¹ Ge', Yesus maruh agi ka sinagoge, ge' wak teet'n ani sook da barekng'a lumpuh sabalah. ² Ayo'a namparu Yesus yak mile diu'ta Ini' aok ngangkawhat'n sok dakoh pas ano Sabat sahingga ayo'a kaat'n kaat'n nuduh Ini'. ³ Lalu, Yesus nyansana ka ayo da barekng'a lumpuh nyiteng dakoh, "Agut'nlah wak tauda-uda." ⁴ Ge', Yesus nyansana ka ayo'a, "Diu'ta buleh babuat bait ato babuat jahe pas ano Sabat? Nyalamat singat ato ngamis?" Tapi, ayo'a diam. ⁵ Laka dakoh, Yesus mile kalilikng'a ayo'a nige baji. Ini' aru sedih ka samo ate ayo'a da karas. Lalu, Yesus nyansana ka sok da barekng'a lumpuh nyiteng dakoh, "Mana' barekngmu'."Ge', sok dakoh mana' barekng'a, ge' barekng'a jadi awhat'n. ⁶ Barang dakoh, ayo-sok Farisi japat anu, ge' mule basakongkol nige ayo-sok Herodian da ngalawan'a tentang langkina ngamis'-A. Karah Sok Nganang Yesus ⁷ Tapi, Yesus ngajauh adup nige murid-murid-A ka timu', ge' sajumlah aihyo sok umpat'n rapo Galilea nganang INi', ge' umpat'n Yudea, ⁸ umpat'n Yerusalem, Idumea, rapo pajah sungi Yordan, ge' uga umpat'n sakita Tirus ge' Sidon, karah sok jangkah dangah samaan da Yesus umas, utukng ka Ini'. ⁹ Barang sok karah dakoh, Yesus nyansana ka murid-murid-A supaya nyiap nyabuah parahu bagi-A sahingga ayo'a kati ngalabak Ini'. ¹⁰ Barang Yesus laka ngangkawhat'n karah sok, maka samaan sokda umpu panyakit malar ngalabak-ngalabak supaya kaat'n aboh-A. ¹¹ Ge', jangkah roh-roh najis mile Yesus, ayo'a basujud wak tura-A ge' ngampak, "Akup'm diu'ta Anak Jabata!" ¹² Tapi, Yesus mingat karas ayo'a yak muji' asi Ini'. Yesus mile dua balas Murid-A ¹³ Lalu, Yesus maka' ka bukit ge' ngundang ayo-sok da Ini' kahendaki yak samahu-A, ge' ayo'a pun utukng ka-Ini'. ¹⁴ Ini' mile dua balas sok sahingga ayo'a kaat'n samahu nige-A ge' Ini' kaat'n ngutus ayo'a yak bakhotbah, ¹⁵ ge' mangkat'n kuasa yak nguser sitan-sitan. ¹⁶ Yesus mile kadua balas sok dakoh: Simon (da ka ini' Yesus mangkat'n gaat'n Petrus), ¹⁷ Yakobus, anak Zebedeus, ge' Yohanes, age Yakobus (da ka ini' Yesus mangkat'n ayo'a gaat'n Boanerges, arti'a "Anak-anak Guruh"), ¹⁸ Andreas, Filipus, Bartolomeus, Matius, Tomas, Yakobus, anak Alfeus, Tadeus, Simon sok Zelot, ¹⁹ ge' Yudas Iskariot, da mangkhianati Ini'. Kuasa Yesus Barasal umpat'n Jabata ²⁰ Laka dakoh, Yesus maruh ka nyabuah ramin, ge' bakumpur ka teet'n sahingga Yesus ge' murid-murid-A bahkan kati bisa uman roti. ²¹ Jangkah kaluarga-A dangah hal diah, ayo'a utukng yak minsakng Yesus kambali barang ayo'a nyansana kalo Ini' laka kati waras agi. ²² Ge', Ahli-ahli Taurat da disah umpat'n Yerusalem muji'a, "Ini' karasukan Beelzebul! "Ge' Ini' nguser sitan nige kuasa pamimpin sitan." ²³ Lalu, Yesus maba ayo'a utukng ka-Ini', ge' nyansana nige manggune parumpamaan, "Langkina bisa Iblis nguser Iblis? ²⁴ Sa' nyabuah karajaan ba pucuh-pucuh malawan adup'a sandiri, karajaan dakoh kati kaat'n batahan. ²⁵ Ge', sa' nyabuah ramin bapucuh-pucuh malawan adup'a sandiri, ramin dakoh kati aok kaat'n batahan. ²⁶ Sa' Iblis bangkit malawan adup'a sandiri ge' bapucuhupucuh, ini' kati kaat'n batahan, tapi barakhir riwayat'a. ²⁷ Kati ani sook pun kaat'n maruh ka ramin sok da kuat ge' ngarampok harta benda'a, kacuali talabih uru ini' ningo sok kuat dakoh, maka barulah ini' kaat'n ngarampok ramin'a." ²⁸ "Iko' muji' da subanar'a ka imu', samaan duse ayo-kangot talino kaat'n gat'n ngampun, ge sagala mahujat da ayo'a ngucap. ²⁹ Tapi aok'a, asi da manghujat Roh Kudus kati aok gat'n ngampun, malait'nkan basara barang duse kekal." ³⁰ Sa', ahli-ahli Taurat dakoh nyansana, "Ini' karasukan roh najis." kaluarga Yesus da sasungguh'a ³¹ Laka dakoh, sino' ge' ayo-age Yesus utukng ge' agut'n wak sato ramin. Ayo'a ngadu sok ka-Ini'. ³² Bakubu sok sadakng unyung kalilikng Yesus ge' ayo'a nyansana ka-Ini', "Mile, sino'-Mu' ge' ayo-ageMu' ani wak sato sadakng najo Akup'm." ³³ Ge', Yesus naham ayo'a ge' nyansana, "Asi sino'-Ko' ge' ayo-age-Ko'?" ³⁴ Laka dakoh, Ini' namparu ayo-sok da unyung ngangkalilikng-A ge' nyansana, "Milelah, diah sino'-Ko' ge' ayo-age-Ko'! ³⁵ Sa', asi saja da bulah kahendak Jabata diu'ta age are-are-Ko', ge' age da mahu-Ko', ge' sino-Ko'."