Rancana Pambunuhan Yesus ¹ Hari raya paskah dan hari raya raya intah baragi paca’an dimulai dua hari lagi, imam-imam kapala dan bala Ahli Taurat goyap cara manangkap Yesus ,agan bala tipu muslihat pakai mambunuh –Nya. ² Tapi, siak bapanir’jangan salama hari raya golak bala mansia lalu camuh. Yesus diurap ae Agan Minya Narwasatu ³ Waktu Yesus ada di Betania, dirumah Simon mansia kusta, pas lagi duduk dimeja makat,datak aem batina kapik ammabawa sabuah roga’a kocit dijawat dari batu pualam baisi minyak narwastu ija murni dan mahal. Betina inyan tae lalau mamocahan roga’a dahan manukan nya ka pucu kapala Yesus . ⁴ Manian’tnya macam inyan tae,siku agannya nya lainnya nie,”meapa mamborosan minyak harum macam inyantae? ⁵ Akae’an minyak ini nie suba dijual 300 dinar lobih dan suba dikonuuan akae urang lapar jara”.lalu siak pan manggodiae betina inyan tae, ⁶ Tapi Yesus bapanir,” biaran inya. Meapa kolae manyusahan inya? Betina ini udah malakuan pabuatannya abik pakai-ku. ⁷ Oleh kolae nie banyak ma urangnya alapar jaranya ada basama agan kolae,jadi sabila kolae suba malakuannya akae siak. Tatapi kolae intah salalu maumpu’ae Aku. ⁸ Betina ini udah malakuan apanya inya suba.inya malumurae tubuh ku lobih daholu akae panguburan. ⁹ Aku bapanir agan hunitnya sabonarnya, dimuna injil dibritaan disaluruh dunia, apanaya udah dijawat betina ini pacaan diingat sabagai paringatan akan inya. Rancana Yudas Hona Bahianat ¹⁰ Jadi,Yudas iskariot, salah siku dari murid Yesus datak ka para imam-imam kapala honak nyerahan Yesu ka siak. ¹¹ Pas siak  mandinganya,siak maha rinak dan bajanyi mangonyu ae Yudas duit. Ninganya macam inyan,Yudas mangoyap kasempatannya baikpakai manyerahan Yesus . Tangai an Paskah ¹² Waktu hari pertama hari raya roti intah baragi,pakae siak mengorbanan  anak domba paskah,murid-murid Yesus batanya,”kamuna Duat honak kami tulak akae manyiapan Duat makat paskah?” ¹³ Ongka Yesus manyuruh dua ikuk murid-Nya lalu bapanir ka siak dua,”hingkas tam ka banua,pacaan ada mansia siku lalaki, mambaba kendi baisi aray pacaan nomu ae hunit. Umpat ae inya. ¹⁴ Dahan,kamuna siak mansu,padahan ka inya umpun rumah,”Guru bapanir : Dimuna bie ruangan tompat Aku suba d paskah agan bala murid-Ku? ¹⁵ Lalu,inya pacaan nunyuan ka hunit sabuah ruangan bosar  dilantai pucunya udah baparabot siap sedia am.Siapan tam perjamuan pakai kita disian. ¹⁶ Ongka hingkas am bala murid-Nya tae dikota. Disian,manomu ae persis agan apanya Yesus paniran ka siak tae,lalau siak manyiapan paskah. ¹⁷ Pas hari malap, datak aem Yesus agan ka dua bolas murid-Nya. ¹⁸ Disaat siak lagi duduk makat,Yesus bapanir,Aku mangataannya sabonarnya ka hunit,salah siku dari bala hunit nie,nya lagi makat agan aku nie,pacaan mahianatae-Ku.” ¹⁹ Ninganya macam entae marasa saluk aem hati pamorutan siak nie siku-siku,”pasti bilanya aku lok?” ²⁰ Yesus bapanir ka siak an,” inya adalah salah siku dari hunit,mansianya manyolapan roti ka dalam mangku. ²¹ Sobab,Anak mansia akan hingkas,ada ditulis tentang inya,tatapi katulahan nam mansianya, nya obae inya Anak mansia dihianat’ae. Maha lobih baik mansia inyan tae tidak kala dilahiran. Paringat an Agan Tubuh dan Darah Kristus ²² Pas tongahan siak lagi makat,Yesus nguti roti,lalu mamberkat’aenya,Yesus mamocah-macohan lalu mangonyunya