan barosih, jadih Herodes malinuk’aenya. Pas Herodes maningaa Yohanes, inya maha kabingungan, tapi inya rinak maninga’annya. ²¹ Tibalah hari baiknya, pas Herodes baulang tahun inya mangada’an sabuah perjamuaan akae bala pajabat tinginya, perwira – perwiranya dan bala pamimpin Galilea. ²² pas anak batina Herodes mansu dan manari,inya manyonang’an Herodes dan duduk agan Herodes. Ongka raja bapanir agan batina inyan tae , minta aem jolu apa kahonak kolae samuanya aku kabulan. ²³ lalu Herodes basumpah dengannya, ‘’ jolu apa saja yang kolae hanak’ae, pasti ku konyu sakalipan inyan satongah dari karajaanku.’’ ²⁴ ongka pencet aem batina entae dan bapanirkan umanya, ‘’ aku harus minta jolu apa..?’’ umanya manjawab minta kapala Yohanes pembaptis.’’ ²⁵ lalu saat inyan jam dengan copatnya, batina inyan tae datak ka raja dan bapanir, ‘’ aku honak sekarang ini aem duat mangoyu ae ku kapala Yohanes pembaptis dipucu ceper. ²⁶ mandinganya macam entae saluk’aem hati raja tapi jolu talanyur basumpah aem dan didinga banyak urang yang makat agannya tae, inya bolaenya manulak biak inya tae. ²⁷ ongkah raja ngoyu’an siku algojo agan parintah akae mambawa kapala Yohanes, lalu hingkas aem algojo tae mannyamboleh kapala Yohanes di panjara. ²⁸ lopas inyan algojo tae mambawa kapala Yohanes dipucuk ceper dan mangoyunya ka batina inya tae, lalu batina inyan tae ngoyulan ka umanya. ²⁹ waktu murid- murid Yohanes mandinganya, siak datang ka nguti tubuh Yohanes dan malotak’annya di kuburan. Yesus Mangonyui Makat Lobih Dari Lima Ribu Urang ³⁰ saat para Rasul bakumpul agan Yesus dan mamboritahukan Yesus jolu apa sajanya udah siak lauku’an dahan apa saja nya udah siak ajaran. ³¹ ongkah, Yesus bapanir. ‘’ tam batapu ka tompatnya sepi dan tongaa sabontar’’ sobab banyak urang nya datak dan pencet, akae makatpan sampai intah sompat. ³² hingkas aem Yesus agan bala muridNya manapuan diri agan parahu ka tompatnya sepi. ³³ tapi mahampan urang banyaa manian’t dan tahu akan siak. Lalu mahampan bala mansia tae balarian malalu’ae jalan darat dari samua banua, dan datak ka nuhun mandaholu’ae Yesus dan muridnya. ³⁴ pas Yesus hingkas ka pingir danau, Inya manian’t  maha banyaa bala mansia dan Yesus maasa maha saluki tem hati pamorutannya agan bala mansia nie obae macam dombanya intah ada pamiliknya. Lalu Yesus meajar ka bala siak banyak hal. ³⁵ saat hari mulai malap murid- murid Yesus datak bapanir ka Yesus , ‘’ tompat ini nei tompat sunyi dan udah tongah malap aem. ³⁶ suruh tam siak tulak ka sakalilik kampuk akae siak mamboli jolu nya suba dimakat.’’ ³⁷ tapi tiba tiba Yesus manjawab, kolae nam nya ngoyu ae siak makat. Lalu siak bapanir kapadaNya ‘’ Harus kangku kami hingkas mamboli rotinya saroga dua ratus dinar. ³⁸ Yesus bapanir dengan siak muridNya ‘’ ada berapa rotinya hunit ada nan..? tulak dan tiat bah..!’’ pas siak mangatahuaenya, siak bapanir , ‘’ lima roti dan dua lauk’’ mamakat roti. ³⁹ ongkah, Yesus menyuruh bala mansia akae dudu bakalompok di pucu rumput hijau. ⁴⁰ bala mansia tae dudu bakumpul, adanya saratus urang dahan adanya lima puluh urang. ⁴¹ Yesus menguti diroti dan dual auk inyan tae, managadah ka langit dan mangucap syukur kaping mamocahan roti, lalu mangoyu ka bala murid-Nya akae mahidangan ka bala mansia. Agan disusul dengan mangoyu’ae lauk. ⁴² lalu bala mansia tae makat sampai konyang, ⁴³ habis inyan siak manguti dua bolas karanjangnya ponuh agan bala sisa roti agan lauk. ⁴⁴ dan, lima ribu lalakinya ⁴⁵ Yesus ongkah copat manyuruh murid- murid-Nya naik ka parahu dan hingkas mandaholu’ae nya  ka saborak, ka Betsaida, samantara Yesus manyuruh  bala mansia inyan tae pencet. ⁴⁶ habis bapadah agan siak, Yesus tulak ka bukit pakai badoa. ⁴⁷ pas hari honak malam, parahu ada di tongah danau,Yesus sikunya ma di darat. ⁴⁸ ketika manian’t murid-murid-Nya bakayuh maha ka uyuhan aem, dilanta angin banakau balawatan arah dengan siak, ka kira pas jam bajaga malam ka ompat, Yesus natak ae siak dengan bajalat di pucu aray honak malewat tae siak. ⁴⁹ tapi mahapan pas siak manian’t Yesus bajalat di pucu danau tae, siak manyangka bahwa Yesus nie hantu, lalu manciak mandorah aem pokoknya bala siak’an tae. ⁵⁰ obae siak kagola’an manian’t Yesus . Lalu Yesus copat bapanir agan siak dan babunyi ka siak, ‘’tenang ba. Ini Aku ! jangan golak’’. ⁵¹ ongka Yesus naik sasama agan siak ka parahu. Lalu angin inyan tae pan tonga’aem, sampai tahaheran pokoknya siak nie. ⁵² obae siak bolump memahamai agan mujizat lima roti inyan tae disobab an kakorasan hati siak. ⁵³ nah, pas Yesus agan bala murid-Nya manyaborak, siak mandarat di tanah Genesaret dan balabuh ⁵⁴ saat siak turut dari perahu, urang–urang langsung kenal agan Yesus , ⁵⁵ lalu balari maulak mahulu’an mambabaae bala urang goring kapodihan di pucu tilam, kamunapan siak mandinga dimuna kabaradaan Yesus . ⁵⁶ maka kamunapan Yesus mansu kalaman laman, atau banua banua ataupan daerah daerah sakitarnya. Siak marobahan bala urang goring kapodihan ditompat rami mamohon ka Yesus akae siak’an subak mayama hujuk jubah-Nya pan barakam. Biar sopapan nya manyama jubah-Nya jadi sembuh.