¹ Des olo Sabat, des Yesus malan mo umo gandong, murid-murid-Io' ngutik buti gandong laju nokan, desung dero misel yo diang kayang dero. ² Tapi tenu-tenu kongo ulun Farisi ngulek: "Ise moko iko nggawi ktine, yo nusan des olo Sabat?" ³ Laju Yesus nuing dero: "Belo be iko ngmbaca ise gnawi koe Daud, des io diang dero yo lumpat io slau, ⁴ Ktimbe nau io sumba lang lou Allah diang ngalek roti sajian, laju nokan ai mie yo epo dero yo lumpat ene, padahal roti ene belo di kate nokan ena makse imam-imam?" ⁵ Ulek Yesus nua epo dero: Pea Ulun ene yo doko Tuhan ombon se olo Sabat." ⁶ Des olo Sabat yo mak, Yesus sumba epo lang lou ibadat, trus matuk. Mo mne keo erai kongo ulun yo mate tangan sanan io. ⁷ Tukang-tukang Taurat diang ulun-ulun Farisi nympti nau Yesus, nang-nang- Io' mmekale ulun des olo Sabat, apa dero kuli alasan nte mmesala Yesus. ⁸ Tapi Io' tau kno' dero, trus ngulek epo ulun yo mate tangan ene: "uat ai akat la botuk!" trus uat ulun ene laju akat. ⁹ Trus Yesus ngulek epo dero:" Aku ngunti epo ikam: ise yo kate des olo Sabat, nggawi yo buen ena belo nggawi yo dat, nylamat kesong ulun ena belo mmenasa io?" ¹⁰ Sundok ene Io' meti la gliling epo dero eka-eka, laju ngulek epo ulun kroton ene: "Sokoi tangan ko!" ulun ene nggawi ktine lou peles ale lou tangan io. ¹¹ Koe ene ngrendek mara dero, laju dero brondeng, ise yo kakan gawi dero epo Yesus. ¹² Des ene malan Yesus epo tunden nte smbayang, erai malom putup Io smbayang epo Allah. ¹³ Des dnia molo, Io' momba murid-murid Io' ngruku-Io' laju mili dero duo blas kongo, yo nulek ke Io' rasul: ¹⁴ Simon yo lou tampa Io' karan se Petrus, ai Andrias erai buntung Simon, Yakobus ai Yohanes, Filipus diang Bartolomeus, ¹⁵ Matius ai Tomas, Yakobus pea Alfeus, ai Simon yo bnomba se ulun Zelot, ¹⁶ Yudas pea Yakobus diang Yudas Iskariot yo dilonatu jadi penghianat. ¹⁷ Laju Io' diwa diang dero ia smole mo awa yo rata: mne bekumpul deo ngket murid-murid-Io' ai deo ulun yo mak yo ulet ngket pupus Yudea ai ngket Yerualem ai ngket kampong pantai Tirus diang Sidon. ¹⁸ Dero ulet epo nempaning Io' ai nte' pkale ngket roton dero; dero lou yo snuban koe roh-roh triau pinokale lou. ¹⁹ Ai eka ulun deo ene bkomer mulem Io' koe keo kuasa yo baling ngket Io' ai eka ulun mne pkale Io'. ²⁰ Trus Yesus meti murid-murid-Io ai ngulek: Eggo, iko yo kao, koe iko yo mpun krajaan Allah. ²¹ Eggo, iko yo tempo ndo slau, koe iko anta yo tinomboting. Eggo, iko yo tempo ndo nangis, koe iko yo anta koka. ²² Eggo iko, ena Koe Yesus, ulun kekei se iko, ai ena dero mmetenggang iko, ai ngongah iko ai nolak karan ko epo tadah yo triau. ²³ Snang des ene ai eggo, koe sebeta yo upa ko olai lang sorga; koe ktine lou itak kakah dero sundok nglaku epo nabi-nabi. ²⁴ Tapi ssa ikam, ikam yo kaya, koe pengkeo ko iko sundok kuli nte mgeggo iko. ²⁵ Ssa ikam, yo tempo ndo boting, koe ikam anta slau. Ssa ikam, yo tempo ndo koka, koe ikam yo anta lngoh ia nangis. ²⁶ Ssa ikam, ena eka ulun ngambung ikam; koe ktine lou itak kakah dero sundok nggawi nabi- nabi yo kro." ²⁷ Tapi epo ikam, yo nmpaning Aku, Aku ngulek: tinongkosang musu ko