Palayan an Yohanes Pambaptis ¹ Ini am permulaan Injil Yesus kristus, anak Allah, ² uba nya ditulis  dalam kitab nabi yesaya: “Tiat ba! Aku manyuruh urang-Ku akae mandahului Kolae, inya pakaian manyaipan jalat bagi- Kolae ³ Ada urang bunyi dipucu padang belentara, “ pasiapanlah jalat pakai Tuhan, lurus an tam jalan –nya “ ⁴ Jadi Yohanes mambaptis bala urang dipucu padang balentara, kaping manyanganan baptisan pertobatan akae pangamputan dosa. ⁵ Dan,samua bala penduduk Yudea agan samua urang Yerusalem datang ka Yohanes. Inya mambaptis bala urang disungai yordan, kaping mangaku bala dosa-dosa siak ⁶ Yohanes mamakai ramut unta agan tali pendeng kulit dilingkaran pinggangnya, inya makat bala belalang agan madu hutat. ⁷ Yohanes bosangan, dan bapanir “ habis aku pacaan datak saurang lobih nekat dari aku, aku ni intah ku layak mambungkuk agan malopasan tali sanal nya. ⁸ Aku mambaptis kolay agan aray, tapi inya pacaan mambaptis kolay agan Roh Kudus. ⁹ Lopas kejadian hari inyan tae, Yesus datak dari Nazaret, wilayah Galilea habis dibaptis oleh Yohanes disungai Yordan. ¹⁰ Lopas kaluar dari dalam aray, Yesus maniat langit tabolah dan roh samaan siku burung merpati turun dipucu kapala –Nya. ¹¹ Lalu ada suara datangk dari surga “kolay nie anak kasaluan ku” aku maha katuju bonar agan kolay nie. ¹² Habis inyan lagi roh mambawa Yesus ka padang belentara. ¹³ Inya nan lagi ada dipadang belentara, salamat  ompat puluh hari dan di cobae iblis, Yesus ni ada ditongah-tongah bala binatang-binatang liar agan bala malaikat malayani –inya. Yesus Mangabaran Injil Allah di Galilea ¹⁴ Sahabis Yohanes dipanjara, Yesus tula’a ka daerah Galilea akae manyampaian injil Allah. ¹⁵ Inya bapanir “sampai am waktunya, karajaan Allah, hanipik am, batobat tam dan parcayalah ka injil. ¹⁶ Pas inyan Yesus manyususuri pingir danau galilea. Inya maniat simon agan andreas samadingkan nya tongahan manibaran jala, ka danau obay gawian sia nie manjala lauk. ¹⁷ Tiba-tiba Yesus bapanir am ka sia “ tam umpat aku, dan aku paca’an manjadian hunit panjala mansia” ¹⁸ Simon agan Andreas copat maningalan jala sia lalu maumpati nya. ¹⁹ Pas inya bajalat jauh inya maniat yakobus anak zebedeus agan Yohanes somadingan nya, yang tongahan diparahu dan ngabai jala nya, ²⁰ Habis inyan Yesus maningkau sia dan sia maningalan ompai nya, Zebedeus diparahu sasama agan bala buruh upahan nya, lalu pogi umpat Yesus . ²¹ Habis tae sia sampai am di kapernaum,dan pas waktu hari sabat, Yesus mansu ka Sinagoge dan mangajar. ²² Siaa heran mandinga an ajaran inya obay inya mangajar uba urang nyaada kuasa nya, bila uba Ahli Taurat. ²³ Habis inyan di sinagoge ada lalaki kamansuan roh jahai dan inya mandorah. ²⁴ Katanya “la’apa urusan hunin nie agan kami,Yesus dari nazaret ? apa Duant datangk pakai mamati ae kami? aku tahu ma sopa duant. Duant nya kudus dari Allah. ²⁵ Tapi, Yesus mambrahau inya, katanya “ Badiap ! kaluar tam dari mansia nie.” ²⁶ Lopas nya roh najis  mangguncang-guncang inya sambil mandorah agan suara koras, lalu kaluar am roh dari inya tae. ²⁷ Bala sia maha kaheranan lalu batanya agan bala urang bukai katanya “jolu apa ni ? sabuah ajaran baru agan kuasa !” Inya  mamarintah roh najis inyan tae dan siaa samua taat agan Inya. ²⁸ Lalu, agan copat brita tentang Inya tae tasobar ka muna-muna sampai ka saluruh wilayah galilea. ²⁹ Habis inyan Yesus agan bala murid-Nya maningalan sinagoge, sia mansu ka rumah simon dan andreas, sasama agan yakobus Yohanes. ³⁰ Tapi Inai mantuha simon tongahnya lagi goring, lalu copat siaa mambori tahu kaadan inya ka Yesus . ³¹ Yesus pan manomu ae nya kaping mamigap tangannya, lalu manulung nya badirit. Lalu seketika inyan jam goring nyatae hilang am lalu betina inyan tae mulai malayani siaa. ³² Lalu pas malam am,habis matahari tangolam, siaa mambaba bala urang bapanyakitan agan bala urang kasurupan roh jahai. ³³ Habis inyan tae saluruh bala sia dibanua bakumpul di muka pintu rumah. ³⁴ Yesus manyombuhan banyak bala urang sakit agan bala macam panyakit dan mausir bala setat tapi inya malarang bala setat bapanir obay nya sia konal agan inya nantae. ³⁵ Sunsung bonar pas harilago potak, Yesus huas lalu tula’a ka sabuah tompat yang sunyi, lalu inya badoa di nuhun. ³⁶ Habis inyan, Simon agan bala urang tae sasama mangoyapae Yesus . ³⁷ Pas inyan sia batomu  Yesus , sia bapanir  “ bala urang manggoyau ae duan !” ³⁸ Lalu Yesus bapanir, “ hintam kita hingkas ka bala banua nyahamping akae Aku ulih basangan ka bala urang sian , obae inya nie am alasan aku datangk.” ³⁹ . Habis inyan Yesus hingkas manyusur ae samua daerah Galilea. Inya mangabaran firman di sinagoge-sinagoge lalu mausir bala setat. ⁴⁰ Lalu ada urangnya sakit kusta manatang ae Yesus . Inya mamohon kaping manyomah ka Yesus dan bapanir “ amun kolay hona , kolay ulih ma manahiran aku” ⁴¹ Lalu salu hatinya, Yesus mauluran tangannya lalu manyama mansia inyan tae kaping bapanir “duan suba mantahiran aku” ⁴² Seketika inya jam panyakit kusta nya tae hilang lalu urang inyan tae manjadi tahir. ⁴³ Yesus copat manyuruh urang tae pencet kaping mamparingatae nya dengan tegas, ⁴⁴ Lalu bapanir ka siaa“ jangan padahan ka sopa-sopa tentang tentang jolu’apa pan,tapi hingkas  tam tiat an diri kolay ka imam agan pasombahan korban atas kasembuhan kolay macam di suruh musa tae sabagai sabuah kasaksian pakai siaa. ⁴⁵ Tapi urang inyan tae tulaa lalu mulai bakesah sacara tabuka lalu manyebaran kesah dengan bosar, Yesus ntah ulih lagi mansu agan terang-terangan ka kota tapi ada diluar, di tompat nya sepi, tapi bala urangdari bamacap tompat totap manatang ae nya.