Hukum Allah dan Adat Mansia ¹ Lalu, bakumpul am urang–urang farisi manumu ae Yesus sasama agan bala Ahli Taurat yang datank dari yerusalem. ² lalu, sia maniat bala  murid Yesus makat roti agan tangan kotor, obay tangan  ntah dibasu ae. ³ Obay sia farisi dan samua sia yahudi ntah ulih makat amun tangan sia ntah di basu sampai ka pagolangan tangan obay tradisi upuy hiang yang sia pigap. ⁴ lalu amun sia yahudi datank dari tompat umum, sia ntah ulih makat sabolum mambasu longan. Lalu banya lagi tradisi bukaynya yang sia tarima akay pegangan, uba pambasuh cangkir-cangkir, cere-cere, dan teko-teko tembaga. ⁵ Udahan sia farisi dan ahli-Ahli Taurat batanya ka Yesus , ”obay apa murid-murid kolay ntah hidup manurut ae tradisi upuy hiang, tapi malah makat roti agan longan kotor ?” ⁶ ka Yesus ka sia, “Yesaya banabuat yang sobonarnya masalah hunit yang munafik, uba yang tatulis ; ‘bangsa ini mahormati aku agan bibir sia, tapi hati sia jauh dari aku. ⁷ sia manyomah ku dengan sia-sia obay maajaran parintah-parintah yang di jawat oleh mansia.’ kaping maabayan parintah allah, hunin mamigap kuat tradisi mansia.” ⁸ kaping maabayan parintah allah, hunin mamigap kuat tradisi mansia.” ⁹ lalu Yesus bapanir jam ka siaan, “carodi hunin manula parintah allah lalu dapat mampatahat tan tradisi hunit siku. ¹⁰ sobab musa bakata,“hormat ai lah ompai kolay dan uma kolay, dan sopa pan yang mangutu ompay nya atau umanya harus dihukum mati.” ¹¹ tapi, hunit bakata amun salah siku urang bakata ka ompay nya atau ka umanya “apa kauntung yang kolay dapat dari aku adalah kurban, bala persembahan.” ¹² lalu hunit ntah maizitan inya lagi malakuan apapan akay ompai nya atau umanya, ¹³ amun ubay inyan hunit udah mambatalan firman allah dengan tradisi hunin yang udah turun tamurun, dan banya lagi kalakuan hunit yang uba ini. pahami tam. ¹⁴ udahan, Yesus maningkau lagi samua urang dan bapanir ka sia, “dingaan aku, hunit samua, lalu pahami tam. ¹⁵ ntah ada jolu apa pan dari luar mansia yang mansu malalui mulut soba mangotor ai nya, tapi bala jolu yang kaluar dari mansia lah yang mangotor ai nya. ¹⁶ “amun salah siku urang ada ponik akai mandinga, kahonanya inya mandinga.” ¹⁷ lalu, waktu Yesus mansu ka rumah dan maningalan urang-urang inyan murid-murid nya, batanya ka Yesus masalah perumpamaan inyan. ¹⁸ lalu, Yesus bapanir ka sia, “apakah hunit ntahngerti jam ? tidak kah hunit tahu bahwa apa pan yang dari luar mansu kadalam mansia tidak ulih mangotor ai nya. ?” ¹⁹ sobab, yang mansu inyan ntah mansu kadalam hatinya, tapi porutnya, dahan dibuang ka dalam jamban. (amun uba inyan, Yesus manyataan samua bala makatan halal.) ²⁰ lalu inya bakata, “apa yang kaluar dari mulut mansia nyalah yang mangotorinya.” ²¹ sobab dari dalam, dari hati mansia, timul pikiran jahay, dosa-dosa mantina, mangolit, pambunuh, ²² bazinah, kasarakahan, kajahai, manipu,hawa nafsu, hiri hati, fitnah, kasomak kan dan kabodohan. ²³ samua yang jahai inyan datank dari dalam mansia, dan inyalah yang mangotori nya. ²⁴ dari tompat inyan, Yesus angkat dan tula’a ka daerah tirus dan sidon. Dan, inya mansu ka sabuah rumah dan ntah hona siku pan yang tahu tapi inya ntah ulih lopas dari paniatan. ²⁵ pas mandinga ada Yesus , ada batina yang ana’a nya batina nya karasuan roh iblis datang dan nyomah dikaki Yesus. ²⁶ botina inyan adalah sia yunani lahir di siro-fenisia. Inya mint aka Yesus akay mausir setan inyan kaluar dari ana’a nyan. ²⁷ udah inyan, Yesus bakata ka batina, “biaran bala bia di konyungan lobih holu sebab, entah bai manguti umbu bala bia dan mambuangkan nya bala kudu-kudu. ²⁸ tapi batina inyan manjawab dan bakata ka Yesus , “bonar, Tuhan tapi kudu-kudu yang ada dibabah meja pan makat kamputing bala bia.” ²⁹ lalu, kata Yesus ka batina inya, “obay kolaymangatakan ini ulih lari setan inyan jadi maningalan ana’a kolay.” ³⁰ udahan batina inyan pulang ka rumah dan batomu ana’a nya tongahan barobah ditompat tidu, dan setan inyan, dah lari am urang. ³¹ udahan, Yesus kaluar lagi dari daerah tirus dan bajalat malalu ae sidon manuju ka danau galilea di daerah dekapolis. ³² lalu, sia mambaba ka Yesus urang tuli yang uyuh bapanir. Sia maminta ka Yesus akai malotaan longanya ka urang inyan. ³³ dahan Yesus mambaba urang inyan manyongkung dari kumpulan banya urang. Yesus mansuan jarinya kadalam poning urang inyan, dan habis maigah, Yesus mancamak lidah urang inyan. ³⁴ lalu, Yesus maniat ka pucu langit, Yesus manarik nafas panyang dan bapanir, “Efata!” artinya “tabuka tam” ³⁵ waktu inyan jam, poningan urang inyan tabuka, kobat an di lidahnya talopat, dan inya bapanir dengan jelas. ³⁶ dan, Yesus maningalan sia mamaniran kajadian inyan ka sopa pan. Tapi makin Yesus maningalan sia, sia makin mamanirannya ka urang. ³⁷ sia bonar-bonar heran dan bakata, “ Yesus horu malakuan segala jolu dengan baik, Yesus manjawat urang tuli mandinga dan urang bisu bapanir.”