Yesus di Hadapan Pilatus ¹ sunsung nyagap bonar, bala imam kapala, maada’an parundingan agan bala sia tatuha ,Ahli Taurat,dan samua Mahkamah Agama udh bulat aem tekad sia’a. Sia’a mangobat Yesus , mambabanya pencet, lalu manyorahannya ka pilatus. ² . Habis tae pilatus batanya ka inya “apa kolay raja urang yahudi ?” lalu inya manjawab “kolay yang mamanirannya” ³ Habis nantae bala para imam manuduh Yesus hala. ⁴ Dan pilatus batanya lagi ka inya “ hiba kolay entah manjawab ? tiat ba borapa banya tuduhan sia akay kolay “ ⁵ . Tapi Yesus bila manjawab, jadi pilatus heran. ⁶ Pas hari raya paskah, pilatus uba biasa nya mambebasan pakai sia siku tahan’an nya sia honai. ⁷ Lalu ada urang yang banama barabas di tahan agan bala urang pangacau nya malakuan pambunuhan agan pangacau. ⁸ Bala urang banya datangk dan hona minta pilatus pakai malakuan kabiasaan uba biasa nya, inya lakuan ka sia. ⁹ Lalu pilatus bapanir ka sia “apakah kolay hona aku mambebasan mansia nyakata kolay tae Raja urang yahudi ?” ¹⁰ obay Pilatus udah tahu am bawwa bala siaa imam kapala,udah manyorahan Yesus am obay hiri. ¹¹ Tapi bala imam kapala tae manghasut bala urang banya akay pilatus mambobasan barabas. ¹² Lalu pilatus sakali lagi bapanir ka sia “ jadi jolu’apanya hona akay aku lakuan agan urang nya hunit sobut an raja urang yahudi nie ?” ¹³ Lalu, sia mandokang dorah “salib an inya.” ¹⁴ Habis inyan tae pilatus batanya ka sia “hiba ? kajahai an apa yang udah inya lakuan nie?” tapi sia mandokang dorah koras lagi “salib an inya” ¹⁵ Obay hona manyonang an hati bala urang banya, pilatus malopasan barabas pakai sia, dan udah manyamukan Yesus , inya manyorahan Yesus pakai disaliban. ¹⁶ Lalu, bala prajurit mambawa Yesus ka godung pangadilan, lalu sia maningkau bala pasukan akay bakumpul. ¹⁷ Lalu sia mamakai an jubah ungu, dan udah maanyam mahkota baduri, sia mamakaiannya ka Yesus . ¹⁸ Pas inyan sia manyampaian salam ka inya “salam ka raja urang yahudi.” ¹⁹ Lalu, sia mamular kapala Yesus pakai buluh,maigah ae nya kaping manyomah. ²⁰ sia malopasan jubah ungu bagi Yesus , lalu mamakai an pakai an nya siku, habis inyan sia mambawa Yesus kaluar akae disalib an. Panyalib an Yesus ²¹ Dan siaa mamosa bala urang tongahan lewat, simon urang kirene nya horu datak dari laman, ompai dari Aleksander agan rafus pakai mamikul salib inya tae. ²² Lalu mambawa Yesus ka tompat yang banama golgota, yang artinya “tompat tangkorak.” ²³ Sia mangonyu ae Yesus angur bacampur agan mur, tapi Yesus manulaknya. ²⁴ Habis inyan, sia manyaliban Yesus lalu mambagi-bagi baju nya ka sia, kaping mambuang undi pakai manentuan bagian apa yang akai ulih sia kuti siku-siku. ²⁵ Pas habis inyan jam tiga waktu sia manyalib an nya. ²⁶ Agan tulisan mangonai tuduhan Yesus tae tatulis, “raja urang yahudi” ²⁷ Lalu sia manyalib an dua urang pangolit sasama agan Yesus , siku sabolah kanan inya, dan siku sabolah kiba nya. ²⁸ Jadi, tagenap ae’am kitab suci nya mamadahan,inya pacaan dihitung dari urangnya draka. ²⁹ Pas waktu bala urang lewat manyumpah Yesus kaping mangeleng an kapala sia, lalu bapanir, “hai ! kolay paca’an marunTuhan bait Allah lalu mambangun an nya dalam tiga hari. ³⁰ Salamat an tam diri kolay siku dan turun tam dari salib nan !” ³¹ Pas niat jam bala imam, agan bala Ahli Taurat, maulu’u Yesus lalu bapanir siku agan nya bukai. “inya manyalamat an urang bukai, tapi inya ntah ulih manyalamat an diri nya siku ! ³² Biar ja mesias sang raja israel, sekarang turun am dari salib nan oca kami maniat dan percaya.” Sia yang di salib an agan Yesus tae umpat mamojah Yesus jam. ³³ Pas jam dua bolas, tajadi kagolap an di saluruh tompat inyan tae sampai jam sambilan. ³⁴ Pas jam sambilan, Yesus mandorah dengan suara koras, “eloi, eloi, lama sabakhtani,” nya baarti“ Allahku, Allahku, maapa Duan maningalan aku ?” ³⁵ dan udah mandingainyan tae, bala urang badirin di dampiknya lalu bapanir, “tiat ba inya tae maningkau elia,” ³⁶ Lalu siku urang balarian, lalu maisi sabuah sabut agan angur dan manompat an nya ka sabuah buluh, lalu mamborinya ka Yesus paca’an di minum, samil bapanir, “biar am kita maniat apa elia paca’an datank akai manurut an inya” ³⁷ Habis inyan Yesus mandorah agan suara yang koras dan mati am. Pas waktu inyan jam, ³⁸ tirai bait Allah birat manjadi dua, dari pucu sampai ka babah. Pas kapala pasukan nya badirin di muka Yesus , maniat uba apa Yesus mati, inya bapanir “bonar am urang nie anak Allah. !” ³⁹ Pas kapala pasukan nya badirin di muka Yesus , maniat uba apa Yesus mati, inya bapanir “bonar am urang nie anak Allah. !”  ⁴⁰ Lopas inyan ada bala batina yang maniat dari jauh, di antara sia tae ada maria magdalena, dan maria inai yakobus muda dan yoses, agan salome. ⁴¹ Pas Yesus ada di daerah galilea, sia ma umpat inya dan malayani Yesus , dan di sian ada banyaa bala batina bukainya yang datang sasama Yesus ka yerusalem. ⁴² Pas hari malam, obai  inyan tae hari pasiapan, sabolum hari sabat. ⁴³ Yusuf urang arimatea datank, inya ni majelis bosar nya maha dihormati, inya nan manatian kadatangan karajaan Allah jam inya mambaranian diri tula’a ka pilatus lalu minta tubuh Yesus . ⁴⁴ Pilatus takonyat mandinga obai Yesus udah mati am, inya maningkau kapala pasukan lalu batanya ka inya, “apa bonar am Yesus udah mati am. ⁴⁵ Pas pilatus tahu, dari kapala pasukan tae inya mangonyu bangkai Yesus tae ka yusuf. ⁴⁶ Lalu yusuf mamboli kain linen lalu manurun an bangkai Yesus , lalu mambungkus nya dalam kain linen tae, inya marobahan Yesus ka dalam pasaran yang di kali di bukit batu, dan inya mangulingan sabuti batu ka pintu mansu pasaran. ⁴⁷ Maria magdalena dan maria inai yoses maniat tompat bangkai Yesus dirobahan.