ene. nggawi yo buen epo ulun yo kekei se ikam; ²⁸ Tindu pngkeo nte ulun yo mator nyumpah ikam; smbayang nte ulun yo tuju ngmara iko. ²⁹ Ise yo nenpeleng klpising ko yo erai, die lou klpising ko yo mak, ia ise yo ngalek jubah ko, koe ka iyo' ngalek baju ko lou, ³⁰ Die tongku ulun yo tindu epo iko; ia nang tindu tmpuli epo ulun yo ngalek mpun ko. ³¹ Ai ise yo pngkakan ko apa ulun nggawi yo epo iko, gnawi ktine lou epo dero. ³² Ai ena iko gawal epo ulun yo gawal epo iko, ise untung yo? ai ena ulun-ulun bdosa lou kosang se dero. ³³ Koe ena iko' nggawi buen epo ulun yo nggawi buen epo iko' ise untung yo? koe ulun-ulun yo dosa nggawi ktine lou. ³⁴ Ai ena iko mmekinjam ise-ise epo ulun, koe iko' ngarap kakan kuli ise-ise ngket io,' ise untung ko? ulun-ulun dosa lou mmekinjam epo ulun-ulun dosa, apa dero kuli nua kerai kroa. ³⁵ Tapi iko',knosang lou musu ko' gnawi yo buen epo dero, ai pinokinjam diang belo di ngarap se nte' bales, apa upa ko' olai ai iko' anta jadi pea-pea Allah Io' paling ombo, koe Io' buen epo ulun-ulun yo belo tau berterima kasi ai epo ulun-ulun yo triau. ³⁶ Arus iko' buen kesong, sama kati Bapa ko' buen kesong." ³⁷ Nang iko nundruh, apa iko belo anta tnudruh. nang iko ngukum, apa iko belo anta dinukum; nampun, apa iko nampun lou. ³⁸ Dnie, apa iko anta dnie; ena sukat yo buen, yo ninsok, yo knukui ai yo nyoak po baling anta tnudak epo lang pnampen ko. ise sukat yo pakai ko nte nyukat, ene anta snukat epo iko." ³⁹ Yesus ngulek laju nympuri epo dero: "kuli be ulun posa' ngayak ulun posa? Belobe dero duo sama-sama toyak lang luang? ⁴⁰ Murid belo anta di nglalo se guru iyo, tapi ise yo sundok tmat plajaran iyo anta sama diang guru iyo. ⁴¹ Ise moko iko meti juras lang mato ulun, tapi plong kayu lang mato iko se belo iko tau? ⁴² Ise moko iko kuli ngulek epo erai buntung ko: koe ka aku nmbaling juras yo keo lang mato ko, pdahal plong kayu yo lang mato ko se, belo iko kito? o ulun mnapik, tmbaling ile plong kayu ngket lang mato ko, apa iko kito diang jlas nte nmbaling juras ene ngket lang mato erai buntung ko ⁴³ Koe belo keo tonga kayu yo buen, yo ngasil bua yo belo buen, ai lou belo keo kayu yo belo buen yo ngasil bua yo buen. ⁴⁴ Koe tongku kayu tinonoan ngket bua yo. Koe ngket jaba mpap ulun belo di ngutik bua ara ai ngket dui-dui belo di ngutik bua anggur. ⁴⁵ Ulun yo buen nmbaling nau yo buen ngket lang kesong iyo, yo buen, ai ulun yo dat nmbaling nau yo dat ngket kesong yo dat. koe ise yo ulek bowa iyo, baling ngket kesong iyo." ⁴⁶ "Ise moko iko momba-momba Aku: Tuhan, Tuhan, padahal iko belo di nggawi ise yo ulek-Ku? ⁴⁷ Tongku ulun yo ulet epo Aku ai nmpaning pmesara-Ku diang nggawi yo - Aku anta mmekelak epo iko diang ise io dapet pinosama -, ⁴⁸ io sama kati ulun yo nngkuat lou: ulun ene ngakit lontop-lontop ai mayak tondal yo ban batu. Des ulet danum ai owa ngnjalus lou' ene, lou ene belo di skukui, koe lou ene turon tampa se yo. ⁴⁹ Tapi ise yo nmpaning pmesara-Ku, tapi belo di nggawi yo, io sama kati ulun yo nngkuat lou ban tana belo di tnontang. des ulet owa ngnjalus yo, lou ene laju roros, ai dras beta rusak yo.