Yesus Maubat ay di Hari Sabat ¹ Lalu Yesus mansu lagi ka sinagoge dan di nuhun ada urang yang longannya lumpuh sabolah. ² Sia maniat an Yesus akai tahu apakah inya pacaan maubat ai orang inyan di hari sabat supaya sia dit manudu inya. ³ Lalu Yesus bakata ka urang yang longannya lumpuh sobolah inyan, “berdirilah di tongah-tongah.” ⁴ Lalu ujai Yesus ka sia, “suba ntah babuat baik atau babuat kajahaian  di hari sabat? Manyalamat an nyawa atau mambunuh?” tapi, siaan badiam. ⁵ Udah inyan Yesus maniat kasian kaping godi. Inya salu maniat kakorasan hati sia. Lalu, Yesus bakata ka Urang yang longannya lumpuh sabolah inyan, “uluran longan kolai.” Lalu, orang inyan maulusan longannya, dan longannya lalu baik. ⁶ Oleh inyan, orang-orang Farisi lalu lari, dan mulai bahaum agan orang Herodian yang melawannya.hal uba cara mambunuhNya. ⁷ Tapi Yesus agan murid-muridnya mahindar ka danau, dan kabanyaan urang dari wilayah Galailea jumpat Yesus , dan dari Yudea, ⁸ Dari Yerusalem, Idumea, Daerah saborang sungai Yordan dan daerah Tirus dan Sidon banyak urang pas mandingasemua yang hala Yesus lakuan datang ka Yesus . mamadahan sopa inya. ⁹ Obai urang banyak inyan, Yesus bakata ka murid-murid-Nya supaya manyiapan sabigi parahu pakai inya supaya sia ntah mandesak inya. ¹⁰ Obay Yesus jadi maubat ai banyak urang, maka samua urang yang bapayanitan manarobos akai ulih mancama Yesus . ¹¹ Lalu, Pas roh-roh najis maniat Yesus , sia manyomah di hadapan Yesus dan mandora.” Kolai adalah anak Allah! ¹² Tapi Yesus malarang sia ¹³ Lalu, Yesus naik ka bukit dan mahunang urang-urang yang nya kahonaai akai jumput inya, dan siapan datang ka inya. ¹⁴ Yesus manatapan du belas urang supaya sia dapat jumpat gan inya dan Yesus dapat manyuruh sia akai bakhotbah. ¹⁵ Dan mangonyai kuasa akai mausir setan-setan Yesus . ¹⁶ Yesus manotapan ka duabelas inyan: Simon (Petrus), ¹⁷ Yakobus anak Sebedeusn dan Yohanes samadikan Yakobus (boanerges artinya: “anak-anak Guru), ¹⁸ Anderias, Filipus, Bartulumeus, Matius, Tomas, Yakobus, anak Alfeus, Tadeus, Simon orang zelot ¹⁹ Dan Yudas Iskariot yang mahianati inya. ²⁰ Udahan, Yesus mansuk ka sabuah ruma, dan bala mansia bakumpul lagi di nuhun sampai Yesus agan murid-muridNya nta sia makan roti. ²¹ Pas keleuarganya mandinga inyan sia datang akai mambaba Yesus babali obay sia mamaniran obay Inya nta waras lagi am. ²² Lalu bala Ahli Taurat nya turun dari Yerusalem bapanir “Inya kerasukan Beelsebul!” ongka Yesus mausir setan agan kuasa pamimpin setan. ²³ Lalu Yesus maningkau sia datang ka inya, dan bapanir Makai parumpamaan, “Hiba ulih bi iblis mausir iblis? ²⁴ Saat sabuah Karajaan tapocah-pocah malawan dirinya siku, Karajaan inyan ntah uli batahan. ²⁵ Lalu amun sagiji rumah tapocah-pocah malawan dirinya siku, rumah inyan ntah ulih batahan. ²⁶ Amun iblis cocat malawan dirinya siku dan tapocah-pocah , inya intah dapat batahan ,tapi habislah riwayatnya. ²⁷ Ntah ada siku pan yang suba mansu karumah urang yang kuat dan mangolit barang harotanya, kecuali tam inya holu mangobat urang kuat inyan, maka horu lah inya ulih mangolit di rumah inyan. ²⁸ Aku mangataan yang sabonarnya ka hunin, samua dosa-dosa anak mansia ulih diamputai, dan sumpah sarapah yang siaa ucap an. ²⁹ Tapi sopa yang manyumpah Roh Kudus ntah ulih di amputai ija totap basalah obay dosa kekal. ³⁰ “Sobab ahli-Ahli Taurat inyan bakata, inya karasuaan roh najis.” ³¹ Udahan, inai dan samadikan Yesus datang dan badiri di luar rumah. Siaa manyuruh orang akai maningkau Yesus . ³² Gurumunan urang tongahan dudu mangalilikai Yesus dan sia bapanir ka inya. “Tiat inai kolai agan samadikan kolai ada di luar tongahan mangoyap ae kolae.” ³³ Lalu, Yesus manjawab sia dan bapanir, “sopa pan ni inai ku dan samadikan ku ini?” ³⁴ Udahan, inya maniat urang-urang nya dudu mangalilikai nya dan bapanir. Tiat am, ini inai-ku dan samadikan-ku! ³⁵ Sobab sopa pan nya malabuhan parintah Allah adalah samadikan lalaki Ku dan samadikan batina-Ku dan inai-Ku.