ka siak,dan bapanir,”kuti aem,inilah tubuh-Ku”. ²³ Lopas inyan,Yesus nguti cawan,kaping maucap syukur. ²⁴ Yesus bapanir ka siak’an,” inilah darahku, darah perjanjian,nya dicurahan akae banyak urang. ²⁵ Aku bapanirnya sabonarnya, Aku intah honak minum lagi am hasil buah dari kayu anggur nie. Tungu sampai hari Aku maminum anggurnya baharu didala m karajaan Allah. ²⁶ Habis manyanyian sabuti lagu rohani, siakpan tulak aem ka bukit zaitun. Murid-murid Yesus Paca’an Ningalan Inya ²⁷ Lalu Yesu bapanir agan siak,”hunit samua pacaan ningalan-Ku,obae ada ditulis,”Aku pacaan manyerang gambala agan domba-domba inyan tae pacaan tacorai borai,ropuk lola. ²⁸ Namun,pas sasudah aku dihidupan,Aku pacaan hingkas ka Galilea mandaholu ae kolae.” ²⁹ Tapi Petrus bapanir ka Yesus ,”biarpan bala siak ningalan Duat,tapi aku tidak bakalan.” ³⁰ Lalu, Yesus bapanir agannya,”Aku bapanirnya sabonarnya ka kolae,mala mini,sabolum manuk bakukuk 2x, kolae pacaan manyangkal Aku 3x.” ³¹ Tapi pokoknya,Petrus nie koras kapala manjawab,”sakalipan aku memang harus mati agan duat,akum aha intah bakalan manyangkal duat!”lalu ,siak samua mangata’an halnya macam inyan jam. Yesus di Taman Getsemani ³² Ongka,sampai am siak disabuah tompat banama Getsemani,lalu Yesus bapanir ka bala murid-murid-Nya’’. Duduk am disini Aku honak badoa holu. ³³ Jadi,inya mambaba jam Petrus,Yakobus,agan Yohanes umpat-Nya,lalu manjadi golak dan tertekan. ³⁴ Ongka,kata Yesus agan siak,”Jiwa-Ku sangat saluk bahan sampai rasa honak mati. Totap diap disini am dan bajaga-bajaga tam.” ³⁵ Lalu,satolah manjauh sikit,Yesus manyomah dipucu tnah kaping badoa,amun ulih,saat ini balalu dari  pada-Ku. ³⁶ Ongka, Yesus bapanir,” Abba,Ompai,sagala sesuatu mungkin bagi duat.Kuti tam cawan ini dari-Ku.Tapi,bilanya ku kahuna ae,malainan apanya duat kahuna ae. ³⁷ Lalu,Yesus balik am dan manomu ae bala murid-Nya lagi tiuk,ongka Yesus bapanir agan Petrus,”Simon,meapa kolae tiuk?intah ulih bae kolae bajaga-jaga sajajap? ³⁸ Bajajaga kaping badoa biar kolae intah jatuu ka dalam pancobaan. Roh memang panurut, tatapi daging lemah”. ³⁹ Ongka Yesus tulak badoa agan maucapan pamanirannya sama. ⁴⁰ Dahan, Yesus datak lagi lalu manian’t siak tatiuk obae intah tahat am maha borat am mata siak”. Jadi siak intah tahu aem jolu apanya harus siak jawab. ⁴¹ Habis inyan,Yesus datak akae ka 3xnya lalau bapanir ka siak,”kolae ija tiuk kaping istirahat?cukup,saatnya honak dampik am. Tiat,Anak mansia disorahan ka tangan-tangan urang-urang badosa. ⁴² Huastam,ayo kita tulak. Tiat, nya maanyorahan Aku udah dampikam. Yesus di Cogap ⁴³ Lalu lopas inyan,salagi Yesus bapanir,Yudas,salah siku dari dua bolas (12) murid-Nya, datak agan bala urang banyak mambawa manau agan cancatu,disuruh bala imam-imam kapala,ahli-Ahli Taurat,dan bala tuha bangsa Yahudi . ⁴⁴ Mansianya manyorahan Aku tae udah dikonyu ae tana,ujainya,”urangnya pacaan aku ciup,inyan aem mansianya. ⁴⁵ Tangkap dan baba Yesus dibawah pengawasan. pas sudah yudas sampai ,inya copat ,mandatak ae Yesus lalu bapanir, ”Rabi”. Ongka inya manyiup Yesus . ⁴⁶ Lalu,siak mamigap tangan Yesus kaping manangkapnya. ⁴⁷ Tapi,salah siku dari murid Yesus badirit,manyabut manaunya kaping manyerang pambantu imam bosar,lalu manotaa poniknya. ⁴⁸ Lalu Yesus bapanir ka bala siak,”meapa