¹ Koe ene Tuhan mili turu pulu murid yo mak, bayu ngutus dero duo-duo kongo malan ono se Iyo epo tongku kota diang awa yo kakan nte pngitek Iyo. ² Ulek Iyo epo dero: "Nte ani meroa tapi nte nggawi yo kurang. Koe ene tindu epo mpun ani, apa io ngirim ulun nte ngani ene. ³ Malan aut, sbeta yo Aku nyemuyu ikam kati anak domba epo ekang jaba sengkalau. ⁴ Nang moit pitisen, nguyu, trumpak, ai nang ngo diang ise-ise ulun kola ikam ela boyan. ⁵ Ena ikam sumba lou,ulek ono-ono: Damai sjahtra nte lou endo. ⁶ Ena mne keo yo sengkono nrima damai sjahtra, salam ko ene ktape mbo iyo. Tapi ena belo, salam ene mulik epo ikam nua. ⁷ Nongos mbo lou ene, kuman nyingkap ise yo dnie epo ikam, koe ulun yo bgawi arus keo upa. Nang pindah-pindah lou. ⁸ Ena ikam sumba mbo kota ai ikam tinorima mbo mne, nokan okan singkap yo dnie epo ikam. ⁹ Ai pkale kam ulun-ulun yo keo roton mbo mne, ai ulek kam diang dero: Krajaan Allah sundok dmpet diang ikam. ¹⁰ Tapi ena ikam sumba lang kota ai belo tinorima mbo mne, malan ikam epo boyan-boyan olai mbo kota ene ai ngulek diang ries: ¹¹ Bondul kota kam yo preket mbo botis kain, kain nompus yo onon ikam; tapi ikam arus tau endo: Krajaan Allah sundok dmpet. ¹² Aku ngulek diang ikam: des olo ene Sodom aso mean tanggungan yo se kota ene." ¹³ "Slaka ikam Khorazim! Slaka ikam Betsaida! koe ena ela Tirus ai ela Sidon keo musisat-musisat mbo eka-eka ikam, sundok ola dero btobat diang tangis tungul. ¹⁴ Tapi sampe des nte mutus, tanggungan Tirus diang Sidon aso mean se tanggungan kam. ¹⁵ Ai ikam Kapernaun, pinodombo sampe langit be ikam? Belo, ikam pinodiwa sampe awa ulun mate! ¹⁷ Turu pulu kongo murid ene ulet diang ego ai ngulek: "Tuhan, ene lou diang setan-setan belo ronu oli diang kain koe karan-Ko." ¹⁸ Trus ulek Yesus diang dero: "Aku kito iblis latu kati jlepan ngket langit. ¹⁹ Sebeta yo Aku sundok mie kuasa epo ikam nte noda nipo diang kremau ai kuasa nte nantai penggalak musuh, nampa belo keo nte nengkono ikam. ²⁰ Tapi ikam nang ego koe roh-roh ene takut se ikam, tapi ego koe karan kam keo tnulis mbo sorga. ²³ Sundok ene Yesus skuleng tadah murid-murid-Iyo se ai ngulek epo dero: "ego yo kito ise yo pengkito kam. ²⁴ Koe Aku ngulek diang ikam: Deo nabi ai raja kakan kito ise yo pngkito kam, ai kakan nmpaning ise yo pendingo kam, tapi belo di kringo." ²⁵ Des jman ene akat erai kongo ahli Taurat nte nyoba Yesus, ulek iyo: "Guru, ise nte oki gawi apa kuli bolum yo kden?" ²⁶ Tuing Yesus epo iyo: "Ise yo tnulis lang ukum Taurat? Ise yo baca ko mbo lane?" ²⁷ Tuing ulun ene: "Sayang epo Tuhan, Allah ko, diang eka kesong ko diang eka jiwa ko ai diang eka penggalak ko,diang eka pngenanam buen ko, ai sayang epo ulun sama kati epo iko se." ²⁸ Ulek Yesus epo iyo: "Tuing ko ene beta; gawi ko ka ktine, iko pasti bolum." ²⁹ Tapi nte nyembeta nte iyo, ulun ene ngulek epo Yesus: "Ai ise po yo sama ulun?" ³⁰ Tuing Yesus: "Keo ulun yo diwa ngket Yerusalem epo Yerikho; yo kono bungka prampok yo belo di ngrampas iyo tingen diang ptikas, tapi ngunu iyo lou, bayu ngndikah iyo diang kesong sori. ³¹ Des ene lou keo erai kongo imam diwa tete boyan mne; io kito ulun ene, tapi io ngliki ulun ene ngket bika boyan. ³² Ene lou keo ulun Lewi ulet epo mne; des iyo kito ulun ene, iyo ngliki ngket bika boyan. ³³ Bayu ulet erai kongo ulun Samaria, yo desung malan, epo awa ene; des io kito ulun ene, timbul kosang iyo. ³⁴ Io ngompoh ulun ene, laju ngopop jail jungel ulun ene, des sundok nota diang lnga ai anggur, bayu yo nembot ulun ene epo ban kldai iyo, bayu moit epo pnginapan ai ngasi ngelah iyo. ³⁵ Olo manin iyo io mie duo dinar epo mpun pnginapan ene, ulek iyo: "Asi ela ko iyo ai ena iko sboli sisa se endo, aku ngganti iyo, asal aku uli. ³⁶ Ise lelu tolu kongo ulun ene, kati san ko, yo sama ulun yo kono kurow prampok ene?" ³⁷ Tuing ulun ene: "Ulun yo kosang epo iyo." Ulek Yesus epo iyo: "brangkat, ai gnawi kati ene low!" ³⁸ Des Yesus diang murid-murid Iyo ela boyan, ulet Io mbo erai kampong. Ulun bawe nan karan se Marta nrima Iyo ela lou iyo. ³⁹ Ulun bawe ene keo erai buntung nan karan se Maria. Maria ene tunge dmpet botis Tuhan ai trus nmpaning kesah-Iyo, ⁴⁰ des ene Marta pae beta nyedia okan singkap. Iyo ngompoh Yesus ai ngulek: "Tuhan, belo be Iko nyanda, se erai buntung ku belo nyanda aku pae ba-ba? Suyu Ko iyo ngawat aku." ⁴¹ Tapi Tuhan nuing: "Marta, Marta, iko gaer beta ai nyusah iko se diang deo gawi. ⁴² Tapi erai tingen yo keo jodo: Maria sundok mili nte iyo yo paling buen, yo belo anta di nalek ngket iyo."