kabar Kabangkitan Yesus ¹ Pas hari sabar lalu am, maria magdalena, maria uma yakobus serta salome, udah mamboli rarompah, sehingga sia ulih tula’a dan maminyai Yesus . ² Sunsung tae, pas hari minggu pas matahari timul, sia datank ka pasaran. ³ Sia bapanir satu agan yang lain “sopa yang hona mambaringan batu angai pintu mansu ka pasaran.” ⁴ Tapi pas sia maniat ka pucu, sia maniat batu bosar tae udah tabaring am. ⁵ Lalu, sia mansu ka pasaran, sia maniat saurang pamuda yang makae jubah putih lagi dudu disabolah kanan, sia takonyat. ⁶ Lalu, inya bapanir ka sia, “jangan takonyat, kolay mancari  Yesus urang nazaret yang udah disaliban tae. Inya udah angkat, inya bila ada di si’in tiat tompat sia marobahan Nya. ⁷ Tapi, tula’a tam padahan ka bala muridnya dan ka Petrus obay inya lagi mandahulue kolay ka galilea, disian kolay paca’an batomu agan inya, uba yang udah dipaniran nya ka kolay.” ⁸ Pas, sia kaluar dan malarian diri angai kuburan tae obay sia bagotar dan hiran, lalu sia entah mamaniran laapa-apa ka sopa pan obay sia maha gola’a [dan samua yang udah diparintahan oca sia paniran ka Petrus, dan ka bala pakawalan nya, sia sampaian agan panda. Habis inyan Yesus siku lah yang mautus sia angai timur sampai ka kabar, paca’an manyampaian brita yang kudus dan yang entah dapat binasa tentang kasalamatan kekal. Amin] ⁹ Pas Yesus angkat sunsung tae pas hari pertama angai mingu , inya patama muncul ka maria magdalena yang angai Yesus mausir tujuh roh jahai nan. ¹⁰ Lalu inya pogi mangabara ka sia yang lagi agan Yesus , pas sia tongahan kasusahan dan manangis. ¹¹ Lalu sia mandinga Yesus udah hidup am dan udah ditiatnya, sia entah percaya. ¹² habis kajadian tae, Yesus muncul dalam batu lain ka dua urang angai sia yang lagi bajalat ka laman. ¹³ Lalu sia pulang, lalu mangabaran ka yang lain nya, tapi bala urang tae bila percaya agan sia. ¹⁴ Habis inyan, inya muncul siku ka sabolas muridnya pas sia tongahan dudu makat dan Yesus manogur sia obay entah percaya dan kakorasan hati sia. Obay sia entah percaya ka bala urang yang udah maniat inya habis inya angkat. ¹⁵ Dan inya bapanir kasia, “tula’a tam ka saluruh dunia dan brita’an tam injil ka samua cipta’annya. ¹⁶ Sopa yang udah percaya dan udah dibaptis paca’an disalamat an, tapi sopa entah percaya paca’an dihukum. ¹⁷ Dan tanda-tanda nie paca’an maumpati sia yang percaya : dalam namaku sia paca’an mausir roh jahai : sia paca’an ya agan bahasa-bahasa baru ; ¹⁸ Sia paca’an mamigap ular agan longan sia ; dan bila sia maminum racun yang mamatian. Hal nantae entah manyalakae sia ; sia paca’an malotaan longan sia ka pucu bala urang sakit dan bala urang nantae paca’an somuh. ¹⁹ Lalu, habis Tuhan Yesus mamaniran nya ka sia, inya ta’angkat ka surga dan dudu disabolah kanan allah. ²⁰ Lalu sia dan bosangan dimuna-muna, sementara Tuhan bagawi sasama agan sia dan manotap an firmanNya malalui tana-tana yang dijawabnya.