¹ Ano maseh baru ngakkap, ayo imam kapala umas nyabuah parundingan nige' ayo ama-ama, ge' ayo ahli Taurat, ge' uga' smaan Sanhedrin. Ge' , ayoa' ningo' Yesus, minsakng-A wa' Pilatus. ² Lalu, Pilatis mansikatn wa'-Ini', "Anita Akupm Raja sok Yahudi?" Ge', Ini' nahama', "Akupm da muji' a'." ³ Ngalaka dakoh, ayo imam kapala ti' madi-madi manuduh Yesus. ⁴ Ge', Pilatus mansikatn agi' wa'-Ini', "Anita imu' kati' nahama? Mile', mani karah tuduhan ayoa' ya' malawan-Mu'." ⁵ Tapi. Yesus ti' agi' naham singge Pilatus heran. Yesus ge' Barabas ⁶ Wa' ano Raya Paskah, Pilatus biasa a' ngarapas bagi ayoa' nyungan tahanan da ayoa' mahi'. ⁷ Ge', ani nyungan da bagaatn Barabas nga gatnnahan samahu ayo pambarontak da ngamis sadatn pambarontakana', ⁸ Sok karah utukng ge' mule mahi ka Pilatus ya' umas ulah kabiasaan da ini' umas bagi ayoa'. ⁹ Ge', Pilatus naham ayoa' nige' nyansana, "Anita imu' ituh supaya iko' ngarapas ya'dimu' Raja sok Yahudi diah?" ¹⁰ Sabab, ini' pane bahwa ayo imam kapala nga nyarah Yesus karna iri ate. ¹¹ Tapi, ayo imam kapala malah mampangaruhi Barabas. ¹² Lalu, Piltus nyansana agi' ka ayoa', "Jadi, jai da arus iko' umas nige' Sok da imu; muji' Raja sok Yahudi diah?" ¹³ Ge', ayoa' ngampak-ngampak agi, "Salibkanta Kini'!" ¹⁴ Lakadakoh, Pilatus nyansana wa' ayoa', "Kajai? Kajahatan jai da laka' Ini' umas?" Namun, ayoa mangkin karas agi' ngampak-ngampak, "Nyalibta Ini'!" ¹⁵ Karna ngatte muas ate sok karah, Pilatus ngarapas Barabas ya' ayoa', ge' ngalaka nyambuk Yesus, ini' nyarah-A ya' gatnnyalib. Yesus Gatnngolok ge' Gatnnyiksa ¹⁶ Ge', ayo prajurit minsakng Yesus maruh ka istana, kohta gedung pangadilan, ge' ayoa' maba' smaan pasukan bakumpur. ¹⁷ Lalu, ayoa' nakkat-A jubah ungu, ge' ngalaka nganyam nyabuah mahkota da baunak, ayoa' nakkat a' wa' Yesus. ¹⁸ Lakadakoh, ayoa' mule nyampe salam wa'-Ini', "Salam, Raja sok Yahudi!" ¹⁹ Ge',ayoa' mukol abak-A nige' nyabuah tarekng ge' ngaruja'-A, lalu sujud nyambah-A. ²⁰ Ngalaka ayoa' ngolok-ngolok Yesus, ayoa' muka' jubah ungu Yesus, ge' nakkat pangiak Adup-A . Lalu, ayoa' minsakng Yesus mungkas ya' nyalib-A. Panyaliban Yesus ²¹ Ge', ayoa' makse sok da agi lewat, Simon sok Kirene, da agi' utukng umpatn desa, apa' umpatn Aleksander ge' Rufus, ya' mikul salib-A. ²² Lalu, ayoa' minsakng Yesus ka tampat da bagaatn Golgota, da ratia "Tampat Tangkorak". ²³ Ayoa' mangkatn-A anggur bacampur mur, tatapi Ini' kati' naap a'. ²⁴ Lakadakoh, ayoa' nyalib Ini' ge' magi-magi pangiak-A ka antara ayoa', gae nyangkahatn undi ya' nantu bagian dume da kaatn gatnnaap kat masing-masing. ²⁵ Ge', no' dakoh jam kataru jangkah ayoa' nyalib-A. ²⁶ Ge', tulisan manganai tuduhan tarhadap Yesus tartulis, "Raja Sok Yahudi." ²⁷ Lalu, ayoa' nyalib dua sok parampok sahahu nige'-Ini', nyungan wa' suutn sentao'-A ge' da nyungan ka suutn sengkiri'-A. ²⁸ Jadi, gatnngaganapta Kitab Suci da muji', "Ge', Ini' gatnngitong ka antara ayo sok durhaka." ²⁹ Lakadakoh, sok da lewat manghujat Yesus gae geleng aba' ayoa' ge' nyansana, "Hei! Akupm da ao' ngaruruh Bait Jabata ge' mantagut a' agi' sadatn taru ano, ³⁰ nyalamatmih adup-Mu sadi' ge' sosormih umpatn salib!" ³¹ Ladakoh uga' ayo imam kapala, samahu nige' ayo' ahli Taurat,manghina Yesus nige' nyansana samu' ka adup a', "Ini' nyalamat sok laitn, tatapi nyalamat adup-A ti' aba'! ³² Teaklah Mesias, Sang Raja Israel, mati' sosor umpatn salib sapaya ite' kaatn mile' ge' pacaya." Ayoa' da gatnnyalib samahu nige' Yesus uga' mancela Ini'. Pangkabis Yesus ³³ Ano nga jam kainum, tajadi kagalapan ka smaan tana dakoh sampe ka jam pire. ³⁴ Nga jam pire Yesus ngampak nige saratn da kuat, da ratia' "Jabata-Ko, Jabata-Ko, Jai Akupm ngagatn Ko ³⁵ Ge', ngalaka ngadangaha', nyamani sok da agutn ka jiket~A nyansana,''Mile'! Ini' maba' Elia.'' ³⁶ Lalu, danyungana talama', ge' nyise' nyabuah busa nige' anggur masum, ge' mana'a' ka nyiteng tarekng, ge' mangkatna' wa' Yesus ya' nyucur, "Te' ile' ta ania Elia ao' utukng ya' nyosor-A." ³⁷ Lakadakoh, Yesus ngampak nige' saratn da kuat ge' ngampoh singat tarakhir-A. ³⁸ No dakoh, tirai Bait Jabata tarara' ngajadi dua, umpatn samo' sampe ka saroh. ³⁹ Ge', jangkah kapala pasukan, da agutn nura' Yesus, mile' langkina Yesus ngampoh singat tarakhir-A, ini' nyansana, "Batolta, sok diah anilah Anak Jabata!" ⁴⁰ Ka teetn uga' ani nyamani mahu' da mile' umpatn jauh, ka antara ayoa' ani Maria Magdalena, ge' Maria ama' Yakobus Angot ge' Yohanes, ge' uga Salome. ⁴¹ Jangkah Yesus ani ka rappo Galilea, ayoa' nganang Ini' ge' malayan Ini'. Ge', ka teetn ani karah mahu laitna' da utukng samahu Yesus ka Yerusalem. Yesus Gatnnyibur ⁴² Jangkah ano nga ngarum, karna hal dakoh anilah Ano Parsiapan kohta ano katinga ano Sabat, ⁴³ Yusuf sok Arematea utukng, nyungan umpatn anggota Majelis Ahyo da gatnhormati, da adup a' uga nganti-anti pajutukng Karajaan Jabata, magatn adup a' ge' anu wa' Pilatus ge' mahi' bangke Yesus. ⁴⁴ Pilatus takajut danga bahwa Yesus nga kabis, ini' maba' kapala pasukan ge' mansikatn kini', anita Yesus nga kabis. ⁴⁵ Ngalaka Pilatus pane umpatn kapala pasukan, ini' mangkatn bangke dakoh wa' Yususf. ⁴⁶ Ge', Yusuf mari saput linen ge' nyosor bangke dakoh, ngalaka mungkus-A sadatn saput lenan dakoh, ini' ngagurikng-A ka sadatn sibur da gatnngari' ka talidi batu'. Ge', ini' mambarikng nyabuah batu' ka pintu maruh sibur dakoh. ⁴⁷ Maria Magdalena ge' Maria ama' Yoses mile' tampat bangke Yesus gatnmagurikng.