¹ Karna Dakoh, imu' kati bisa ngila agi, hei talino, asipun da ngakimi sok laitn, sabab, waktu imu' ngakimi ayo' a', imu' uga ngakimin adupmu'; sabab, imu da ngakimin uga umas a' hal-hal da samu'. ² Ite pane bahwa pangakiman Jabata gatn ngajantu nige' adil ka samaan sok da umas hal-hal samu' dakoh. ³ Ao' tapi, ani bak imu' ngira bisa rapas umpatn pangakiman Jabata, hei talino, yaitu imu' da ngakimi ayo' a' da umas hal-hal samu' dakoh, tapi uga umas hal da samu? ⁴ Ato, ani bak imu' nganggap remeh kakayaan kamurahan-Ni, kasabaran-Ni, ge kalapangan ate-Ni nige' kati panane bahwa kabaikan Jabata batujuan yak mimpin imu ka pertobatan? ⁵ Ao' tapi, karna sikap abakmu' karas ge atemu' da kati tuh ba tobat, imu' sadang mana murka ka adupmu' sadi yak ando' kemurkaan waktu pangakiman da batol umpatn Jabata gatn nyata ta. ⁶ Ni' ao' malas samaan sok sasuai nige parbuatan ayo' a' masing-masing; ⁷ yaitu kahidupan kekal wak ayo' a' da nige' uncot ta sadatn parbuatan baitn najo kamuliaan ge kahormatan, ⁸ tapi murka ge kemarahan wak ayo' a' da mamentingkan adup a' sadi ge kati menaati kabenaran, tapi nganang da kati benar. ⁹ Ao' ani pandaritaan ge kasulitan ka samaan jiwa sok da umas jahe', pa tama-tama wak sok Yahudi ge uga sok yunani. ¹⁰ Namun, kamuliaan, kahormatan, ge damai sejahtera ao' ani yak samaan sok da umas da baitn, pa tama-tama wak sok Yahudi ge lakadakoh waksok Yunani. ¹¹ Sabab, Jabata kati mambeda-beda a' sok. ¹² Yak ayo' sok da umas dose tanpa nganal Hukum Taurat, ayo' a' ao' binasa tanpa Hukum Taurat. Namun, ayo' sok da umas dose ka sa saroh Hukum Taurat ao' gatn ngakim badasarkan Hukum Taurat. ¹³ Sabab, inya da dangah Hukum Taurat da gatn benarkan ka hadapan Jabata, tapi sok da umas a' da ao' gatn muji benar. ¹⁴ Sabab, waktu sok inya Yahudi da kati ani Hukum Turat manjalankan secara alami jai gatn nuntut kat Hukum Taurat, maka ayo' a', da kati umpu Hukum Taurat, anilah Hukum Taurat yak adup ayo' a' sadi. ¹⁵ Hal diah menunjukan bahwa parbuatan Hukum Taurat dakoh gatn nulis ka asadtn ate ayo' a', nurani ayo a' mangkatn kesaksian, ge pikiran ayo' a' ao' saling nuduh ato bela ayo' a', ¹⁶ Ka ano waktu Jabata ao' ngakimin pikiran-pikiran talino da ta sukatn lewat Yesus Kristus sasuai nige' Injilko'. Sok Yahudi ge Hukum Taurat ¹⁷ Ao' tapi, sa imu' muji adupmu' sok Yahudi de bagantung wak Hukum Taurat, gae bermegah ka sadatn Jabata, ¹⁸ mengenal kehendak-A', nyatujui jai da bait, laka gatn ngajar mengenal Hukum Taurat, ¹⁹ ge yakin bahwa adupmu anilah panirik yak ayo' sok da buta, tarakng yak ayo' sok da madi kasadatn kagalapan, ²⁰ pangajar yak ayo' sok da baga, guru yak ayo' sok da tingga dewasa, ge karna umpu perwujudan pengetahuan ge kebenaran ka sadatn Hukum Taurat, ²¹ maka hei imu' da ngajar sok laint, jai imu' kati ngajar adupmu' sadi? imu' da ngajar yak kati nangko, katibak imu' sadi nangko? ²² imu' da mingat sok ba bayu, katibak imu' sadi ba bayu? imu' da bagak ge berhala-berhala, katibak imu' sadi ngarampok ramin berhala? ²³ imu' da bangga ka Hukum Taurat justru manyangunJabata nige' ngalangar hukum-A'! ²⁴ Sabab, samu ani gatn nulis: "Gaatn Jabata gatnhujat ka antara bangsa-bangsa laint karna imu'." ²⁵ Turis memang umpu nilai a' jika imu' mematuhi Hukum Taurat, tapi jika imu sok da ngalangar Hukum Taurat, maka turismu jadi kati ba turis. ²⁶ Jadi, jika da kati baturih umas parintah-parintah ka Hukum Taurat, inyabak da kati baturih dakoh gatn ngitong uga sebagai baturih? ²⁷ Ge, katibak sok da kati basunat secara lahiriah, jika ni' nganang Hukum Taurat, ao' ngakimi imu', sok' da meskipun umpu Hukum Taurat ge ba turis, tapi uga ngalangar hukum? ²⁸ Sabab, da gatn muji Yahudi sejati katibak sok da tampak umpatn luar sadi, ge sunat da sa sungguh a' katibak turis ka ungan sadi. ²⁹ Sook Yahudi sejati anilah sok da batin a' sunguh-sunguh Yahudi, ge sunat da sa sungguh a' anilah sunat da gatn umas ka ate, da gatn manjalankan kat Roh, inya kat hukum ta tulis. Pujian ka sok samu diah inya utukng umpatn talino, tapi umpat adup Jabata.