¹ Lang taun kelimo blas ngket pmerenta Kaesar Tiberius ,des Pontius Pilatus nte jadi wakel negri Yudea ai Herodes raja wilayah Galilea, Filipus, erai buntung yo, raja wilayah Iturea ai Trakhonitus, ai Lisanias raja wilayah Abilene, ² des jman Hanas ai Kayafas nte jadi Imam olai, ulet Firman Allah epo Yohanes, pea Zakharia, mbo padang gurun. ³ Des ene Yohanes ulet epo pupus daerah Yordan ai ngulek: "Tobat ai mie kompu ko nte bnaptis ai Allah anta ngampun dosa ko, ⁴ kati keo tnulis lang kitab nbuat-nbuat Yesaya: Keo oyon yo momba-momba mbo padang gurun: sinodia boyan nte-Tuhan, pinolonus boyan nte-Iyo. ⁵ tongku lbak anta tnimbun ai tongku tunden ai dulung jadi rata, yo blengkong pinolonus, io glutgensung pino solo, ⁶ ai eka-eka ulun anta kito slamat ngket Tuhan." ⁷ Trus io ngulek epo ulun deo yo ulet epo iyo nte baptis, ulek iyo: "O iko upus nipo muro! Ise yo ngulek epo ikam apa kuli makat ngket pngemara yo anta ulet? ⁸ Pinokelak bua-bua yo sengkono diang nau bolum sundok tobat. Ai nang kneno lang kesong kam: Abraham ene uma kain! Koe aku ngulek epo ikam: Allah kuli nampa pea-pea nte Abraham ngket batu-batu endo! ⁹ Kapak sundok sinodia mbo tondal kayu ai tongku tonga yo belo tau kbua buen, anta tnotou ai noding epo lang api." ¹⁰ Ulun deo ngunti epo iyo: "Ena ketine, ise nte kain gawi ?" ¹¹ Tuing iyo: "ise-ise yo keo baju duo, buen yo ngembagi epo yo belo pian keo, ai ise io keo okan kinan, moko yo gawi yo ktine low." ¹² keo ulet low pnage-pnage bea nte baptis ai dero ngunti epo iyo: "Guru, ise yo arus gawi kain?" ¹³ Tuing iyo: "Nang nage sisa se yo tnentu nte kam." ¹⁴ ai tentara-tentara ngunti lou epo iyo: "ai kain, ise yo arus gawi kain?" Tuing Yohanes epo dero: "Nang ngrampas diang maksa, cukup ka diang upa kam." ¹⁵ Tapi koe ulun deo desung minte ai ngarap, ai eka dero ngunti lang kesong dero nau umbang Yohanes ene, nang-nang io ene Mesias, ¹⁶ Yohanes nuing ai ngulek epo eka-eka ulun ene: "Aku ngembabtis ikam diang danum, tapi Io aso ombo kuasa yo se aku anta ulet ai ngosu tali trumpak yo aku belo snaron. Io anta ngembabtis ikam diang Roh Kudus ai api. ¹⁷ Lewong keo mbo kayang Iyo nte ngembrese awa lisung gesar-Iyo ai nte ngumpul gandong Iyo epo lang longkong Iyo, tapi bondul jrami ene anta tuna-Iyo lang api yo belo dapet plonsop." ¹⁸ Diang deo nasehat yo mak Yohanes nyampe Injil epo ulun deo. ¹⁹ Tapi des io sundok negur raja Herodes koe keo kjadian Herodias, bawe erai buntung iyo se, ai koe eka gawi gata triaw yo gawi iyo, ²⁰ Raja ene nambah gawi triaw iyo diang msumba Yohanes epo lang penjara. ²¹ Des eka ulun deo ene sundok bnaptis ai des Yesus low bnaptis ai desung bdoa, wikang ka langit ²² ai diwa Roh Kudus kati nau mpulu dara epo ombon Iyo. ai keo oyon ngket lngit: Iko endo Anak-Ku io tengkosangKu, epo iko bute aku sengkono." ²³ Des Yesus ngmulai gawi Yo, umur yo kira-kira tolu pulu taun ai ena kati mbo kesah ulun, io ene pea Yusuf, pea Eli, ²⁴ pea Matat, pea Lewi, pea Malkhi, pea Yunai, pea Yusuf, 25pea Matica, pea Amos, pea Nahum, pea Hesli, pea Nagai, 26pea Maat, pea Matica, pea Simei, pea Yosekh, pea Yoda, 27pea Yohanan, pea Resa, pea Zerubabel, pea Sealtiel, pea Neri, 28pea Malki, pea Adi, pea Kosam, ²⁵ pea Matika, pea Amos, pea Nahum, pea Hesli, pea Nagai, ²⁶ pea Maat, pea Matika, pea Simei, pea Yosekh, pea Yoda, 27pea Yohanan, pea Resa, pea Zerubabel, pea Sealtiel, pea Neri, 28pea Malki, pea Adi ²⁷ pea Yohanan, pea Resa, pea Zerubabel, pea Sealtiel, pea Neri, ²⁸ pea Malki, pea Adi pea Kosam, pea Elmadam, pea Er, ²⁹ pea Yosua, pea Eliezer, pea Yorim, pea Matat, pea Lewi, ³⁰ pea Simeon, pea Yehuda, pea Yusuf, pea Yonam pea Elyakim, ³¹ pea Melea, pea Mina, pea Matata, pea Natan, pea Daut, ³² pea Isai, pea Obet, pea Boas, pea Salmon, pea Nahason, ³³ pea Aminadab, pea Admin, pea Arni, pea Hezron, pea Peres, pea Yehuda, ³⁴ pea Yakub, pea Ishak, pea Abraham, pea Terah, pea Nahor, ³⁵ pea Seruk, pea Rehu, pea Peleg, pea Eber, pea Salmon, ³⁶ pea Kenan, pea Arpakhsad, pea Sem, pea Nuh, pea Lamekh, ³⁷ pea Metusalah, pea Henohk, pea Yaret, pea Mahalaleel, pea Kenan ³⁸ pea Enos, pea Set, pea Adam, pea Allah. .