¹ Belo ola sundok ene Yesus malan kliling engket kota epo kota ai engket kampong epo kampong nyampe Ijil kerajaan Allah. duo belar murit-Iyo sama-sama diang Iyo, ² ai tenu-tenu kongo ulun bawe yo sundok pkale Iyo engket roh-roh triau ai bmasam roton, erai engket dero ene Maria yo nulek se Makdalena, yo sundok nlopos engket turu roh triau, ³ Yohana bawe Khuza tukang ngatur pengkeo Herodes, Susana diang deo bawe yo mak. bang bawe-bawe endo ngembantu rombongan diang pengkeo dero. ⁴ Des ulun deo bloyun-loyun ulet, yo doko ulun-ulun engket kota-kota bgabung diang Yesus, bunyal doko Iyo diang pmrawet ktindo: ⁵ "Keo ulun tukang nias baling epo nias. des iyo nias , keo yo latu la isan boyan, trus toda ulun ai okan mpulu sampe abis. ⁶ ai keo lou latu mbo tana jut batu, sundok yo moti iyo krep ke belo keo kuli danum. ⁷ keo lou latu mbo lang orop, orop ene tumbu sama-sama ai nyengkatel oti yo sampe pete. ⁸ yo mak latu mbo tana yo buen, sundok iyo moti kbua jatus lipat." sundok buyal ktine Yesus mries oyon Iyo: " ise iyo keo klingo ente nempaning, moko iyo ngringo!" ⁹ Murid-murid-iyo ngunti epo-Iyo, ise rti pmerawet ene. ¹⁰ Laju Io nuing: " Epo ikam dnie karunia ente tau rasia kerajaan Allah, tapi epo ulun-ulun yo mak soal ene pinotau lang pmerawet, beta ko dero meti, tapi belo keo kito ai betako nempaning, tapi dero tau rti. ¹¹ Endo doko arti yo pmerawep ene: bini ene yo doko Firman Allah. ¹² yo latu mbo isan boyan yo ene ulun yo sundok nempaning; abis ene ulet Iblis laju ngalek firman ene engket lang kesong dero, apa dero nang persaya ai sinolamat. ¹³ yo latu mbo tana jut batu yo doko ulun, yo sundok nempaning firman ene ,nrima diang ego, tapi dero belo kwakat, dero persaya ile-ile tingen ai des snoba dero jadi ulun belo persaya oli. ¹⁴ yo latu mbo lang orop yo doko ulun yo sundok nempaning firman ene, ai lang penduan iyo oli dero sengkatel diang water ai pengkeo ai kanam bolum buen, koe ene dero belo ngasil bua yo nsak. ¹⁵ yo latu mbo tana yo buen ene yo doko ulun, iyo sundok nempaning firman ene, ngona iyo lang kesong yo buen ai btahan sampe ngasil bua. ¹⁶ " belo keo ulun yo nembolum plita sundok bolum mayak yo lang tpayam ai mayakiyo iwat pnurui, tapi lo mayakiyo ban blai pita, apa eka-eka ulun yo sumba epo lang lou kito paiyo. ¹⁷ Koe dok berai iyo melim iyo belo anta belo pinokelak, ai belo keo iyo kinomelim iyo belo anta belo tinonoan ai jadi lekum tau ¹⁸ Koe ene, tinompaning beta-beta. koe ise yo keo, lo dnie, tapi ise yo belo keo, engket lo nalek, diang yo eka mbo iyo," ¹⁹ Ine ai erai buntung- erai buntung Yesus ulet epo-Iyo, tapi dero belo sampe se Iyo koe deo ulun. ²⁰ Ulun ngulek epo-Iyo: " Ine-Ko ai erai buntung-erai buntung Ko keo la baling kakan ruku diamg Iko." ²¹ Tapi Iyo ngulek diang dero: " Ine-Ku ai erai buntung-erai buntungKu io ene dero, yo nempaning firman Allah ai nglakuiyo." ²² Des olo Yesus dombo po lang prau sama-sama diang murid-murid-Iyo, ai Iyo ngulek diang dero: " Man taka btual po empai gtung sae," peles dero btual. ²³ des dero desung blayar , Yesus desung turui kolan-kolan ulet brubu ries la gtung ene, sampe-sampe prau ene sumba danum ai dero lang bahaya. ²⁴ Koe ene murid-murid yesus ngenduko Iyo,ulek dero: " guru, guru taka sesa! " laju Iyo uat, laju nempenger riut ai danum iyo ngaru ene, jadi riut ai danum ene tno . ²⁵ Trus ulek Iyo epo dero: " Mombe persaya kam ?" koe ene dero taku diang eran, laju bunyal dero sama dero: " Ise si ulun endo, sampe-sampe Iyo kuli mtua epo riut ai danum, ai dero patoh epo-Iyo? " ²⁶ Sundok ene yesus sombo po tana ombo diang murid-murid-iyo mbo tana ulun Gerasa la mpai Galilea. ²⁷ Sundok Yesus dombo po tana ombo, ulet erai ulun song enket kota ene nyruku Iyo, ulun ene snumban koe setan-setan ai iyo sundok olah belo makai diris laung ai belo nongos lang lou, tapi ela kubur. ²⁸ Des iyo