Parumpamaan Mengenai Pangambhur ¹ Ge, Yesus mule ngajar agi ka suut Danau. Bakumpur ta sok da karah nguram Yesus da jumlah a' karah singga Ini' makka ka sadatn nyabuah parahu ge unyung ka sammo' Danau. Samanatara, sok da karahdakoh ani ka dayyu, ka suut Danau. ² Ge, Ini' ngajar ayo' a' nyansana karah macam hal nige' parumpamaan -parumpamaan-A', Ni' nyansana wak' ayo' a'. ³ "Dangah mih! Ani nyungan pangambhur da anu ya' ngambhur. ⁴ Maka tajadi ta, jangkah Ini' agi ngambhur, ani mani bane jantu ka suutn gala, ge manuk-manuk utukng, ya' uman a'. ⁵ Nyabagi jantu ka samo' tana' da babatu da kati' karah tana' a'. bane dakoh langsung idup nige' capat karna tana' a' kati' darupm. ⁶ Jangkah matu ano samangkin paras, pamura' dakoh sahu ge karna kati' ba uhatn, pamura dakoh jadi karing. ⁷ Nyabagian jantu ka tuda-tuda rumpo' unak. lalu, rumpo unak dakoh makhat ge' ngapit pamura dakoh sampe kabis, ge pamura dakoh kati' ngasel buah a'. ⁸ Namun, da nyabagi jantu ka tana' da baitn ge ngasel buah, makhat, ge samakin ahyo, ge ngasil a' taru puluh kali lipat, unum puluh kali lipat, ge saratus kali lipat." ⁹ Laka dakoh, Yesus nyansana, "Asi da umpu rajak yak dangah, Tea ta ini' dangah!" ¹⁰ Jangkah Yesus adup-adup-A' sadi, sok ka ngaliling-A', samahu nige' kadua balas rasul, mansikatn ka Ini' mengenai parumpamanan-parumpamaan dakoh. ¹¹ Lalu, Ini' naham ayo' a', "Rahasia Kerajaan Jabata laka gatn mangkat ka imu'. Ao' tapi, ka ayo' sok laitn, satiap hal gatn nyampe a' sadatn parumpamaan-parumpamaan, ¹² sapaya, 'sak kaatn mile' pun, ayo' a' mile' ge kati pane a' ge sak kaatn dangah pun, ayo' a' dangah ge' kati paham sapaya ayo' a' iyak' batobat ge gatn ngampun." Panjalasan mengenai Bane sadatn Parumpamaan Pangkhambur ¹³ Laka dakoh Yesus nyansana wak' ayo' a', "Kati' a' imu' pane parumpamaan diah? Langkina imu' kaatn ngarati samaan parumpamaan dakoh? ¹⁴ Pangamphur dakoh ngambhur Firman. ¹⁵ Ayo' a' dakoh anilah ayo' sok da jantu ka suutn gala, tampat Firman dakoh gatn gambhur a'. waktu ayo' a' dangah, nige' segera ta balis utukng ge nyiong Firman da gatn gambhur ka ayo' a'. ¹⁶ Lakoh uga, ayo' a' da gatn ngambhur ka tanada babatu anilah ayo' sok da dangah Firman ge langsong narima ge auhatn ate. ¹⁷ Ao' tapi, ayo' a' kati' ba uhatn ka sadatn adup a' sadi' ge hanya batahan sabantar. Lakadakoh, jangkah utukng kasusahan ato panganiayaan karna Firman dakoh, ayo' a' langsong jantu. ¹⁸ Ge, laitn a' anilah da jantu ka tuda-tuda rumpo unak. ayo' a' anilah ayo' sok da dangah Firman, ¹⁹ tapi kakuatiran ka dunia, ge hawa nafsu ka kakayaan ge pangattea ka hal-hal laitn maruh ka antara Firman dakohge ngapit a' singga ini' kati' kaatn ngasel buah. ²⁰ Namun, ayo' a' da gatn ngambhur ka tana da baitn anilah ayo' a' dangah Firman, nyamutn a' ge ngasel buah taru puluh kali lipat, unum puluh kali lipat, ge