Siku Urang Dari Gadara dilopasan Dari Roh Jahai ¹ Sampai am siak disaborak danau,didaerah bala mansia Gadara. ² Pas saat Yesu turut dari parahu,tiba-tiba ada mansia yang kamansuan roh jahai dari kuburan,manomu ae Yesus . ³ Inya diap dibala kuburan-kuburan. Bila ada sikupan urang suba mangobatnya. ⁴ Jolupan Inya nie ropat am urang mangobat bala kaki jarinya,tapi maha intah taapa’ae nam,taruhan pakai apapan mansi suba inya lari. Jadi sabakal diupu an tam. ⁵ pokoknya tumas siak malap nie hidup hala ciak dorah ja’aem,sampai-sampaipan inyai nie maluka ae tubuh kulitnya siku ma. ⁶ Pas inya maniant Yesus dari jauh,inya tingkap takarahap balari dan manyomah sujud dihadapan Yesus . ⁷ Mahapan kaping manciak mandorah inya bapanir “jolu apa urusan kolae agan aku nie Yesus ,anak Allah yang Mahatingi?demi Allah aku minta tuluk aem dengan duan’t, jangan menyiksaku. ⁸ karana Yesus udah bapanir agan inya,”kaluar tam dari inya nie hai roh najis! ⁹ Dahan,Yesus batanya lagi agan mansia inyan tae,” ¹⁰ inya maha mamosa minta tuluk ka Yesus akae intah mausir bala siak dari daerah inyan tae. ¹¹ disian tae ada bala gerombolan babi lagi makat didamping bukit. ¹² ongka, bala roh-roh jahai inyan tae minta tuluk dan bapanir agan Yesus ,” suruh aem kami mansu ka dalam bala babi inyan nan, ¹³ Yesus maaukannya. Lalu am roh jahai tae marasuk ae bala babi. Bala pakawalannya yang bajumblah sakitar 2 ribu inyan tae balari ka pingir jurang ka danau,lalu tangolap di dalap danau am. ¹⁴ pas anu bala panyaga babi tae kabur mangabaran banua dan ka laman. Lalu bala mansia kaban pasalosar kaluar akae maniat jolu apa parami bala mansia nie. ¹⁵ Lopas anu bala mansia tae natak ae Yesus dan maniat mansia Legion yang holuan tae karasukan roh jahai,lagi duduk,dan udah bapakaian nam,laluan pan maha waras aem. ¹⁶ ongka lopas kajadian hari entae,bala mansia tae pokoknya heboh mancaritaan samua bala kajadian yang siak tiat pada orang gila dan agan bala babi  tae. ¹⁷ niant nya macam inyan nie,bala mansia sapakat minta ka Yesus pakai maningalan tompat siak. ¹⁸ pas Yesus naik ka parahu,mansia yang kala kamansuan roh jahai tae minta tuluk suba intah inya honaa umpat Yesus . ¹⁹ Tapi, Yesus manulaknya,katanya,”pulak tam ka sanak kaluarga kolae. Kesahan tam ka bala siak apa nya Tuhan lakuan tahadap kolae oleh Tuhan sangat mangasihae kolae. ²⁰ lalu Legion tae pencet aem mangesahan ka bala mansia banyak di Dekapolis agan samua halnya dilakuan Yesus ka inya. Lalu pokoknya bala mansia disiant tae manjadi heran. ²¹ Yesus manyaborak lagi ka saborak,urang banyak bakumpul dihampik ae-Nya,dan Inya ada di pingir danau. ²² Tiba-tiba ada pemimpin Sinagoge nya banama Yairus datak dan habis maniant Yesus ,inya nyomah dikaki-Nya, ²³ inya minta tulukdengan sangantagan Yesus ,katanya,”anak betinaku nya lagi kocit honak mati aem. Datak dan lota’an tangan Duant dipucuknya pakainya dapat sembuh dan hidup. ²⁴ ninganya macam inyan tae,au aem Yesus tulak agan Yairus. Pokoknya tamaha banayak urangnya umpat kaping mahingu ae nya nie. ²⁵ lalu ada siku betinanya pandararahan udah 12 tahut aem. ²⁶ inya udah bakali- kali aem podih dilanta bala dukut,sampai habis aem bala samua harta bendanya tapi totap jam intah ada gunanya malahan pan tamah parah. ²⁷ pas mandinga barita Yesus betina inyan tae natak ae Yesus dari balikat di tongah-tongah karumunan urang banyak kaping mamigap jubahnya. ²⁸ Betina inyn tae bapanir,”amun aku suba manyama’a jubahnya ja,aku akan sembuh”. ²⁹ pas saat inyan jam pandarahannya tonga dan inya maasa’ae bukang tubuhnya udah baik dari sagala panyakitnya. ³⁰ Yesus seketika mangatahu ae bahwa ada kuasa-Nya kaluar. Inya babali dibala karumunan bala mansia lalu bapanir: sopa nya manyama jubah- Ku? ³¹ ongka bala murid Yesus nie bapanir ka Yesus .” Duan’t manian’t karumunan urang manyarunukan duan’t lalu duan’t bapanir sopanya manyama-Ku nie?”. ³² lalu, Yesus manian’t ae bala sakalilik akae tahu sopa palakunya. ³³ ongka pas tahu apanya yang terjadi,betina inyan tae maha kagola’an sampai bagagotar bagorak. Inya manatak’ae dan basomah sujud dihadapan Yesus dan menyampai’an samua kabonarannya. ³⁴ ongka,Yesus bapanir agan betina entae,” Anak-Ku, iman kolae udah manyalamatan kolae aem. Hingkas tam dalam damai sejahtera dan bala sagala kapodihan kolae udah baik aem. ³⁵ Sewaktu Yesus ija bapanir,datak aem babaropa iku bala mansia dari rumah pamimpin Sinagoge bapanir mamadahan,”anak kolae udah mati am. Jadi meapa lagi ija ngangu guru nie? ³⁶ Tatapi, Yesus bilanya mandingaan bala pamaniran yang dipadahan bala siak nie,inya totap focus bakesah agan pemimpin Sinagoge,akae jangan golak dan totap parcaya. ³⁷ Jadi Yesus intah maulihan sikupan urang maumpatae nya,ongkah baya Petrus,Yakobus,gan Yohanes samadikan Yakobus. ³⁸ pas sia’an sampae dirumah kapala Sinagoge,inya manian’t urang maha rami. ³⁹ Inya bapanir agan bala siak’an ,”meapa kolae rami kaping nangis nie? Biak inyan nan bilanya mati ma,tapi lagi tiuk. ⁴⁰ Tapi mahapan gawi siak taemalahan nanawak’ae-Nya. Apa bila SA olikan,Yesus manyuruh bala mansion akae kaluar mambaba inai + ompai biak inyan tae,pakae mansu ka ruangan biak kocit intan tiuk tae. ⁴¹ Ongka Yesus mamigap tangan biak kocit inyan tae lalu bapanir agannya,”Talita Kum!”( rotinya,betina betina kocit,A ku bapanir agan kolae,Huas tam!” ⁴² lalu biak kocit inyan tae seketika angkat agan bajalat aem,oleh inya horu baumur 2 bolas tahut,lalu samua urang ma’asa  haran pokoknya. ⁴³ satolah inyan Yesus mangonyu amanat,maucip’ae inai + ompai babiak inyan tae ataupan sopa bala mansianya tahu hal inyan tae,akae jangan banyak bunyi,udahan ujae Yesus dikonyu’ae nya makat tam babiak enan.