kito Yesus, iyo nyoyar ai nyongkop onon-Iyo ai bunyal diang oyon ries:"Ise urusan ko diang aku, oh Yesus pea Allah yo paling ombo? aku tindu epo iko, apa Iko nang nysa aku." ²⁹ Io ngulek ketine,koe yesus nymuyu roh dat ene baling ngket ulun ene. Koe jono roh ene matak-matak iyo, Nte ngenjaga iyo, iyo nerantai ai bnolit, tapi eka pemolit ene tembekat iyo, ai iyo oit setan ene epo awa yo lengoh. ³⁰ Yesus ngunti epo iyo: " Ise karan ko." Ulek iyo: " Legion," ke iyo snumban deo setan. ³¹ Trus setan-setan ene tindu epo Yesus, apa iyo nang smuyu dero sumba epo lang jurang awa mate. ³² Keo la mne jut bawi deo meto okan la ngrempa tunden, trus setan-setan ene tindu epo Yesus, apa Iyo nyie dero sumba epo lang bawi-bawi ene. Yesus ngaya penindu dero. ³³ Trus baling setan-setan ene ket lang kompu ulun ene ai sumba epo lang bawi-bawi ene. Jut bawi ene sentuyun engket isan kowang epo lang gentung sae ene trus maten monsor. ³⁴ Des penjaga-penjaga bawi ene kito kejadian ene, dero monsit epo ngesah nau pengkito dero ene ela kota ai ela kampong-kampong nai nine. ³⁵ Jadi baling ulun-ulun nte meti ise terjadi ene. Dero ngompoh Yesus ai dero nyruku se ulun yo sundok dikah setan-setan ene tunge dempet botis Yesus; iyo sundok makai diris laung dan iyo sundok koan. Ket ne dero jadi takut. ³⁶ Ulun-ulun yo sundok kito mato nau ene ngesah epo dero, ketimbe nau ulun snumban setan ene sundok sinolamat. ³⁷ Lalu eka-eka ulun iyo ngawa mbo Gerasa tindu epo yesus, apa Iyo ngendikah dero, ke dero takut beta. Moko ene dombo doko Iyo po lang peraw, trus blayar nua. ³⁸ Ulun yo sundok dikah setan-setan ene tindu apa Io senie lumpat diang Iyo. Tapi Yesus nyuyu Io brangkat, ulek-Iyo: ³⁹ " Uli ka epo blai ko ai turenko ka eka iyo sundok gawi Allah epo iko." Ulun ene malan ngelekum pupus kota ai eke-eka ise iyo sundok gawi Yesus epo kompu tonga iyo. ⁴⁰ Des Yesus mulik , ulun deo nrima Iyo koe eka dero nginte-nginte Iyo. ⁴¹ Jadi ulet doko erai kongo ulun yo nan karan se Yairus. Iyo ene pengutok mbo lou ibadat. Ulak nyongkop mbo onon botis Yesus io tindu epo Iyo, apa Yesus ulet epo lou iyo, ⁴² koe pea iyo bawe songo-songo iyo, umur iyo kira-kira duobelas taun, duni mate. Desung malan epo daro Yesus kono jeleh-jeleh ulun deo. ⁴³ Des ene keo erai kongo ulun bawe yo sundok duobelas taun aut menderita roton bawe baling daya yo belo pian pini dapet pekale koe ulun. ⁴⁴ Iyo ngompoh dempet epo Yesus ngket tadah sori ai iyo mulem tompak jubah-Iyo, ai des ene lou tekop daya iyo. ⁴⁵ trus ulek Yesus: "Ise iyo mulem Aku?" Keo belo keo yo mengaku, Petrus bunyal: " Guru, ulun deo nylikup ai ngenjleh Iko?". ⁴⁶ Tapi ulek Yesus: " Keo erai kongo ulun yo mulem Aku, koe san Ku keo kuasa yo baling ngket lang kompu tonga-Ku." ⁴⁷ Des bawe ene tau, se gawi yo ene tinonoan, iyo ngopoh diang ngerkitik, nyongkop mbo onon Iyo ai ngesah epo ulun deo ise moko iyo mulem Iyo ai se io des ene lou jadi ale. ⁴⁸ Ulek Iyo epo bawe ene: "o pea Ku, iman ko sundok nyelamat iko, malan ka diang slamat!" ⁴⁹ Desung Yesus aso bunyal, ulet erai kongo ulun ngket keluarga pengutok lou ibadat ene ai ngulek: " Pea ko sundok mate, nang aso iko ngrepot Guru!" ⁵⁰ Tapi Yesus kringo ene ai ngulek epo Yairus: "Nang takut, persaya ka, se pea ko anta slamat." ⁵¹ Des dero ulet la lou Yairus, Yesus ngusan ndok nang erai kongo sumba diang Iyo, yo makse se Petrus, Yohanes, ai Yakobus ai uma diang ine pea ene. ⁵² eka ulun nangis nungul koe pea ene. Tapi Yesus ngulek: " Nang nangis; io belo di mate, tapi turui." ⁵³ Dero ngoka Iyo, koe dero tau se pea ene sundok mate. ⁵⁴ trus Yesus ngop tangan pea ene ai bunyal ries, ulek Iyo: " o pea uat iko!" ⁵⁵ Jadi mulik roh pea ene ai des ene lou iyo uat laju akat. Bayu Yesus nyuyu dero mie pea ene kuman. ⁵⁶ Jadi eran doko ulun tuo pea ene, tapi Yesus ngusan dero mere epo ulun-ulun nau umbang kjadian ene.