(Mendesio Dibonorko Allah oleh pengorbanon Yesus Kristus) ¹ uleh sabab iye, ulenyo kite lah debonorko uleh iman, mengka kite lah bedamai ngan Allah melalui Tuhan kite, Kristus Yesus; ² melewatinye, kite memperoleh jelon masuk menuji iman kepodo anugerah Allah nyo kinie menjedi dasar kita togok, ngan kite besukacita delom pengharopon kemuliaaon Allah. ³ Hopi hanyo iyo, kite juga besukacita dedelom penderitaaon nyo kite alami ulenyo kite tahuko bahwa penderitaon nie menghasilko ketekunon, ⁴ ketekunon menghasilko karakter nyo tahan uji, ngan karakter nyo tahan uji menghasilko pengharopon, ⁵ ngan pengharopon hopi mengecewako, sabab kaseh Allah lak decurahko kedelom hati kite melalui Roh Kudus nyolah dekaruniako kepodo kito. ⁶ Tekalo kite lagi lama, Kristus mati untuk urang-urang durhako podo saatnyo tepat. ⁷ Sabab, jerong ada urang nyo endok mati untuk urang bonor, meskipun mungkin ado jugo urang nyo endok mati untuk urang beik. ⁸ Hambok, Allah menyatoko kaseh-Nye kepodo kite, bahwa tekalo kite lagi menjedi pendoso, Kristus mati untuk kite. ⁹ Lebih jak iyoi, setelah debonorko uleh dehonye, kite nak diselamatko jak pemara Allah melewati Nye. ¹⁰ Sabab, tekalo kite lagi menjedi mosoh Allah, kite lah deperdamaiko dengan Allah melewati kemation Anak-Nye, lobeh-lobeh lagi kinie ulenyo kite lah diperdamaiko ngan-Nye. ngan kenyataaon bahwa kinie kite lah dipedamaiko dengan Allah, mangko kite jugo pasti diselamatko melalui hidup-Nye. ¹¹ Bukan hanyo iyoi, kite jugo bemegah dedelom Allah melalui Tuhan kite Yesus Kristus, nyo melewatinye kite kinie nerimo pendamaion Allah. ¹² Ulenyo iye, upah duso lah masuk kedelom denia nie melewati sikok urang ngan maut masuk melewati doso upa iyo jugo maut menyebar kepodo segelo urang ulenyo segelonye lah beduso. ¹³ Sabab, dosolah ado dedenia sebolum Hokum Taurat musa ado, hambok doso hopi deperhitungko Allah selamo hopi ado Hokum Taurat. ¹⁴ Hambok upaiyelah, maut berkuaso sejak zaman Adam sampoi Musa, bahkan pucok urang-urang nyo hopi melakuko doso upahnyo delakuko uleh Adam, nyo adolah abayang-bayang jak Nyo nak jongo. ¹⁵ Cuma hambo, pemborion jak Allah iye hopi tebanding dengan doso. Sabab, munye unye duso sikok urang lobot urang la mati, mangko telobe karunia deri Allah ngan pemberion melalui karunia sikok urang iye, yaitu Yesus Kristus. ¹⁶ Ngan, anugerah hopi upah akibat jak doso sikok urang iye. Saba, penghukoman pucuk suatu pelanggaron nak ngunda hokomon, hambok angerah pucok lobot pelanggaron mengunda pembonoron. ¹⁷ Munye ulenyo doso sikok urang, maut bekuaso pucok sikok urang iye, telobe lagi urang-urang nyo nerimo kelimpahon anugerah ngan karunia kebonoron nak nerimo dedelom kehidupon melewati sikok urang iye, yaitu Yesus Kristus! ¹⁸ Jedi, samo upah melewati sikok pelanggaron segelo urang menerimo hokoman, upah iyela jugo uleh perbuaton kebenoron sikok urang pula segelo mendesio menerimo hidop ngan pembenoron. ¹⁹ Ulenyo kehopitaaton sikok urang, lobot urang menjedi pendoso. Cuma hambok, ulehnyo ketaaton sikok urang, lobot urang nak dibonorko. ²⁰ Hokom Taurat detamboko empok doso betambo lobot. Cuma hambok, denempat doso meningkat, anugerah Allah nak semakin berlimpah-limpah, ²¹ enggakko nyo samo upah doso bekuaso dedelom maut, kaseh karunia jugo bekuaso dedelom maut, kaseh karunia juga bekuaso melewati kebonoron nyo mememimpin kepodo hidup kekal dedelom Kristus Yesus Tuhan Kite.