(Teladan Abraham) ¹ Jedi, apekah nyo nak kite gerako tentang Abraham, bepa leluhor kite menurot deging? ² Ulenyo munyeh Abraham debonorko melalui perbuatonnye, nye mempunyoi alason untok bemegah, hambok hopi dehadopon Allah. ³ Sabab, ape nye degerako uleh Kitab Suci? "Abraham pecayo kepodo Tuhan ngan Tuhan memeperhitungko hal iye kepodonye sebagoi kebonoron." ⁴ Kepodo urang nyo begawe, upah nyo diberiko kepodo mike bukonlah suatu hadiah, meloinko hak mika. ⁵ Ngan, kepadonye hopi begawe hambok pecayo kepodo Allah nyo membonorko urong fasik, iman mike depehitungko suatu kebonoron. ⁶ Bahkon Daud pun menghatoko saken debekatinyo seseurang tekalo Allah memperhitungko kebonoron kepodonyo tanpa memandong hal-hal nyolah nyo perbuat. ⁷ "Bebahagialah urang nyo deampuni pelanggaron-pelanggaron nye, ngan nyo ditutupi doso-dosonye. ⁸ Bebahagialah urang-urang nyo dusonyo hopi deperihitungko uleh Tuhan!" ⁹ Apekah berkat nie hanyo untuk urang bersunat? Ataukah jugo untuk urang nyo hopi bersunat? Sabab kami lah mengehatoko behwo "Iman Abraham terhitung upah kebonoron." ¹⁰ Mengkah, upamone iye depehitungko kepodonye? Sebolum atau lah sesodah nyo desunat?Bukon setelahnyo desunat, meloinko sebolum nyo desunat. ¹¹ Abraham menerimo tando sunat sebab upah materi kebonoron iman sebolum nyo bersunat empoknyo enye pacok menjedi bepak bagei segelo urang nyo pecayo hopi besunat upah kebonoron iye jugo deperhitungko kepodo mike; ¹² sekaligus menjedi bepak bagi urang-uran besunat hopi hanyo besunat hambok jugo bejelon delom jelon iman nyo pernah delalui uleh bepak kie, Abraham, sebolum nye desunat. ¹³ Jenji kepodo Abraham ngan kepodo keturononye behwa nye nak mempunyoi segelo behumi hopi akan diponohi melalui Hokom Taurat, hambok melewati kebonoron iman. ¹⁴ Sabab, munye mike nyo beasal jah Hokom Taurat pacok menjedi ahli wares, mengko iman menjedi sio-sio nagn jenji Allah debatalko; ¹⁵ sabab Hokom Taurat mendetongko bemarah, hambok monyeh hopi ado Hokum Taurat, mangko desie jugo hopi ado pelanggaron. ¹⁶ Nielah mengka jenji iye berasal jak iman, umpok jenji iye bedasarko kaseh karunia sehinggo jenji iye jugo sampoi kepodo segelo keturunon Abraham; bukan anyo nyo beasal jak Hokom Taurat, hambok jugo nyo berasal jak iman Abraham, nyo adolah bepak kite sigelo, ¹⁷ (upahnyo tetules, " Akelah menjediko kowe bepak bage lobot bengeso") dehadopon Allah nyo iye pecayo, adolah Allah nyo memberi kehidopon kopodo urang mati ngan nyo nyobut sesuatu nyobolum ado menjedi ado. ¹⁸ Delom pengharopon de pocok pengharopon nye pacayo, sehinggo nye pacok menjedi bepak jak lobot bengso sesuoi ngan nyo lah degerako, "Nak menjedi upaniela keturunannye." ¹⁹ Ngan, dengan hopi menjedi lamah delom iman, meskipun enye mengetahui badan nyo dewek hampir mati ulenyo umornyo kiro-kiro 100 tahun ngan rahim Sara jugo lah mati; ²⁰ nye hopi debimbangko terhadop jenji Allah uleh kehopiyakinon. Sebeleknyo, iman nyo dikuatko sehinggo nye memberiko kemuliaaon kepodo Allah, ²¹ ngan meraso yakin bahwo Allah bekuaso melakuko aop nyo lah dejejiko-Nye. ²² Ulenyo iyelah, imannye "diperhitungko sebagai kebonoron" ²³ Hambok, hal iye hopi hanyo detules demi kepentingon Abraham bae, ²⁴ hambok jubo bagi kite. hal iye nak deperhitungko kepodo mika nyo pecayo kepodonyo membangkitko Yesus, Tuhan kite, jak antaro urang mati. ²⁵ Nyoiye, Yesus nyolah deserahko untok mati ulenyo doso kite, ngan nyolah debangkitko demi pembenoron kite.