Bait Allah Paca’an Dirobahan ¹ Lalu, yesus maningalan rumah Allah, salah siku murid nya bakata ka Yesus, “ guru tiat maha sega batu-batu dan maha sega bangunan ini !” ² Dan, yesus manjawab nya, “apakah kolay maniat bangunan-bangunan yang sega ini ? entah ada sabuti batu pan yang pac’an tingal dipucu batu bukai nya yang entah paca’an di pocahan.” Awal mula Pandarita an ³ Dan, sementara yesus tongan dudu di pucu bukit zaitun yang manghadap rumah allah petrus, yakobus, dan yohanes, dan andreas, batanya ka yesus salah sansikuan, ⁴ Bori tahu kami, samila hal-hal inyan paca’an manjadi, tanah namun samua inyan paca’an jadi atau salesai?” ⁵ Lalu yesus mulai bapanir ka siaan ,“ ba hati-hati tam gola ada yang hona manyasatan kolay. ⁶ banya urang paca’an datank dalam nama ku, bakata, “akuilah dia.” Dan, sia paca’an manyosatan banya urang. ⁷ Waktu kolay mandinga hal patompuran, dan brita-britahal tompur, jangan gola. Inyan nie harus bakajadian tapi ahir dari samuannya bolum bakajadian. ⁸ Bangsa paca’an angkat malawan bangsa, dan karajaan malawat karajaan, paca’an bakajadian gempa bumi di muna tempat; paca’an ada kalaparan. Inilah awal dari rasa podih malahiran. ⁹ Tapi jagalah diri kolay, sobab sia paca’an manyarahan kolay ka pangadilan, dan kolay paca’an di paduda an, di sinagoge dan kolay paca’an badirin di hadapan sanhedrin dan raja-raja karna aku, pakai kasaksian bagi sia. ¹⁰ Dan injil harus lobih holu di britaan ka samua bangsa. ¹¹ Dan saat sia mambaba kolay dan manyorahan kolay jangan kuatir holu agan apa yang harus kolay paniran, tapi paniran ja apa yang dikarunian ka kolay waktu inya kareana bukay nya kolay yang bapanir tapi roh kudus. ¹² Dan salah siku samadingan paca’an manyorahan samadingan nya ka kamatian dan ompai nya ka ana’a nya. Bala bia paca’an angkat malawan urang tuhan nya dan mambunuh sia. ¹³ Dan kolay paca’an dibonci bala urang obay nama ku, tapi urang yang totap batahan sampai akhir paca’an disalatan. Hal Jahainya Manyobab an Kahancuran ¹⁴ Tapi waktu kolay maniat pamburu kejam badirin di tompat yang tidak seharusnya (bala pambaca mudahan tam mangoroti), sia yang ada di yudea harus lari ka pagunungan. ¹⁵ Urang yang ada dihatap rumah jangan turun atau mans ka dalam rumah akay mangaluaran apa pan dari dalam rumah. ¹⁶ Dan, urang di huma jangan babalik akay manguti jubahnya. ¹⁷ Calakah lah sia yang tongahan buntik kan dan sia tongahan manyusuai bayi-bayi nya pada hari-hari inyan. ¹⁸ Bado’a lah akay jalu ini ntah tajadi dimusim colap. ¹⁹ Sobab, dihari-hari inyan paca’an tajadi waktu pandaritaan bosar yang bolum kala tajadi dari awal panciptaan, yang tuhan ciptaan sampai dua, tiga arian ni. Dan paca’an ntah kala tajadi lagi. ²⁰ Dan amun tuhan ntah mamanaan hari-hari inyan, paca’an ntah siku pan yang di salamat an . ²¹ Udahan, amun ada urang bapanir ka kolay, “lihat kristus ada disini ! atau lihat ada yesus di nuhun!” jangan mamparcayai nya. ²² Sobab, mesias-mesias palsu dan nabi-nabi palsu paca’an angkat dan manunggu’an tanda-tanda dan kaajaiban-ajaiban akay manyosat an, amun ulih, bahkhan urang-urang pilihan. ²³ Ingat lah ! ku padahan samua am ini ka kolay sabolumnya. ²⁴ Tapi dihari-hari inyan, habis tajadi masa pamboritaan bosar; mata ari paca’an jadi potong, dan bulan entah basinar. ²⁵ Binatang-binatang paca’an bajatuaan dari langit paca’an bagoncang. Kadatang Ana’a Mansia ²⁶ Udahan, sia paca’an niat ana’an mansia datank dalam awan agan kuasa dan kemulian bosar. ²⁷ Lalu inya paca’an mangirim malaikat-malaikat dan mangumpulan yang dipilih dari ka empat arah mata angin, dari hujung-hujung bumi sampai ka hujung-hujung langit. ²⁸ “Balajar tam dari parumpamaan pohon ara; waktu dahan-dahan nya jadi lomah dan daun-daun nya kaluar, maka kolay tahu bahwa musim padi dampik am. ²⁹ Uba inyan jam agan kolay amun kolay maniat jolu ini tarjadi, katahuai tam bahwa inya dampik am, di samang pintu. ³⁰ Aku mangataan yang sabonar nya agan kolay, generasi ini nah kalaluan sampai samua ini tajadi. ³¹ Langit dan bumi paca’an balalu tapi firman ku paca’an ntah kala kalaluan ai. Waspada dan Bajaga-jaga Tam ³² Tatapi, mangona ai hari jam inyam, ntah ada siku urang pan yang tahu, ntah jam malaikat-malaikat di surga, biar pan ana’a baya ompai. ³³ Ingat tam, bajaga jaga tam, sobab, kolay ntah tahu samila waktunya paca’an datank. ³⁴ Jolu ni uba urang yang tongahan pajalatan, waktu inyan maninggilan rumah dan mangonyu kuasa ka palayan-palayan nya, agan gawian masing-masing dan manyuruh panjaga pintu akay tontai bajaga jaga. ³⁵ Oleh inyan bajaga-jaga lah obay kolay ntah tahn samila tuan rumah paca’an datank babahari, atu tongah malam, atau waktu manu bakuku atau waktu dinih hari, ³⁶ Jangan sampai inya datang dan kajuhukkan nya kolay tongahan tidu. ³⁷ Apa yang aku paniran ka kolay ini, aku paniran jam ka samua urang ; “bajaga jaga tam. !”