saratus kali lipat. Parumpamaan mengenai Palita ²¹ Lalu, Yesus nyansana ka ayo' a' palita kati' gatn minsakng ya' manak a' ka saroh gantang ato ka saroh parak' pabuis? inya ta palita dakoh saharus a' gatn manak' ka sammo' kaja palita? ²² Sabab, kati' ani da tatutup da kati' gatn nyuak. La dakoh uga, kati' ani rahasia jai pun karna hal dakoh ao' gatn nyuak. ²³ Sa ani sok da umpu' rajak yak dangah, tea ta ni' dangah!" ²⁴ Lalu, Yesus nyansana ka ayo' a', "Mamparhati ta jai da mu' dangah . ukuran da imu' ngiak ao' gatn ngukur ka imu', ge maseh ani agi da ao' gatn nambah ka imu'. ²⁵ Karna asi da umpu, ini' ao' gatn mangkatn agi, tapi asi da kati umpu' jai pun uga da ani wak a' ao' gatn nangkap umpatn ini'. ²⁶ Laka dakoh, Yesus nyansana, "Karajaan Jabata anilah samu ge sool da ngambhur bane ka tana. ²⁷ Pangambhur dakoh buus ge umpatn tana ge ngarum ge bane dakoh ngaluar tarimang a' ge makkat. pangambhur dakoh kati' pane langkina ta jadi. ²⁸ Tana dakoh ngasel buah nige' cara adup a' mule-mule tarimang, laka dakoh iteng, lalu igi-igi gandum ka sadatn iteng dakoh. ²⁹ Jangkah igi-igi gandum dakoh ansak, sol dakoh capat-capat ngutump a' karna musim panen nga utukng. ³⁰ Laka dakoh, Yesus nyansana, "Nige' jai lah ite kaatn mambanding karajaan Jabata? ato, nige' parumpamaan jailah ite kaatn mambanding a'? ³¹ Karajaan Jabata dakoh samu ge igi sasawi da gatn ngambhur ka tana walopun igi dakoh anilah igi da paling inek ka antara samaan igi ka tana paitn. ³² tapi jangkah gatn ngmbhur, igi dakoh ao' idup ge jadi labih ahyo daripada samaan pamura kabon, ge ngaluar daatn-daatn ahyo singga manuk-manuk ka udara kaatn umas sare' a' ka saroh panggalook a'. ³³ Nige' ngiak karah parumpamaan samu dakoh, Yesus ngabar Firman ka ayo' a', sasuai ge da kaatn ayo' a' dangah. ³⁴ Ni' kati' suah nyansana ka ayo' a' tampa nyabuah parumpamaan, tapi Ni' man jelas samaan nige' adup-adup ka ayo' murid-murid-A'. Yesus ngangkah Nyaru Topan ³⁵ Ge, ka ano dakoh, jangkah nga ngarami Yesus nyansana ka ayo' murid-A', " Kaehlah ite ano ka sa sabarang danau." ³⁶ Laka dakoh ngagatn sok karah dakoh, ayo' a' minsakng Yesus samahu ayo' a' maruh ka perahu tampat Yesus madi. ge, parahu-parahu laitn a' samahu nige'-A. ³⁷ Lalu, ta jadi nysru topan da dahsyat ge ombak ahyo ngampas parahu singga parahu pun akhir a' panhu ge paitn. ³⁸ Namun, Yesus ani ka dampah kapal, buiska samo bantal. Maka, ayo' a' ngias-A' ge nyansana wak-A', "Guru, jailah imu' kati' paduli sak ite kabis? ³⁹ Laka dakoh, Yesus umpatn ge ngaratok nyaru lalu nyansana ka laut, "Madi! Tanang nih! maka, nyaru dakoh baranti ge jadi aru tanang. ⁴⁰ Laka dakoh, Ni' nyansana ka ayo' a', " Jailah imu' buut tao? anita imu tingga umpu iman? ⁴¹ Ayo' a' jadi aru buut ge nyansana nyungan ge da laitn Asilah Ini' dakoh? bahkan nyaru a' kancang ge laut pun taat ka Ini'!