Yesus Maampun ay dan Maubat ay Urang Lumpuh ¹ Kahobu kaluasaannya, pas Yesus ka Kapernaun kadingaanlah brita inya ada dirumah. ² Lalu banyak bala urang kumpul sampai songka kapat, dan inya manyampaian firman pakai sia. ³ Pas inyan sia ompat datang mambaba urang lumpuh. ⁴ Pas ntah dapat mahanpingkai Yesus obay bala urang banyak, sia lalu mambuka hatap di pucu Yesus , pas jadi mambukanya, sia manurutan tilam tompat urang lumpuh inyan barobah. ⁵ Pas Yesus maniat iman sia, inya bapanir ka urang lumpuh inyan, hai ana’a-ku dosa-dosa hundin jadi di amputai. ⁶ Tapi bala Ahli Taurat yang duduk dinuhun bapikir dalam hati siaan. ⁷ “maapa urang ini bapanir bunyi inyan ? inya nan mahujat ! sopa dapat maamputi dosa-dosa kecuali Allah siku.” ⁸ Yesus lansung tahu dari dalam roh-nya obai sia bapikir-pikir dalam hati sia. Inya bapanir ka sia an, “ maapa hunin bapikir uba inyan dalam hati hunin ?” ⁹ muna yang mudah, bapanir ka urang lumpuh inyan, “dosa kolai diamputai,” atau bapanir, “huas atau katut tilam kolai nan dan bajalan tam ?” ¹⁰ tapi, akai hunin santahuan bahwa ana’a mansia ni dapat kuasa di bumi akai maamputai dosa-dosa.” ¹¹ Ujai Yesus agan urang lumpuh inyan. “ujaiku gan kolai : huas, katut tilam kolai, dan pulang tam ka rumah kolai.” ¹² Urang lumpuh inyan lalu badiri, manguti tilamnya, lalu kaluar di hadapan bala urang. Siaan samua hiran dan mamuji Allah, lalu bapanir, “ kami bila kala maniat jolu yang uba inyan nan.” ¹³ Yesus tula lagi ka pinggir danau dan bala mansia mambodapan mandatankai sia, dan sia mangajar siaan. ¹⁴ Pas sia lalu, sia maniat lewi, ana’a alfeus, duduk di tompat mambayar pajak, lalu, uji sia ka inya, “ umpat aku.” Lalu lewi pan bapanir badiri dan mambodapan inya. ¹⁵ Dan kanantian Yesus duduk makan di rumah lewi inyan, ada banyak pangumpul pajak dan urang-urang badosa yang jumpat makan sama-sama agan Yesus dahan agan bala murid-murid-nya, obai dinuhun banya urang, dan siaan mambodapan Yesus. ¹⁶ Waktu bala Ahli Taurat dari kelompok farisi maniat Yesus tongahan makan sama-sama agan urang-urang badosa dan pangumpul-pangumpul pajak, siaan batanya ka murid-murid-nya, “maapa inyan makan sama-sama agan bala panagih pajak dan urang-urang badosa ?” ¹⁷ Pas Yesus mandinga nya, inya bapanir ka sia, “sia yang sehat ntah perlu dokter malainkan sia yang sakit. Aku datang bukai untuk mamangil urang-urang bonar, melainkan urang-urang badosa.” ¹⁸ Murid-murid Yesus dan urang-urang farisi tongahan bapuasa. Babaropa urang datang dan batanya ka inya, “ maapa murid-murid Yohanes dan murid-murid  urang farisi bapuasa, tapi murid-murid kolai ntah bapuasa ?” ¹⁹ Lalu, uji Yesus ka sia, “ dapat ntah bala pangiring pangantin bapuasa sementara pengantin lalaki ija agan sia ? samanah pangantin lalaki inyan ija basama-sama agan sia, sia ntah ulih bapuasa. ²⁰ Obay, harinya pacaan dating pas panganten lalakinya dikuti dari sia, dan pas hari inyalah sia pacaan bapuasa. ²¹ Ntah ada urang yang manamal pakaian manah yang birat agan kain yang baharu. Mun uba inyan, tamalan kain yang baharu pacaan mambirat pakaian yang manah, dan biratnya pacaan batamah bosar. ²² Dan, ntah ada urang yang mairingan angur baharu ka dalam kantong kulit yang manah. Amun uba inyan, angur inyan pacaan mabirat kantong kulit inyan jadi bai nya angur atau kantong nya pacaan rusak. Sabaliknya,  angur baharu disimpan didalam kantong kulit yang baharu.” ²³ Dan pas hari sabat, Yesus malalui huma ganum, dan dalam pajalatan, murid-murid nya, mulai mamutik biji-biji ganum. ²⁴ Lalu bala urang Farisi bapanir ka Yesus , “tiat, maapa kalakuan sia malangar hokum hari sabat ?” ²⁵ Lalu, kata Yesus agan sia, “ bolum kala kolay mambaca apa yang diparintahan daut pas ia dab bala urang yang agan inya tongahan kakurangan dan lapar ? “ ²⁶ Uba apa inya mansu ka rumah Allah pas Abyar manjabat sabagai imam bosar, dan manyogo roti pasombahan, yang baya ulih dimakan oleh bala imam, dan mangonyuan jam roti inyan ka bala urang yang sama agan inya? ²⁷ Lalu, kata Yesus ka bala urang farisi inyan, “hari sabat dijawat pakai mansia, bukaynya mansia pakai hari sabat.” ²⁸ Jadi, anak mansia adalah Tuhan, dahan agan hari sabat.