1 Jadi, ite ta da kuat arus nanggong kalamahan sok da kati kuat, ge' kati ngankawhat'n adup sadi. 2 aruslah samaan sok wak antara ite ngankawhat'n samu ka adup'a demi kebaikan'a, ya' mantagut'n rohani'a. 3 Sa;, Kristus kati ngangkawhat'n adup-A sadi, tapi ulah ani gat'n nulis, "Sarat'n-sarat'n hinaan ayo'a, da manghina-Mu', laka nimpa Iko'." 4 Sa', ani pun da gat'n nulis urulaka gat'n nulis ya' ngajar ite supaya nabo katekunan ge' panghiburan da gat'n mangkat'n Kitab Suci, ite kaat'n umpu pangharapan. 5 Samoga Jabata, sumber kasabaran ge' panghiburan mangkat'nmu' anugerah ya' kaat'n idup ka sadat'n kasehatian nyiteng samu lait'n sasuai nige Yesus Kristus, 6 sahingga nige sa'ate ge' nyiteng sarat'n imu' mamuliakan Jabata ge' Bapa Tuhan ite Yesus Kristus. 7 Barang dakoh, narimalah nyiteng nige da lait'n, samu ulah Kristus uga narima ite demi kamuliaan Jabata. 8 Iko' muji ka imu' kalo Kristus laka jadi palayan bagi ayo-sok da baturih demi kabenaran Jabata, diu'ta ya' naguh janji da gat'n mangkat'n ka ninek moyang ite, 9 ge' ya' bangsa-bangsa inya Yahudi supaya ayo'a mamuliakan Jabata ka samo pamase-A Ulah ani gat'n nulis, "sa' dakoh, iko' aok mamuji-Mu wak antara bangsa-bangsa inya Yahudi; ge' iko' aok ngado mazmur ya' gaat'n-Mu." 10 Ge' agi wat'n'a "Basukacitalah hei bangsa-bangsa, samahu nige umat Jabata!" 11 Ge' agi, 'Pujilah Tuhan hei sagala bangsa! kate'a samaan umat mamuji Tuhan." 12 Ge', Yesaya nyansana agi, "Aok utukng umpat'n katurunan Isai, ge' Ini' aok bangkitya' marintah bangsa-bangsa , ge' wak sadat'n Ini', bangsa-bangsa aok baharap." 13 Kira'a Jabata sumber pangharapan mamenuhimu' nige sagala sukacita ge' dame sejahtera ka sadat'n imanmu' sahingga imu' aok balimpah wak sadat'n pangharapan uleh kuasa Roh Kudus. Palayanan Paulus ka Ayo-sok Inya Yahudi 14 Ayo-ageko', iko' sadi gat'n yakin tentang imu' pahnu nige kabaikan, malimpah nige sagala pangetahuan, ge' sanggup manasehati satu nige da lait'n. 15 Tapi aok'a, iko' laka nulis nige sabgat barabi ka imu' manganai mani hal ya' ngingatmu' kambali, barang anugerah da laka Jabata mangkat'n ka iko', 16 iko' jadi palayan Yesus Kristus bagi bangsa-bangsa inya Yahudi sabage imam bagi Injil Jabata, sahingga bangsa-bangsa inya Yahudi kaat'n jadi parsambahan da bakanan, da gat'n ngudus uleh Roh Kududs. 17 Dakohlah sabab'a, ka sadat'n Yesus Kristus, iko' buleh bamegah manganai hal da ko'bulah demi Jabata. 18 Sa', iko' kati aok barani nyansana da lait'n, kacuali da laka gat'n bulah Kristus nabo iko', ya' umas bangsa-bangsa inya Yahudi taat uleh parkataan ge' parbuatan, 19 nabo kuasa tande-tande ajaib ge' mukjizat-mukjizat, nabo kuasa Roh Roh sahingga umpat'n kota Yerusalem ge' sakalil;ikng'a sampe ka Ilirikum, iko' laka nyarita sapahnu'a Injil Kristus. 20 Ladiah ta lah iko' nekad ya' nyarita Injil wak tampat Kristus ti' nga gat'n nganal supaya iko' iya' mambangun wak samo dasar da laka gat'n mana' sok lait'n. 21 Ulah ani gat'n nulis, "Ayo'a da ti'nga parnah narima barita tentang Ini' aok mile, ge' ayo'a da kati parnah dangah aok ngarati." Rancana Paulus Bakunjung Kota Roma 22 Diahlah sabab'a iko' sering kali taralang ya' bakunjung ka imu'. 23 Tapi aok'a, barang kati ani agi tampat wak daerah diah, ge' barang iko' laka bataun-taun tuhi'a ngate bakunjung ka imu', 24 maka jangkah iko' anu ka Spanyol, iko' baharap kaat'n singgah ge' badaput nigemu' sahingga imu' kaat'n mambantuko' ka teet'n, ngalaka idu maan iko' gat'n sukacita samahumu' ya' sesaat 25 Tapi aok'a mati', iko' anu ka Kota Yerusalem ya' malayani ayo-sok kudus, 26 Sa' Makedonia ge' Akhaya nige sanang ate mangkat'n sumbangan ka sok miskin wak antara ayo-sok kudus wak Yerusalem. 27 Ayo'a aru sanang umas'a, barang dakoh memang kawajiban ayo'a. Barang sa' bangsa-bangsa inya Yahudi laka narima bagian ka sadat'n hal-hal rohani umpu sok Yahudi ka sadat'n kabutuhan jasmani ayo'a. 28 Barang dakoh, jangkah iko' laka nyalasai tugas diah ge' materai hasil diah ka ayo'a, iko' aok anu ka Spanyol nabo kotamu'. 29 Iko' pane kalo jangkah iko' bakunjung, iko' aok utukng ka sadat'n da pahnu barakat Kristus. 30 Mati', iko' mahi ka imu', ayo-age, demi Tuhan ite Yesus Kristus ge' demi kasih Roh, ya' bagumul samahu-mahu nigeko' ka sadat'n doa ka Jabata ya' adupko', 31 supaya iko' gat'n ngarapas umpat'n ayo-sok da kati taat wak Yudea, ge' supaya palayananko' demi Yerusalem bakanan bagi ayo-sok kudus. 32 Ge', supaya uleh kahendak Jabata iko' kaat'n utukng ka imu' nige sukacita, gae bauleh kasagaran wak antara imu'. 33 Kira'a dame sejahtera Jabata manyertai imu' sakalian. Amin.