¹ Yesus ngulek epo murid-murid-Iyo: "Belo anta belo keo pmmeketang, tapi sesa beta ulun yo nggawi ene. ² Nte ulun ktine alo bnolit batu gilingan epo biung io, laju io pinolotong epo lang tasik, ono se yo mngktang ulun yo belo keo kuat kalu endo. ³ Iko se hati-hati! ena erai buntungko nampa dosa, knae io ai ena io noli, nampun io. ⁴ Tontan ko io nampa dosa epo iko turu derang lang erai olo diang turu derang io ulet epo iko ai ngulek: Aku noli, iko arus ngampun io." ⁵ Trus ulek rasul-rasul ene epo Tuhan: "Tambah ta iman kain!" ⁶ Tuing Tuhan: "Ena beta ikam keo iman kekolai bigi jabung tingen, ikam kuli ngulek epo tonga ara endo: Rukat iko ai bkulo lang tasik, ai io anta ngaya ngko." ⁷ Ise lelu ikam yo keo erai kongo batak yo gatoh tana nte awa skulo ai ngnjaga pnyekamu nte io, anta ngulek epo batak ene, sundok io uli ngket umo: Man taka kuman! ⁸ Belo be ube yo anta ngulek epo batak ene: Sdia ta okan singkapku. Bolit se towing ko diang gadoh ta nte oki sampe sundok kuman ngisop. Ai sundok ene kate ka iko kuman ngisop. ⁹ Keo be io btrima kasi epo batak ene, koe batak ene sundok nggawi ise yo snuyu epo io? ¹⁰ Ktine lou ikam. Ena ikam sundok nggwai ise yo snuyu epo ikam, mko io ikam ngulek: Kain endo batak-batak yo belo keo uman; kain nggawi tingen ise yo arus nte kain gawi." ¹¹ Lang dalan-Iyo epo Yerusalem Yesus malan nyarak ekang Samaria ai Galilea ¹² Des Io sumba desa ulet spulu kongo ulun kodong nyruku Io. Dero ngrokonjong oro bes ¹³ ai momba diang ries: "Yesus, Guru, tngkosang ta kain!" ¹⁴ Laju Io meti dero ai ngulek: "Daro, pkelak kompu tonga kam epo imam-imam." desung dero la boyan dero jadi ale. ¹⁵ Erai kongo ngket dero, des kito se io sundok ale, mulik ulak ngmulia Allah diang oyon ries, ¹⁶ trus nyongkop onon botis Yesus ai nglek sukur epo-Iyo, Ulun ene ulun Samaria. ¹⁷ Laju Yesus ngulek: "Belo be spulu kongo ulun ene nde sundok ale? Mombe yo sie kongo ulun ene? ¹⁸ Belo keo be dero mulik nte ngmulia Allah makse ngket ulun nyumba endo?" ¹⁹ Laju Io ngulek epo ulun ene: " Akat ai malan iman ko sundok nylamat iko." ²⁰ Koe unti ulun-ulun Farisi, des mbe krajaan Allah anta ulet, Yesus nuing, ulek-Iyo: "Krajaan Allah ulet belo keo tanda-tanda yo nitan lansung, ²¹ ulun lou belo kuli ngulek: Eti, io keo la mndo ena belo yo keo lalane! Koe sbeta io Krajaan Allah keo mbo ekang ikam." ²² Ai Io ngulek epo murid-murid-Iyo: "Anta sampe des ikam kakan kito erai olo ngket olo-olo Pea Ulun ene ai ikam belo anta kito io. ²³ Ai ulun anta ngulek epo ikam: Eti, io keo lalane; eti, io keo lamendo! Nang ikam malan pomne, nang ikam lumpat. ²⁴ Koe sama kati ilap ngrempea ngket tompak langit yo erai epo tompak langit yo mak, ktine lou dko nau umbang Pea Ulun des olo pngulet Iyo. ²⁵ Tapi Io arus deo kiso kanam pengkono pengkna ile ai belo tinorima koe kokan endo. ²⁶ Ai sama tkono kati des zman Nuh, ktine lou nau umbang io anta des olo-olo Pea Ulun: ²⁷ dero kuman ai ngisop, dero kawen ai knawen, sampe des olo Nuh sumba lang praw olai, laju ulet owa nyelop dnia ai mmekabis dero eka-eka. ²⁸ Ktine lou tkono kati des zman Lot: dero kuman ai ngisop, dero moli ai ngnjual, dero sekulo ai nengkuat lou blai. ²⁹ Tapi des olo Lot malan baling ngket Sodom diwa dko uran api ai uran blerang ngket langit mmekabis eka-eka dero. ³⁰ Ktine lou nau umbang yo anta des olo, des Pea Ulun mkelak kompu-Iyo. ³¹ Ise-ise ulun des olo ene mbo awa bsrongin mbo loteng ai barang-barang yo keo lang lou, nang io diwa nte ngalek ene ai ktine lou ulun aso ela umo nang io uli . ³² Kenop-kenop se bawe Lot! ³³ Ise-ise ulun yo bkomer nylamat kesong io, io anta mapos kesong io, ai ise-ise ulun yo mapos kesong io, io anta nyelamat kesong io. ³⁴ Aku ngulek epo ikam: Des malom ene keo duo kongo ulun la ban erai awa pnurui, yo erai kongo anta noit ai yo mak anta tnape. ³⁵ Keo duo kongo ulun bawe sama-sama nggiling, yo erai kongo anta noit ai yo mak anta tnape."Ena ³⁶ keo duo ulun mbo umo, yo erai anta noit ai yo mak anta tnape. ³⁷ Ulek dero epo Yesus: "Lamone, Tuhan?" Ulek-Iyo epo dero: "Lamone keo antu, la mne ngrepudu koniw ³⁷ Ulek dero epo Yesus: "Lamone, Tuhan?" Ulek-Iyo epo dero: "Lamone keo antu, la mne ngrepudu koniw