Kabis Terhadap Duse Ge Idup Sadatn Kristus ¹ Jadi jaibah da arus ite muji a'? Jai bah ite ao' terus umas duse supaya anugerah semakin berlimpah? ² Tentu saja kati! Langkina mungkin ite da laka kabis bagi duse maseh idup ka sadatn a'? ³ Ato kati bak imu pane' bahwa ite samaan da laka gatn baptis ka sadatn Yesus Kristus laka gatn batis a' ka sadatn pangkabis-A'? ⁴ Karna dakoh, ite laka gatn ngubur a' samahu-mahu Ini' ka waktu ite gatn baptis ka sadatn pangkabis-A; supaya samu' ge Yesus da gatn bangkit a' umpatn antara sok kabis lewat kemuliaan Bapa, ite uga boleh bajalatn sadatn pembaharuan idup. ⁵ Sabab, jika ite laka gatn nyatuka' samahu-A ka sadatn keserupaan pangkabis-A, ite pasti uga ao' gatn nyatu a' sadatn keserupaan ka pangkidup-A'. ⁶ Ite pane bahwa talino ama ite laka gatn nyalib a' samahu Kristus ge ungan duse ite kati gatn lenyap a' sehingga ite kati ao' menghamba a' adup agi ka duse. ⁷ Sabab, satiap sok da laka kabis, ni' gatn bebas a' umpatn duse. ⁸ Mati', jika ite laka kabis samahu Kristus, ite pacaya bahwa ite uga ao' idup samahu nige'-A'. ⁹ Ite pane bahwa Kristus da laka gatn mangkidup a' umpatn antara sok kabis kati ao' kabis agi; maut kati agi ba kuasa samo' Ini'. ¹⁰ Sabab, ao' hal kabis-A', Ini' kabis tahadap duse sakali yak selama a', tapi ao' hal idup-A' dakoh, ni' idup yak Jabata. ¹¹ Ladakohlah adupmu', imu' arus nyyadari bahwa adupmu' laka kabis terhadap duse, ge idup yak Jabata ka sadatn Kristus Yesus. ¹² Karna dakoh, usahlah mambiar a' duse menguasai unganmu' da fana sehingga imu' taat terhadap jai da gatn ngate. ¹³ Ge, usah pula nyerah a' anggota-anggota unganmu' ka duse sebagai alat dajahe. Ao' tapi, nyerah a' lah adupmu' ka Jabata sebagai da idup umpatn antara da kabis, ge angota-anggota unganmu' sebagai alat kabenaran Jabata. ¹⁴ Sabab, duse kati ao' ba kuasa samo'mu' karna imu' kati agi idup ka saroh Hukum Taurat tapi ka saroh anugerah. Hamba kebenaran ¹⁵ Jadi, jai da arus ite ngaraje? Jaikah ite ao' umas duse karna kati idup kasaroh hukum Taurat, tapi kasaroh anugerah? tentu saja kati! ¹⁶ Imu pasti pane bahwa ketika imu mangkatn adupmu sebagai budak da taat ka anihal ato sook, imu jadi budak yak pihak da imu taati dakoh; bait ka duse da mimpinmu' nuju maut, ato ka ketaatan da ao' mimpinmu' nuju kebenaran. ¹⁷ Ao' tapi, syukur ka Jabata bahwa imu' da idu anilah budak duse, mati' laka jadi taat sepenuh ate ka pokok-pokok pengajaran da laka gatn ngajat ka imu', ¹⁸ ge karna imu' laka gatn bebaskan umpatn' duse, imu jadi budak kebenaran. ¹⁹ Iko' nyansana ngiak istilah samu talino karna kelemahan dagingmu'. Sabab, samu ge idu imu' mangkatn angota-anggotamu' sebagai budak kenajisan ge kejahatan da berakibat ka kejahatan da rabeh jauh, mati' mangkatnlah angota-anggotamu' jadi hamba kebenaran da ba ujung ka pengudusan. ²⁰ Sabab, ketika imu' maseh jadi budak duse, imu' bebas umpatn kebenaran. ²¹ Namun, keuntungan jai da imu' kaatn umpatn hal-hal da tolodiah umasmu' mangun dakoh? sabab, akhir umaptn samaan hal dakoh anilah maut. ²² Namun mati', ngala gatn bebas a' umpatn duse ge laka gatn hamba a' kat Jabata, imu' katn buah samo' kesucian ge akir a' anilah idup da kekal. ²³ Sabab upah duse anilah maut, tapi karunia Jabata anilah idup da kekal sadatn Yesus Kristus, Tuhan ite.