¹ Jadi, jailah da ao' ite' muji' manganai Abraham, sama' laluhur ite' manurut dagin? ² Karna sak Abraham gatn ngataman nabo' parbuatan'a, ini' ani alasan ya' barmegah, tapi kati' kahadapan Jabata. ³ Sabab, jai da gatn muji' ka Kitab Suci? "Abraham pacaya ka Tuhan ge' Tuhan mamparhitungkan hal diah kaini' jadi kabanaran." ⁴ Ka sok da bakaraje, upah da gatn mangkatn ka ayoa' inyata nyabuah hadiah, tapi hak ayoa'. ⁵ Ge', ka da kati' bakaraje, tapi pacaya ka Jabata da mambenar sok fasik, iman ayoa' gatn mamparhitung sabage nyabuah kabanaran. ⁶ Malahan Daud pun muji' batapa gatn ngaberkat ta sook sak Jabata mamparhitungkan kabanaran ka ini' tampa mile' hal-hal da laka ini' parbuat; ⁷ Barbahagia ta sok da gat ngampun palanggaran-palanggaran'a, ge' da gatn ngalulup duse-duse'a. ⁸ Barbahagia ta ayo sok da duse'a kati' gatn mamparhitung kat Tuhan!" ⁹ Ania berkat diah hanya ya' sok da baturih? atokah uga ya' sok da kati' baturih? Sabab, kai laka muji' bahwa "Iman Abraham gatn ngitung sabage kabanaran," ¹⁰ Lalu, langkina dakoh gatn mamparhitung ka ini'? Da ka tinga ato da ngalaka ini' baturih? Inya da ngalaka ini' baturih, malainkan da katinga ini' baturih. ¹¹ Abraham nyamut tande turih sabage matarai kabanaran iman da ka tinga ini baturih supaya ini' kaatn jadi sama' ka samaan sok da pacaya da kati' baturih sahingga kabanaran dakoh uga gatn mamparhitung ka ayoa'; ¹² sakaligus da jadi sama' ka ayo sok baturih da kati' hanya baturih tapi uga bajalatn sadatn gala' iman da suah gatn nabo kat sama' ite', Abraham, da ka tinga ini' baturih. Abaraham Nyamut Janji Jabata Nabo Iman'a ¹³ janji ka Abraham ge' ka katurunan'a bahwa ayoa' ao' kaatn samaan tana paitn kati' ao' gatn panhu nabo Hukum Taurat, tapi nabo' kabanaran iman. ¹⁴ Sabab, sak ayoa' da baasal umpatn Hukum Taurat kaatn jadi ahli waris, maka iman ngajadi sia-sia ge' janji Jabata gatn ngabatal; ¹⁵ sabab, Hukum Taurat mangkutukng murka, tapi sak kati' ani Hukum Taurat, maka ka teetn uga kati' ani palanggaran. ¹⁶ Dialah kajai janji dakoh barasal umpatn iman, supaya janji dakoh badasar wa' kasih karunia singge janji dakoh uga nyampe wa, katurunan Abraham; inya hanya da baasal umpatn Hukum Taurat, tatapi uga da baasal umpatn iman Abraham, da anilah sama' ite' smaan, ¹⁷ (ulah da tatulis, "Iko' laka umasmu' jadi sama' ya' karah bangsa") ka tura' Jabata, da ini' mecaya, kohtalah Jabata da mangkatn kaidupan wa' sok kabis ge' da ngadu tarutn da katinga ani jadi ani. ¹⁸ Sadatn pangharapan ka tumukng pangharapan ini' pecaya, singge ini' buleh jadi sama' umpatn karah bangsa sasue nige' da nga gatnmuji', "Ao' jadi ladakohta katurunanmu'." ¹⁹ Ge', nige' kati; jadi lamah sadatn iman, biarpun ini' panane ungan adup a' hampir kabis karna umur a' kira-kira 100 taun ge' buhul Sara uga nga kabis; ²⁰ ii' kati' gatnngabimbang tarhadap janji Jabata kat kakatipacayaan. Sabalik a', iman a' gatnnguat singge ini' mangkatn kamuliaan wa' Jabata, ²¹ ge' misa' yakin bahwa Jabata bakuasa umas jai da nga gatn-Na' ngajanji. ²² Karna dakohtalah, iman a' "gatnngitung sebage kabenaran." ²³ Namun, hal dakoh kati' hanya gatnnulis ya' kapentingan Abraham sadik, ²⁴ tatapi uga' ya' dite'. Hal dakoh ao' gatnngitung wa' ayoa' da pecaya wa' Ini' da ngadu Yesus umpat idup, Tuhan ite', umpatn antara sok kabis. ²⁵ Dakohta, Yesus da nga gatnnyarah ya' kabis karna duse ite', ge' nga laka gatnngadu umpat idup ya' ngangkataman ite'.