hunit datak agan bala manau,cancatu akae manangkap Aku macam Aku nie panjahat? ⁴⁹ Satiap sunsuk,Aku sasama agan hunit di bait Allah kaping mangajar,tapi intah za hunit manangkap Aku. Tapi au bah hal ini tajadii akae kitab suci tagenap ae”. ⁵⁰ Lalu siak samua maningalan Yesus dan malarian diri. ⁵¹ Ada sikunya pamuda maumpat ae Yesus , baya mamakai kain lenan ma ditubuhnya. Lalu, siak manangkapnya. ⁵² Tapi inya lari agan talanyang bulat maningalan kait lenannya pakai. ⁵³ Lalu, siak mambaba Yesus ka imam bosar. Dan, samua imam kapala,tuha-tuha,dan ahli-Ahli Taurat bakumpul sasama. ⁵⁴ Lalu,Petrus maumpat ae Yesus dari jauh,sampai ka halaman rumah imama bosar. Di sian inya duduk sasama agan bala pangawal kaping mahangat ae tubuh di tungku. ⁵⁵ Bala imam kapala dan samua mahkamah Agama totap goyap kasaksian pakai malawat Yesus pakae suba mamati’aenya, tapi totap jam siak tae intah manomukan apa-apa. ⁵⁶ Jolu, banyak urang mangonyu kasaksian tumuk akae malawatnya, tapi kasaksian siak ntah sasuae siku agannya bukai. ⁵⁷ Lalu, babaropa urang badirit kaping ngonyu kasaksian tumuk akae malawat Yesus ,katanya, ⁵⁸ “ Kami ninga inya bapanir ,Aku pacaan marobahan bait Allah jawatan tangan mansia,dan dalam 3 hari,Aku pacaan mamangunnya lainnya,nya ntah dijawat pakai tangan. ⁵⁹ Namun, akae hal inipan kasaksian siak totap intah sasuae siku agan nya bukai. ⁶⁰ Ongka,imam bosar badirit ditongah-tongah siak lalu batanya ka Yesus ,”apakah kolae intah mangonyu jawaban akae urang-urangnya basaksi malawat kolae? ⁶¹ Tapi, Yesus totapnya badiap auknya manjawab. Imam bosar batanya lagian ka Yesus kaping bapanir,”apakah kolae Mesias,Anaka Allah-Nya Mahatingi nya Tapuji?” ⁶² Lalu, Yesus bapanir,”Akulah inya,dan kolae pacaan nian’t Anak mansia dudu disabolah kanannya Mahakuasa dahan pacaan datak agan awan-awan di langit”. ⁶³ Kaping,lalu mambirat jubahnya,imam bosar bapanir,”meapa kita ija perlu saksi lagi? ⁶⁴ Hunit udah maninga’an hujatan. Apa kaputusan kolae?” lalu siak samua mahukupnya agan hukupan mati. ⁶⁵ Babaropa iku urang labuh maigah’ae Yesus , kaping manutup matamuhanya,lalu maninyu’nya,udahan bapanir ka Yesus ,”Bernubuatlah!”.  Bala pangawal manarimanya kaping manampar-Nya. ⁶⁶ Nah,waktu Petrus ija dibabah tongah lamanan rumah imam bosar,salah siku palayan’t betina imam bosar datak. ⁶⁷ Dan,manian’t Petrus mahangat ae tubuh. Palayan’t inyan tae manian’t kaping bapanir,”kolae nie sasama agan Yesus jam, urang Nazaret inyan tae”, ⁶⁸ Tapi mahapan,Petrus manyangkal kaping bapanir,” Aku intah tahu dan intah ku mangerti jolu apanya kolae paniran nie”.lalu, inya pencet ka pintu gerbang,lalau manuk sabukan bakuku. ⁶⁹ palayant betina inyan tae sakali lagi manian’t Petrus lalu bapanir ka bala mansianya badirit,”mansia inyan nan salah siku dari siak”. ⁷⁰ Tapi mahapan Petrus manyangkalnya lagi,intah baropa lamat,bala mansianya badirit tae bapanir lagi ka Petrus,”kolae pasti salah siku dari siak’an oleh kolae urang Galilea”. ⁷¹ Lalu Petrus nie labuh mangutuk kaping basumpah,”aku intah kenal agan mansianya hunit panirannan!” ⁷² Lalu tiba-tiba,manuk bakukuk akae ka 2xnya lalu Petrus taingat akan jolu apanya Yesus paniran ka inya,”sabolump manuk bakukuk 2x, kolae pacaan manyangkal aku 3x”, Nah seketika inyan jam, Petrus, auk subanya lagi manahat